konka coffee
KONKA

AMAKURU

UKWEZI
ubumwe

Iran yarashe drone ya Amerika, Amerika ishobora kubigira iturufu yo gushoza intambara

Iran yarashe drone ya Amerika,  Amerika ishobora kubigira iturufu yo gushoza intambara
20-06-2019 saa 15:24' | By Nsanzimana Ernest | Yasomwe n'abantu 1595 | Ibitekerezo 1

Mu gitondo cyo kuri uyu wa Kane igihugu cya Iran cyarashe drone ya Leta zunze ubumwe za Amerika , ikintu gishobora kuba imbarutso y’ intambara hagati y’ ibi bihugu bisanzwe bishotorana kubera ikibazo cy’ intwaro z’ ubumara.

Igisirikare cya Iran nyuma yo kurasa iyi drone cyatangaje ko kidashaka intambara ku gihugu icyo ari cyose ariko cyongeraho ko kiteguye guhana n’ uwariwe wese wagishozaho intambara.

Iran ivuga ko iyi ndege yakoraga ubutasi yari mu kirere cyayo Leta zunze ubumwe za Amerika ikabihakana.

Amerika iti “Drone yarasiwe mu kirere mpuzamahanga, Iran ivuga ko yarasiwe mu kirere cyayo ibyo ivuga sibyo”.

Igisirikare cya Iran kivuga ko iyi drone yarasiwe ahitwa Ormuz ivuye kuri misiyo mu kirere cya Iran.

Ibihugu byombi bisanzwe bitabanye neza kuko Leta zunze ubumwe za Amerika yongeye gufatira ibihano Iran.

Mu Ugushyingo 2018, nibwo Leta Zunze Ubumwe za Amerika zongerereye ibihano by’ubukungu kuri Iran bisanga ibyo zasubijeho, nyuma yo kwikura mu masezerano yari yatumye Iran idohorerwa ku byo yari yarafatiwe izira kwikungahaza ku ngufu za kirimbuzi.

Ibihano Iran yafatiwe na Amerika ni ibihano by’ ubukungu ariko biremereye cyane kuko Banki Nkuru yayo itemerewe guhererakana amafaranga na Banki Nkuru zo mu bindi bihugu.

Ubukungu bwa Iran bushingiye ku bucuruzi bwa Peterole ku kigero cya 80%, naho 60 by’ ingengo y’ imari iva mu bucukuzi bwa peterole.

Ibi bihano Iran yafatiwe izira gukora no gutunga intwaro kirimbuzi bibangamiye ibihugu by’ I Burayi kuko Iran ari umucuruzi ukomeye wa Peterole muri ibi bihugu by’ I Burayi.

Muri Nyakanga 2018, Perezida wa Iran Hassan Rouhani wa Iran yabwiye Perezida wa Leta Zunze Ubumwe za Amerika, Donald Trump, ko intambara yashoza kuri Iran yaba umubyeyi w’intambara nyinshi.

Yagize ati “Abanyamerika bagomba kumva ko intambara na Iran ari nyina w’intambara zose kandi amahoro na Iran ari nyina w’amahoro yose.”.

Amerika yivanye mu masezerano ibihugu byombi byari byaragiranye ku buyobozi bwa Barack Obama, ngo hakurweho ibihano by’ubukungu Iran yari yarafatiwe.


INKURU ZA :
Tanga Igitekerezo
Ibitekerezo 1
butera Kuya 24-06-2019

n inzik

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...