konka coffee
KONKA

AMAKURU

UKWEZI
ubumwe

Kenya: Havumbuwe inyamaswa nini y’ inyamabere yabayeho mu myaka miliyoni 22

Kenya: Havumbuwe inyamaswa nini y’ inyamabere yabayeho mu myaka miliyoni 22
18-04-2019 saa 10:24' | By Nsanzimana Ernest | Yasomwe n'abantu 5265 | Ibitekerezo 1

Mu gihugu cya Kenya abashakashatsi bahavumbuye ibisigazwa by’ inyamaswa nini cyane y’ inyamabere bemeza ko yabaye muri iki gihugu mu myaka miliyoni 22.

Iyi nyamaswa iri mu bwoko bw’ inyamaswa z’ imikaka, yahimbwe "Simba kubwa kutoka Afrika" bisobanura intare nini y’ Afurika.

Nk’ uko byatangajwe n’ ikinyamakuru ‘National Geographic magazine’ iyi nyamaswa bikekwa ko yari ifite ubunini buruta ubw’ idubu. Idubu yakuze y’ ingabo igira ibilo 450.

Ibisigazwa by’ iyi nyamaswa byavumbuwe nibyo by’ inyamaswa ya mbere yabayeho mu bwoko bw’ inyamaswa zazimye zitwa ‘hyaenodonts’. ‘Hyaenodonts’ ni inyamaswa zabayeho mu myaka ya kera cyane ziza gucika ku Isi, izi nyamaswa nizo nyamaswa zari zifite amenyo akomeye cyane kurenza inyamaswa zose. Amenyo ya hyaenodonts yari ateye nk’ ay’ impyisi ariko izi nyamaswa zombi nta sano zifitanye.

Amagufa y’ ijanja ry’ imbere, amenyo n’andi magufa y’ iyi nyamaswa biri mu nzu ndangamurage yo muri Kenya iri mu mujyi wa Nairobi.

Matthew Borths , Umushakashatsi wo muri kaminuza ya Duke muri Leta zunze ubumwe za Amerika yabwiye ibiro ntaramakuru by’ Abafaransa ati "Nshingiye ku menyo, Simbakubwa yari inyamaswa kabuhariwe y’ indyanyama nini cyane kurusha intare ziriho ubu, ndetse bishoboka ko yarutaga idubu.”

Matthew Borths, ni umwe mu bakoze ubushakashatsi muri kaminuza ya Ohio ibyo bavumbuye bitangazwa mu kinyamakuru ‘Vertebrate Paleontology’.

Uretse hyaenodonts mu zindi nyamaswa zabaye ku Isi zikaba zitakihaba harimo dinezoru , izi zabaye ku Isi mu myaka iri hagati ya miliyoni 243 na 233.23 ishize.


INKURU ZA :
Tanga Igitekerezo
Ibitekerezo 1
Tuyishimire mubrak Kuya 20-04-2019

Ntibyoroshye2

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...