AMAKURU

UKWEZI
ubumwe

Kenya: Umudepite yakubise urushyi umudepite w’ umugore bari mu nteko

Kenya: Umudepite yakubise urushyi umudepite w’ umugore bari mu nteko
14-06-2019 saa 09:19' | By Nsanzimana Ernest | Yasomwe n'abantu 3230 | Ibitekerezo

Umudepite mu nteko ishinga amategeko ya Kenya yatawe muri yombi ku mugoroba wo kuri uyu wa 13 Kamena ashinjwa gukubita urushyi umudepite w’ umugore ngo ntiyageneye amafaranga itsinda uwakubise abarizwamo.

Rashid Kassim uhagarariye mu nteko agace ka Wajiri arashinjwa gukubita urushyi Fatuma Gedi, umudepite uhagarariye abagore akaba n’ umwe mu bagize Komisiyo y’ Ingengo y’ imari mu mujyi wa Nairobi.

Uyu mudepite wakubitiye mugenzi mu nzu y’ inteko ishinga amategeko yabanje guhatirwa ibibazo kuri sitasiyo ya Polisi yo ku nteko ishinga amategeko birangira agiye gufungirwa ku kicaro gikuru.

Uyu mugore yabwiye Polisi ko Depite Kassim yamukubise inshyi ebyiri mu isura akamusiga ari kuvirirana, akagarurwa na Depite Ahmed Kolosh nk’ uko byatangajwe na Dail nation.

Umugore witwa Wanga avuga ko byabaye areba ati “Sinatekereza ko umugabo w’ umudepite yakubita umugore basangiye umwuga”.

Uyu mugore wakubitiwe mu ngoro y’ inteko ishinga amategeko hari ifoto ye yakwirakwiye ku mbuga nkoranyambaga amarira amutemba ku matama , afite n’ amaraso mu kanwa. Abagabo bamusetse arasohoka ajya kwivuza asiga asabye ko Depite Kassim atabwa muri yombi.

Umudepite witwa Sabina yabwiye BBC ko abadepite b’ abagabo ibyabaye babigize urwenya ati “Bamwe bavugaga ngo ni umunsi wo gukubita inshi/ slapping day”

Undi mudepite w’ umugore witwa Chege yavuze ko abadepite b’ abagabo ntacyo barusha ab’ abagore ati “Twese turi abadepite ntabwo turi munsi yabo”

Depite Kassim ushinjwa kuba yakubise umudepite w’ umugore ntacyo arabivugaho, gusa yamaze gutabwa muri yombi.

Ibi bibaye mu gihe mu bihugu hafi ya byose abadepite bari kwiga ku mushinga w’ ingengo y’ imari igihugu izakoresha mu mwaka utaha w’ ingengo y’ imari itangirana n’ ukwezi kwa 7.

Mu Rwanda ingengo y’ imari izakoresha ni miliyari 2 876, na miliyoni 916 n’ ibihumbi 340 n’ amafaranga 789. (2 876 916 340 789).

Mu bihugu bitandukanye birimo Uganda, Afurika y’ Epfo, na Koreya y’ Epfo abadepite bagiye barwanira mu Nteko ishinga amategeko ariko ntabwo bimenyerewe kubona umudepite umwe akubita undi bitari mu mirwano iri rusange.


Depite Gedi Fatuma wakubiswe

Depite Kassim ushinjwa gukubitira umugore mu nteko ishinga amategeko


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...