AMAKURU

UKWEZI
ubumwe

Museveni ati ’Dufite ubushake bwo kurwanya ruswa’ abandi bati ’nawe niyo ituma utsinda amatora’

Museveni ati ’Dufite ubushake bwo kurwanya ruswa’ abandi bati ’nawe niyo ituma utsinda amatora’
6-12-2019 saa 07:11' | By Nsanzimana Ernest | Yasomwe n'abantu 3717 | Ibitekerezo

Perezida wa Uganda Yoweri Kaguta Museveni yatangaje ko urugendo rwo kwamamagana ruswa rwabereye mu mujyi wa Kampala rugaragaza ko iki gihugu gifite ubushake bwo kurwanya ruswa, abatavugarumwe nawe bo bagaragara urwo rugendo ari ukujijisha rubanda.

Ni mu gihe kuri uyu wa 4 Ukuboza 2019, uru rugendo rwitabiriwe n’ abasirikare, abapolisi n’ abayobozi bakuru mu nzego za Leta. Uru rugendo Museveni avuga ko rufite indi nyungu yo kwirinda indwara zitandura rwitabiriwe n’ amagana y’ abaturage n’ abayobozi mu nzego zitandukanye.

Mu butumwa yashyize kuri Twitter, Perezida Museveni yagize ati “Urugendo rwo kurwanya ruswa rwerekana ubushake bwo guhangana na ruswa, by’ akarusho uru rugendo ni umwitozo ngororamubiri. Kwiyongera kwa diyabeti n’ indwara z’ umutima by’ umwihariko mu mijyi biterwa n’ uko abantu barya byinshi ntibakore siporo”.

Mu bitekerezo birenga 300 byashyize kuri ubu butumwa bwa Perezida Museveni higanjemo ibinenga ubutegetsi bwe, bigaragara ko hari ibibazo birimo ubushomeri, imyuzure, na ruswa bibangamiye abaturage.

Umunyamakuru witwa Fredreric Nwaka yasabye Perezida Museveni gushyiraho inzego zikomeye zo kurwanya ruswa ati "Urugendo ntabwo rwahangana na ruswa"

Dr Ruhinda Jordan Chris Mugaru yavuze ko Leta ya Museveni yananiwe kurwanya ruswa atanga urugero ku muyobozi w’ ikigo gishinzwe indege za gisivile avuga ko Leta yananiwe kumuta muri yombi.

Ezab Baron ati "Nibaza ukuntu umuryi wa ruswa yarwanya ruswa"

Mu gihe uru rugendo rwari rurimbanyije, ku rundi ruhande rw’ umujyi wa Kampala abapolisi barimo batatanya abo ku ruhande rwa Kizza Besigye nabo bari mu myigaragambyo yo kwamagana ruswa.

Uru rugendo rwatumye hagaragara benshi banenga abayobozi ba Uganda barimo na Perezida ko babaswe na ruswa.

Abo ku ruhande rwa Besigye utavuga rumwe na Leta ya Museveni bashinja uyu muperezida ko akoresha ruswa kugira ngo agume ku butegetsi.

Kizza Besigye amaze gutsindwa mu matora ya Perezida wa Uganda inshuro enye, gusa hari amakuru avuga ko muri izi nshuro harimo izo Besigye yabaga yatsinze akibwa amajwi. Hari ubwo Kizza Besigye yigeze kurahirira mu rugo iwe nka Perezida wa Uganda kandi ibyavuye mu matora bigaragara ko yatsinzwe.



Perezida Museveni arambura ingingo nyuma y’ urugendo rwo kwamagana ruswa


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...