AMAKURU

UKWEZI
Canal+ christmax

Nigeria : Urukiko rwemeje ko gukora uburaya nk’ akazi atari icyaha ababifungiwe bahozwa amarira

Nigeria : Urukiko rwemeje ko gukora uburaya nk’ akazi atari icyaha ababifungiwe bahozwa amarira
20-12-2019 saa 12:23' | By Nsanzimana Ernest | Yasomwe n'abantu 1975 | Ibitekerezo

Urukiko muri Nigeria rwatangaje ko abagurisha imibiri yabo bataba bakoze icyaha kuko nta tegeko ry’iki gihugu ribibuza.

Umucamanza w’urukiko rukuru rw’i Abuja ejo kuwa kane yategetse ko abagore 16 bari bafunzwe mu 2017 kubera uburaya nk’akazi bahabwa indishyi z’akababaro.

Ni ubwa mbere urukiko muri Nigeria rutangaje umwanzuro w’amategeko ku bijyanye n’abacuruza imibiri yabo nk’akazi.

Umunyamategeko wunganira aba bagore witwa Babatunde Jacob yabwiye BBC ko urukiko rwasanze abashinzwe umutekano barahungabanyije uburenganzira bw’abakiriya be.

Icyo gihe ngo binjiye mu nzu zabo barabafata babashinja gusa kuba ari indaya zigurisha.

Abahanga mu by’amategeko bavuga ko uyu mwanzuro ushobora guhindura byinshi muri iki gihugu gituwe kurusha ibindi muri Afurika.

Gufata no gufunga abitwa indaya zicuruza bikozwe n’inzego z’umutekano ni ibintu biba kenshi muri Nigeria, no mu bindi bihugu binyuranye muri Afurika.

Mu mukwabu wo kubahiga mu kwezi kwa gatanu, abagere kuri 60 batawe muri yombi mu mujyi wa Abuja bashinjwa uburaya.

Benshi muri aba bagore bavuga ko bahohotewe, bakubiswe kandi bakojejwe isoni mu ruhame.

Mu Rwanda, itegeko ryo mu 2012 ku byaha n’ibihano ryasobanuraga uburaya, ibitegekwa ubukora nk’akazi n’ibihano mu gihe bitubahirijwe.

Iri tegeko ryavuguruwe mu 2018 ntiribuza cyangwa ngo rihanire uburaya nk’akazi, gusa rivuga ko gukoresha undi uburaya ku gahato bihanishwa igifungo cya burundu.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA