konka coffee
KONKA

AMAKURU

UKWEZI
ubumwe

Perezida Museveni yavuze ko urupfu rwa za mpanga zarohamye muri Pisine ari igihombo ku gihugu

Perezida Museveni yavuze ko urupfu rwa za mpanga zarohamye muri Pisine ari igihombo ku gihugu
16-05-2019 saa 07:56' | By Nsanzimana Ernest | Yasomwe n'abantu 4889 | Ibitekerezo 1

Perezida wa Uganda Yoweli Kaguta Museveni yageneye umuryango w’ umunyamabanga wa Leta ushinzwe amazi muri Uganda, Ronald Kibuule ubutumwa bwo kuwufata mu mugongo nyuma y’ uko upfushije abana babiri b’ impanga barohamye muri pisine ku wa mbere w’ iki cyumweru.

Imbwirwaruhame ya Perezida Museveni, yasomwe na Visi Perezida Edward Ssekandi, aho yavuze ko kubura Rayden Waswa na Raymon Kato ari igihombo ku gihugu cyose.

Yagize ati "Ibi ntabwo ari igihombo gikomeye kuri wowe n’ umuryango wawe gusa ahubwo ku gihugu cyose”

Perezida Museveni yavuze ko yamenye inkuru ibabaje y’ urupfu rwatunguranye rw’ izi mpanga zari zifite imyaka ibiri.

Ati “Mu izina rya guverinoma no mu izina ry’ umuryango wanjye ndakwinginze akira ubutumwa bw’ ihumure muri iki gihe cy’ akababaro”.

Ubu butumwa bwa Perezida Museveni bwatangiwe mu muhango wo gushyingura izi mpanga kuri uyu wa Gatatu. Perezida yageneye uyu muryango miliyoni 20 z’ amashilingi zo kuwufasha gushingura.

Capt. Mike Mukula, wari uhagarariye ishyaka riri ku butegetsi NRM yamaganye abaturage ba Uganda bari guhuza urupfu rw’ izi mpanga na politiki.

Yagize ati “Hari abantu babigize politiki. Kuba tutavugarumwe ntabwo bisobanuye ko tugomba kuba abanzi. Tugomba kwiga gukunda igihugu. Biteye isoni kujya kuri radiyo no ku mbuga nkoranyambaga ugasebya umuntu wapfushije. Ntabwo ari byiza.”

Capt. Mike Mukula yasabye Minisitiri Kibuule gukomera no kwizera Imana, anasaba Fortunate Kibuule, nyina w’ aba bana kujya asoma bibiliya akayigenderaho.

Fortunate Kibuule yasabye ababatabaye kumusengera we n’ umugabo we, muri ibi bihe bikomeye.

Yagize ati “Hari hashize isaha imwe mvuye mu rugo ubwo nakiraga iyi nkuru. Reka twegukomeza kugira uwo tugaya kuko wari umunsi wabo wo kujya kwa nyagasani. Abana banjye bari ntamakemwa. Bari beza, bari abadasanzwe”.

Uyu muryango ntabwo aribo bana gusa wari ufite. Minisitiri Kibuule yasabye Imana kurinda abana basigaye mu muryango we.

Inzego z’ ubutabera muri Uganda zataye muri yombi abakozi bane bo mu rugo rwa Minisitiri Kibuule ngo babazwe iby’ urupfu rw’ aba bana barohamye muri pisine.

Umugoroba aba bana barohamyeho bari kumwe n’ abahungu babiri bashinzwe kubitaho. Mu batawe muri yombi harimo n’ abasekirite bashinzwe kurinda umutekano w’ uru rugo.

Ntabwo bizwi uko byagenze kugira ngo aba bana barohame kuko byabaye camera zicunga umutekano muri uru rugo zizimije.


INKURU ZA :
Tanga Igitekerezo
Ibitekerezo 1
Friends Kuya 16-05-2019

Ikigaragara cyo abo bakozi bari bigiriye mubyabo! Niba harimo abahungu n’abakobwa bakuyeho camera ngo zitabatamaza bigira mubyabo abana basigara birera niko kwisanga muri piscine! Nyagasani abakire!

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...