konka coffee
KONKA

AMAKURU

UKWEZI

Uganda: Abarwanya iterabwoba baryamiye amajanja

Uganda: Abarwanya iterabwoba baryamiye amajanja
16-01-2019 saa 12:11' | By Nsanzimana Ernest | Yasomwe n'abantu 1674 | Ibitekerezo

Umuyobozi muri Polisi ya Uganda ushinzwe kurwanya iterabwoba yasabye amasibo yose ashinzwe kurwanya iterabwoba kwitegura cyane ku buryo bashobora kuburizamo igitero cyose cy’ iterabwoba gishobora kugabwa kuri iki gihugu.

AIGP Abbas Byakagaba yabisabye mu gihe Kenya yaraye yibasiwe n’ igitero gikomeye cy’ iterabwoba yagabweho na Al Shaabab cyahitanye 15, gusa uyu mutwe wo watangaje ko wishe abantu barenga 40.

Mu butumwa yoherereje abayobozi b’ amasibo ashinzwe kurwanya iterabwoba Chimpreports yabonye yagize ati “Bitewe n’ igitero cyagabwe muri Kenya bikekwa ko ari ikiterabwoba, musabwe kuba maso mukwitegura kuburizamo no kuziba ibyuho kandi mugakorana n’ izindi nzego z’ umutekano”

Muri 2010, Al Shaabab yagabye igitero kuri Uganda yica abantu barenga 100. AIGP Abbas yasabye amasibo ashinzwe kuryanya iterabwoba kuba maso akita cyane cyane ku kurinda ahantu hateraniye abantu benshi nko mu mahoteli, ahasurwa na ba mukerarugendo n’ ahandi.

Saa Cyenda kuri uyu wa Kabiri nibwo Al Shabaab yaturikirije amabombe kuri hoteli DusitD2 iherereye kuri birometero bibiri uvuye mu mujyi wa Nairobi, inarasaba abaturage b’ inzirakarengane bari muri resitora.

Kuri uyu wa Gatatu tariki 16 Mutarama Al Shaabab yavuze ko iki gitero kigamije guhana Kenya kuko yohereje muri Somalia ingabo zo guhashya uyu mutwe w’ iterabwoba.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...