AMAKURU

UKWEZI
ubumwe

Impanuka ikomeye yahitanye babiri abandi 42 barakomereka

Impanuka ikomeye yahitanye babiri abandi 42 barakomereka
13-08-2019 saa 09:40' | By Nsanzimana Ernest | Yasomwe n'abantu 3144 | Ibitekerezo

Bisi ya kampani itwara abagenzi yo mu gihugu ya Uganda yakoreye impanuka ahitwa Iganga iribirindura babiri bahita bapfa abandi bajyanwa kwa muganga barembye cyane.

Iyi mpanuka yabereye mu gace ka Iganga ku gicamunsi cyo kuri uyu wa Mbere tariki 12 Kanama 2019.

Iyi bisi ya YY coaches yabirindutse igeze ahitwa Buseyi. Ubwo iyi bisi yakoraga impanuka yarimo abagenzi 60 ibavanye Kampala ibajyanye I Mbale.

Umuvugizi wa Polisi mu gace ka Busoga James Mubi, yavuze ko umushoferi w’ ibi bisi yarimo akata imodoka abona imbere ye haturutse imodoka nini mugihe ari gushaka uko abererekera iyo modoka yazaga imusatira iyo yari atwaye ihita irenga umuhanda.

Mubi avuga ko nka polisi bataramenya neza icyateye iyi mpanuka gusa abari muri iyi bisi barokotse bavuga ko iyi mpanuka yatewe n’ uburangare bw’ umushoferi.

Polisi yavuze ko abaguye muri iyi mpanuka ari Wanda Asiyaka, ukomoka i Mbale n’ undi mugore wari utaramenyekana imyirondoro.

Umushoferi wari utwaye iyi bisi azwi ku izina rya ‘Taban’ yatawe muri yombi afungiye kuri sitasiyo ya polisi ya Iganga.

Yusuf Bilali warokotse iyi mpanuka yavuze ko umushoferi wari ubatwaye yihutaga cyane kandi imvura iri kugwa.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...