AMAKURU

UKWEZI
cheno 2020

Yitabye Imana nyuma yo gutwikwa n’ umugabo we amuziza gutaha atinze

Yitabye Imana nyuma yo gutwikwa n’ umugabo we amuziza gutaha atinze
4-10-2019 saa 16:28' | By Nsanzimana Ernest | Yasomwe n'abantu 4371 | Ibitekerezo

Umugore w’ imyaka 26 yitabye Imana nyuma yo gutwikwa n’ umugabo we amuziza ko yagiye kurangura imyenda mu mugi wa Nairobi agatinda gutaha.

Uyu mugore Lucy Nyira yaguye mu bitaro bya Nakuru aho yajyanywe yahiye 25% by’ umubiri wose atwitswe n’ umugabo we mu mpera z’ icyumweru gishize.

Umuyobozi w’ ibitaro bya Nakuru Dr Joseph Mburu avuga ko uyu mugore Lucy yageze mu bitaro ku wa Gatanu mu gitondo.

Dr Mburu avuga ko uyu mugore yari yahiye mu maso, ku ijosi, mu gatuza, mu mugongo no ku maboko.

Nairobi News yatangaje ko uyu mubyeyi w’ abana babiri umugabo we yamusutseho peterole arangije aramutwika nk’ uko byemezwa n’ abaturanyi babo.

George Kuria ni umwe mu baturanyi batabaye nyakwigendera madamu Lucy ubwo babonaga inkongi y’ umuriro muri uru rugo.

Kuria avuga ko Bernard Kahila, umugabo wa nyakwigendera yabanje kumvikana atuka umugore we mbere y’ uko iyo nkongi igaragara.

Yagize ati “Lucy yageze mu rugo nka saa moya z’ umugoroba avuye kurangura amabaro y’imyenda mu mugi wa Nairobi. Yatubwiye ko yahamagaye umugabo we nka saa cyenda amubwira ko ari mu nzira ataha”.

Ubwo uyu mugore yageraga mu rugo umugabo ntabwo yabyishimiye atangira kumubaza uko byagenze kugira ngo akoreshe amasaha arenga 2 kuva Nairobi kugera Nakuru.

Uyu mugabo niko gusuka peterole ku mugore aramutwika nubwo nyuma nawe yagize ubwoba agafatanya n’ abatabaye kumuzimya. Abatabaye basanze uyu mugore aryamye muri korodoro ari gushya.

Gusa ibyo ntibyatumye adatabwa muri yombi kuko ubu afungiye kuri sitasiyo ya polisi ya Nakuru kugira ngo aryozwe ubugome yakoreye umugore we bikanamuviramo urupfu.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...