AMAKURU

UKWEZI
ubumwe

Abanyamakuru barenga 90 bishwe bazira akazi mu mwaka wa 2018

Abanyamakuru barenga 90 bishwe bazira akazi mu mwaka wa 2018
4-05-2019 saa 14:55' | By Rukundo Irené | Yasomwe n'abantu 991 | Ibitekerezo 1

Imibare yashyizwe ahagaragara n’ishyirahamwe mpuzamahanga ry’abanyamakuru (IFJ: International federation of journalists) kuri uyu wa 3 Gicurasi igaragaza ko abanyamakuru 95 ku isi biciwe mu kazi mu mwaka wa 2018.

Nubwo imibare y’abanyamakuru biciwe mu kazi mu mwaka wa 2018 ari 95, ntabwo umubare wiyongereye ugereranyije n’imyaka yashize ubwo mu bihugu bya Iraq na Syria hagaragaraga imvuru nyinshi cyane.

Mu mwaka wa 2006 nibwo hishwe abanyamakuru benshi ku isi aho abagera ku 155 bagiye bapfira mu bihugu bitandukanye bari mu kazi.

Mu banyamakuru bishwe mu mwaka wa 2018, urupfu rw’umunyamakuru Jamal Khashoggi ukomoka muri Istanbul nirwo rupfu rwateje impagarara nyinshi kuko, igihe uyu munyamakuru yiciwe nibwo yari amaze igihe gito abaye umwe mu badepite mu gihu cya Turikiya. Ibi byatumye bikekwa ko yaba yarishwe ku mpamvu za politiki.

Urundi rupfu rwateje impagarara, ni urupfu rw’umunyamakuru Ahmed Hussein Suale, ukomoka mu gihugu cya Ghana warashwe ubwo yerekezaga iwe mu rugo avuye mu kazi. Uyu nawe yishwe hashize igihe gito umwe mu bayobozi bo muri iki gihugu atangaje ko azamufungisha.
Icyo gihe ibinyamakuru byo mu gihugu cya Ghana byatangaje ko uyu munyamakuru yarashwe inshuro eshatu mu gituza n’abantu baribatwaye ipikipiki mu mujyi wa Accra.

Mu byagiye bikekwa ko ahobora kuba yarazize harimo n’iperereza yakoze ku kibazo cya ruswa yagendaga igaragara mu mupira w’amaguru mu gihungu cya Ghana.

Afghanistan nicyo gihugu gifite umubare munini ku isi aho mu banyamakuru 95 bishwe mu mwaka wa 2018, 16 ni abo muri iki gihugu. Iki gihugu kikaba arinacyo cyambere kigoranye kukibamo uri umunyamakuru.

Abanymakuru ntabwo bicwa bazize akazi bakora gusa ahubwo nkuko IFJ ikomeza ibitangaza nuko hari n’abandi benshi bafungwa mu bihugu bitandukanye bazira akazi.

Ibihugu byagaragayemo umubare munini w’abanyamakuru bafunzwe mu mwaka wa 2018
Turikiya: abanyamakuru 47
Ubushinwa: Abanyamakuru 47
Misiri: Abanyamakuru 25
Leta zunze ubumwe z’Abarabu: abanyamakuru 16
Eritereya: Abanyamakuru 16


INKURU ZA :
Tanga Igitekerezo
Ibitekerezo 1
kanyoni Kuya 5-05-2019

Nonese ko mutatubwira Iwacu murwanda.? nabapfa barashwe , bigatangazwako Bashakaga , gutoroka. niyosi Tubamo, GS yezu Christo azabirangiza byose.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...