AMAKURU

UKWEZI
ubumwe

Umugore yapfuye iminota 27 agaruka avuga ibyo yabonye mu ijuru

Umugore yapfuye iminota 27 agaruka avuga ibyo yabonye mu ijuru
25-06-2019 saa 13:16' | By Nsanzimana Ernest | Yasomwe n'abantu 6904 | Ibitekerezo

Tina Hines , umubyeyi w’ abana bane yituse hasi bitunguranye ahita apfa, nyuma y’ iminota 27 agaruka mu buzima avuga ko avuye mu ijuru.

Uyu mubyeyi wo muri Leta ya Arizona muri Leta zunze ubumwe za Amerika yafashwe n’ uburwayi butunguranye bw’ umutima, ahita yitura, nyuma y’iminota 27 yongeye kuzanzamuka yaka urupapuro n’ ikaramu kuko yari atarasha kuvuga.

Uyu mugore amaze guhabwa n’ urupauro yanditseho ati “Ni ukuri mvuye mu ijuru. Ku marembo nabonye Yesu arabagirana inyuma ye hari umucyo mwinshi”.

Tina Hines yabwiye ikinyamakuru AZfamily.com ko mu ijuru yabona hari amabara abengerana.

Madie Johnson yanditse kuri instagram avuga ko ubuhamya bwa Nyinawabo Tina Hines bwatumye agira icyizere cyinshi ko ijuru ririho nubwo atararibona.

Yagize ati “Inkuru ye (Tina Hines) ni ukuri sinabona uko mbibabwiye byanyongereye ukwemera mu byo amaso yanjye atarabona”.

Muri 2013, abashakashatsi bo muri Kaminuza ya Michigan bavumbuye ko abantu barwaye umutima hari ubwo bapfa bakongera bakazuka.

Hakunze kumvikana abantu batandukanye bavuga ko bapfuye bakajya mu ijuru hanyuma bakongera bakazuka. Gusa uretse bene ubu buhamya butangwa n’ abantu no kuba ijuru rivugwa muri bibiliya nta gihamya iragaragazwa n’ abahanga mu bya siyansi yemeza ko ijuru ribaho.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...