konka coffee
KONKA

AMAKURU

UKWEZI

Whatsapp yazanye irindi koranabuhanga rishya rizatabara abinyuragamo

Whatsapp yazanye irindi koranabuhanga rishya rizatabara abinyuragamo
5-03-2018 saa 17:19' | By Chief Editor | Yasomwe n'abantu 20622 | Ibitekerezo 5

Kwibeshya ni ibya buri wese kandi ngo akarenze umunwa karushya ihamagara. Ku rubuga nkoranyambaga rwa Whatsapp naho ubutumwa bwoherezwa na benshi hari ubwo bumera nk’ako karenze umunwa karushya ihamagara, uwabutambukije akifuza kubusiba bitagikunze. Ikoranabuhanga Whatsapp yaherukaga kuzana, ryajyaga rigufasha gusiba ubutumwa wari wamaze koherereza umuntu, n’iyo bwaba bwamugezeho atarabusoma ntaze kumenya ibyo wamwandikiye, ariko ibi byose bajyaga bikundira ubikora bwangu, none ikoranabuhanga rishya rikwemerera gusiba ibyo wari watangaje kuri uru rubuga na nyuma y’igihe kirenga isaha ubutambukije.

Ikoranabuhanga rishya Whatsapp igiye kuzana mu minsi ya vuba, rizajya rifasha abakoresha uru rubuga nkoranyambaga gusiba ubutumwa bamaze kohereza mu gihe babonye ko bibeshye bakandika amakosa cyangwa bakandikira ubutumwa umuntu utari ubugenewe. Ibi noneho bizajya bikorwa mu gihe kitarenze isaha imwe n’iminota 8 ubwo butumwa bumaze koherezwa.

Ubu buryo bwanagaragaye igihe gito mu minsi ishize mu rwego rw’igerageza, buzajya bushoboka no mu gihe uwandikiwe ubutumwa yahise abusoma, kuko n’ubwo bizaba byarangiye uwibeshye ashobora kwirinda ko uwabubonye yabugumana. Mbere y’isaha n’iminota 8 ubutumwa bwoherejwe, n’iyo bwaba bwageze ku wo bwohererejwe ariko, uwabwohereje azaba ashobora kubusiba no muri telefone y’uwari wabwohererejwe buhite busibamamo nk’uko inkuru dukesha Daily Mail ibishimangira.

Ubu buryo nibutangira gukora, uwohereje ubutumwa agahita abona ko yibeshye, azaba asabwa gusa gukanda kuri ubwo butumwa maze mu byo abona ahitamo ko agomba kubukorera (Options) akabonamo n’akajambo kamwemerera kubuhagarika (unsend) cyangwa kubusiba (delete for everyone) bitewe na telefoni, ubundi nagakandaho bihite bituma uwabwohererejwe ataza kububona.

Ubu buryo kandi buzagira hanze rimwe n’ubundi buryo buzajya butuma bitoroha kubeshya uwo mwandikirana ku rubuga rwa Whatsapp, kuko azajya abasha kubona agace uherereyemo. Gusa ubu buryo bwo, ukoresha whatsapp afite uburenganzira bwo guhisha aho aherereye nk’uko ashobora guhisha ifoto ye cyangwa guhisha abandi ibijyanye n’amakuru y’uko yasomye ubutumwa bamwoherereje cyangwa se atabusomye, kandi ubibujije abandi nawe ntaba yemerewe kumenya ibyabo.


INKURU ZA :
Tanga Igitekerezo
Ibitekerezo 5
Safari willy Kuya 13-03-2018

Iyo app ninziza cyane
Ahubwo iradutindiye
Kbs
Turabashimira kumbwamakuru
Meza mutugezaho

Xx Kuya 6-03-2018

Jye nibimaze ukwezi ndabisiba bikava yo

Xx Kuya 6-03-2018

Jye nibimaze ukwezi ndabisiba bikava yo

Dusabimana William Kuya 6-03-2018

Kabisa bizadufasha mutekereje neza mubyihutishe . murakoze

Rwarakabije Kuya 5-03-2018

ubwoburyo nibwiza nibabushyire hanze badatinze

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...