AMAKURU

UKWEZI
pax

Coronavirus : Umunsi wa mbere wo gufungura utubari mu Bwongereza waranzwe n’udushya gusa [AMAFOTO]

Coronavirus : Umunsi wa mbere wo gufungura utubari mu Bwongereza waranzwe n’udushya gusa [AMAFOTO]
5-07-2020 saa 06:30' | By Nsanzimana Ernest | Yasomwe n'abantu 16109 | Ibitekerezo 1

Ibihumbi by’abaturage birunze mu mihanda bimeze nk’amarumbo y’inzuki ubwo Leta y’Ubwongereza yoroshyaga gahunda ya guma mu rugo igafungura utubari, abenshi baragaraye basinze abandi biminura ibirahure bya za likeri.

GORILLA GAMES

Byabaye kuri uyu wa Gatandatu tariki 4 Nyakanga 2020, umunsi wiswe ‘supper Saturday’, umunsi Ubwongereza bwongeye gufunguriraho utubari nyuma y’amezi 3 utubari dufunze.

Utubari dufite amazina azwi tw’ahitwa Lincoln n’ahitwa Nottinghamshire twafunze hakiri karere nyuma y’uko Polisi yarimo ifungwa abanywi batubahirije intera ya metero.

Metro yatangaje ko ku tubari hagaragaye imirongo miremire y’abanywi ku buryo hari abanywi bamaze isaha ku miryango y’utubario bategereje guhabwa inzoga.

Umuyobozi wa Polisi muri Nottinghamshire Craig Berry yavuze ko bataye muri yombi abantu bane bazira kutubahiriza amabwiriza yo kwirinda covid-19. Ngo nta kabari polisi yigeze itegeka gufunga utubari twafunze twabikoze ku bufashake bwatwo.

Umuturage witwa Dreek yashyize ifoto ku mbuga nkoranyambaga yafatiye mu mujyi wa Londres ahitwa Soho yandikaho ati “Bwari ubusazi.Iminsi 100 nta kujya mu kabari”.

Uburyo Abongereza bitwaye ku munsi wa mbere bafunguye utubari, bica amarenga ko bishobora kongerera umuvuduko iki cyorezo muri iki gihugu.

Gusa n’ubwo byagenze bitya Minisitiri w’Intebe w’Ubwongereza Boris Johnson mbere y’uko utubari dufungura yahanje kwihanangiriza abaturage abasaba kudatezuka ku ngamba zo kwirinda covid-19.

Ati “Icyatugejeje kuri iyi ntambwe yo gufungura ibikorwa ni uko abaturage bakoranye neza na guverinoma muri guma mu rugo. Kugira ngo ibikorwa byafunguwe bikomeze bikora birasaba ko abaturage bakomeza gutanga umusanzu wabo ntibigire ntibindeba kuko icyorezo kiracyari muri twe”.

Hari ubushakashatsi bwagaragaje ko abantu bakize coronavirus baba bafite ibyago byo kuzongera kuyandura.

Mu Bwongereza abamaze kwandura coronavirus ni ibihumbi 284, abo imaze kwica ni ibihumbi 44, mu gihe ubwongereza butuwe na miliyoni 67.

Ku rwego rw’Isi abamaze kwandura ni miliyoni 11, abapfuye ni ibihumbi 533, abakize ni miliyoni zirenga 6.















INKURU ZA :
Tanga Igitekerezo
Ibitekerezo 1
Hagenimana eric Kuya 7-07-2020

Eee ! Kobiteye ubwoba umunsumwe wonyine ntibisanzwe

canal Rwanda
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...