AMAKURU

UKWEZI
pax

Dore imbwa 17 zihenze cyane ku Isi, zirimo izirenza miliyoni 9 Frw

Dore imbwa 17 zihenze cyane ku Isi, zirimo izirenza miliyoni 9 Frw
14-05-2020 saa 07:45' | By Nsanzimana Ernest | Yasomwe n'abantu 3819 | Ibitekerezo 1

Imbwa ni itungo ryo mu rugo amateka ko zikomoka ku nyamaswa zo mu ishyamba zitwa ibirura. Izi nyamaswa zifite ubushobozi bwo guhumurira no kureba kure kurusha abantu. Imbwa zikoreshwa n’inzego z’ubutabera n’iz’umutekano zikazifasha gutahura abanyabyaha.

GORILLA GAMES

Urutonde rw’imbwa zihenze cyane ku Isi tugiye kubagezaho rwakozwe n’ikinyamakuru gikora intoned z’ibintu bihenze kurusha ibindi rwitwa luxxory.com. Muri iyi nkuru ntabwo izi mbwa zitondetse hakurikijwe igiciro cyazo.

#Saluki

Ubwoko bw’imbwa zitwa Saluki hari n’abazita Slougui. Zizwiho kuba ari imbwa z’inyangamugayo. Ni imbwa zifite amateka kuko zakoreshwaga cyane mu guhiga by’umwihariko mu bihugu byo mu burasirazuba bw’Isi muri za Syria, Israel, Irak n’ibindi. Ni imbwa zinanutse zigira uburebure bwa bwa 58-71 cm n’ibiro biri hagati 18-27. Saluki igiciro cyayo ni $2.500.

#Lowchen

Lowchen ni imbwa nto zigira umutwe muto, ariko zidakunze kuboneka. Bikekwa ko mu Isi yose hashobora kuba hari Lowchen 65 gusa. Uburebure bw’iyakuze murizo buguma hagati cm 30-35 zikagira ibiro, ikibwana cyayo kigura amadorali ya Amerika 3 000.

#Azawakh

Azawakh ni imbwa zijya kumera nka saluki ariko ziruka ku muvuduko ugereranyije, amateka agaragaza ko zikomoka muri Afurika. Ibiro byazo biguma hagati ya 15-25 ariko uburebure bwazo bugera muri cm 75. Ni imbwa zizwiho kugira amarangamutima cyane no gukomereka byorohejwe kubera imitirere y’uruhu rwazo. Igiciro cyazo ni amadorali 3 000.

#Peruvian Inca Orchid

Peruvian Inca Orchid nanone zitwa Peruvian Hairless Dog. Zikomoka muri Peruvian pre-inca cultures kuba zitagira umusatsi bituma ari imbwa zihorana isuku kandi kuzoza biroroshye cyane. Zigira ubunini buhindagurika ariko buhora hagati y’ibiro 12-25. Ni nyinshi mu Isi, zikunda gukina no gusabana n’izi mbwsa. Igiciro cyazo $3 500.

#Akita

Akita ni imbwa zifite inkomoko mu majyaruguru y’Ubuyapani. Imbwa zigira imbaraga cyane kandi zikunda gusabana n’ abo mu muryango wa shebuja. Uburebure bwazo buba hagati ya cm 65-71 naho ibiro byazo biba hagati ya $4.500.

#Samoyed

Izina Samoyed rikomoka ku bwoko bw’abitwa Samoyedic bo muri Siberia. Uburebure bwazo ni cm 51-60. Zikunze kuba ari ikigina kandi zifite amaso y’umukara n’amatwi y’umweru. Umurizo wazo ukunze kuba wigonze ugana ku mugongo wazo. Zigira umusatsi mwinshi cyane cyane ku mugongo. Zizwiho kurinda urugo neza kuko iyo zumvishe ikintu kidasanzwe zihita zimoka. Igiciro cyazo kiri hagati $4 000 na 10 000.

# Rottweiler

Rottweilers ni imbwa z’ibisore zikunze gukoreshwa n’abapolisi kuko zifata vuba kandi ntizibagirwe, zanakoresheje mu ntambara ya 2 y’Isi. Zikunze kuba ari umukara ubanze n’ikigina, zigira igituza kinini, zigira ubwoya buringaniye, uburebure bwazo ni cm 69 cm zipima ibiro 60. Igiciro cya 6 000.

#Pharaoh Hound

Izi mbwa zitwa Pharaoh Hound hari n’ abazita “Rabbit Dog” kuko bakunda kuzihigisha inkwavu, aho ni mu majyaruguru ya Afurika hafi inkombe za Mediterrane. Ni imbwa z’ibisore kandi zizwiho kwiruka cyane, zifite amaguru akomeye, ubunini bwazo burutana bitewe n’igitsina ariko ibiro byazo ni 27. Zikunda cyane shebuja. Igiciro cyazo ni #6 500.

#Tibetan Mastiff

Zikunze kugirwa n’Abashinwa n’aborozi bahora bimuka, barimo Aba-Tibet n’ aba-Nepal kugira ngo zirinde intama zabo kuribwa n’ingwe. Abashinwa banazita Dok-Khyi, bisobanura imbwa zihora zimuka “nomad dogs”. Zikoreshwa no mu kurinda ingo, uburebure bwazo ni cm 83 zigira ibiro 70. Ni imbwa z’ibisore ari nacyo kizishoboza guhangana n’ingwe n’ibirura. Ni imbwa zifata vuba iyo uzitoje, zigura $7 000.

#Czechoslovakian Vlcak

Izi mbwa hari abazita Czechoslovakian Wolfdog, kuko zisa n’ibirura. Ni imbwa zisabana cyane, zizwiho kugira umurava, gufata vuba ururimi rw’imbwa no kuba zidakunda kumoka. Zigira ibiro 26 n’uburebure bwa cm 65. Igiciro cyazo kiri hagati ya $ 6 000 na 10 000.

# Golden Retriever

Ni ubwoko bw’imbwa buzi guhiga cyane kandi zidapfa gukomereka. Izi mbwa zinafasha abafite ubumuga bwo kutabona kikabayobora, zikanumvira abafite ubumuga bwo kutumva. Kuba ari imbwa zisabana kandi zicisha make bituma uyu mu maro wo kuyobora abatabona zikukora neza cyane bigatuma abenshi bahitamo kuzitunga mu miryango yabo. Golden Retriever zigize 1/3 cy’imbwa zose Abanyamerika batunze mu ngo zabo. Imwe igiciro cyayo ni $1500.

#Boerboel

Boerboel, hari n’abazita South African Mastiff ni imbwa zikunze kuba nini, zikoreshwa mu kurinda ingo n’amafamu. Niyo mbwa y’inyembaraga kurusha izindi zose ku Isi. Izina ryazo Boerboel riva ku magambo abiri ‘Ikidage “boer” bivuga umuhinzi- mworozi na “boel” bisobanura imbwa. Izi mbwa ziboneka cyane muri Afurika y’Epfo ninabo bazohereza mu bindi bice by’Isi. Ni imbwa zitonda, zizi ubwenge kandi zumvira cyane. Igiciro cy’ikibwana cyazo $1 600.

#Miniature Bull Terrier

Miniature Bull Terrier ni imbangurirane y’imbwa zitwa White Terrier n’izitwa Dalmatiann’izitwa English Bulldog. Kubera ko ari imbwa z’imbangurirane zigira amabara menshi ariko irikumwe kwiganza ni umweru. Amaso yazo afite ishusho ya mpande eshatu. Igiciro cyazo ni $1 600.

#Bulldog

Bulldog cyangwa English/British Bulldog ni imbwa z’imperume, Abongereza benshi bakunze kuzishyira mu kirangantego cyabo. Ni imbwa zigira umurava cyane. Bitewe no kubangurira cyane zigeraho kikarwara umutima na cancer. Zimara ku isi igihe kiri hagati y’imyaka 6 n’itandatu n’amezi atatu. Igiciro cyazo ni $1 500.

#Spinone Italiano

Spinone Italiano ni imbwa zigira uburebure buri hagati ya cm 60 na 70 nn’ibiro biri hagati ya 34 na 39. Impuzandengo y’igiciro cyazo $1 750. Izi mbwa mu kinyejana cya 6 mbere y’ivuka rya Yesu Kiristo zakoreshwaga mu guhiga. Ni imbwa zitonda kandi zisabana cyane.

#Neopolitan Mastiff

Neopolitan Mastiff hari abazita “Mastino” nazo zikoresha mu kurinda urugo cyane. Ubunini bwazo n’uburyo zigaragara bituma nta muntu ushobora gutinyuka kwinjira mu rugo zirimo atatumiwe zireba. Uburebure bwazo ni cm 66 na 79 uburemere bwazo ni ibiro70. Igiciro cyazo ni $1 750.

#Cane Corso

Cane Corso cyangwa Italian Mastiff ni imbwa zikunda guherekereza ba shebuja. Ntabwo zikunda kumoka cyane. Cm 58–70 into cm 58–66 ibiro 50. Kuzitunga bisaba guhora uzitoza imyaka yose kuko zimeze nk’izibagirwa vuba $1 750.


INKURU ZA :
Tanga Igitekerezo
Ibitekerezo 1
kwizera Kuya 19-05-2020

iyo mbwa umuntu yayibona ute

canal Rwanda
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...