AMAKURU

UKWEZI
ubumwe

Ifoto ya Yahya Jammeh wayoboye Gambia yasimbujwe inkoko

Ifoto ya Yahya Jammeh wayoboye Gambia yasimbujwe inkoko
6-08-2019 saa 14:07' | By Nsanzimana Ernest | Yasomwe n'abantu 3063 | Ibitekerezo

Umuyobozi wa Banki Nkuru ya Gambia Bakary Jammeh kuri uyu wa 5 Kanama 2019 yashyikirije Perezida wa Gambia Adama Barrow inote nshya iki gihugu kigiye gukoresha.

Impinduka igaragara kuri izi note zashyikirijwe amabanki y’ ubucuruzi yo muri iki gihugu kuri uyu wa Kabili ngo agezwe mu baturage ni uko ahari ifoto ya Yahya Jammeh wayoboye Gambia igihe kirekire yahakuwe igasimbuzwa inkoko.

Izi note z’ amafaranga yo mu bwoko bw’ ama- Dalasi zashyizweho uburyo butorohereza abantu kuzigana. Ni inote z’ amafaranga 5, 10, 20, 50, 100 na 200.

Guverineri wa Banki nkuru ya Gambia Bakary Jammeh avuga ko izi note nshya zigomba kumara amezi 3 zikora ubundi izisanzwe zigahita zihagarikwa burundu.

Yavuze kandi ko mu note nshya zasohotse inote y’ amafaranga 25 y’ ama-dalasi yakuweho.

Yahya Abdul-Aziz Jemus Junkung Jammeh yayoboye Gambia kuva mu 1996 kugera muri 2017. Muri iyi minsi ahanganye n’ ibirego byiganjemo kwicisha abantu no gufata ku ngufu akekwaho kuba yarakoze akiri Perezida.

Perezida Adama Barrow wasimbuye Yahya Abdul-Aziz Jemus Junkung Jammeh afite akazi katoroshye ko gusubiza igihugu ku murongo kuko Jammeh yagiye gukurwa ku butegetsi ubukungu bw’ iki gihugu busigaye butifashe neza.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...