konka coffee
KONKA

AMAKURU

UKWEZI
Minijust

Igihunyira kinjiye mu nteko ya Tanzania abadepite bashya ubwoba

Igihunyira kinjiye mu nteko ya Tanzania abadepite bashya ubwoba
30-01-2019 saa 14:16' | By Nsanzimana Ernest | Yasomwe n'abantu 3180 | Ibitekerezo 2

Abadepite ba Tanzania bagize ubwoba ubwo babonaga igihunyira kibanze mu ngoro y’ inteko ishinga amategeko kuri uyu wa 29 Mutarama 2019, nyamara mu Cyongereza itsinda ry’ ibihunyira ryitiranwa n’ inteko nshingamategeko ‘Parliament’.

Mu gihugu cya Tanzania abaturage bizera ko igihunyira gikungura cyangwa se gitera ubwaku. Muri 2011 ubushakashatsi bwagaragaje ko nubwo Tanzania ituwe n’ abantu bajya mu misigiti no mu nsengero abenshi muri bo bakizera imbaraga z’ ubupfumu, abazimu, ibitambo n’ ibindi.

Perezida w’ Abadepite muri Tanzania Job Ndugai yahumurije abadepite bagenzi be ababwira ko kuba iyi nyoni ubusanzwe ikora nijoro iri mu nteko ntacyo bitwaye.

Yagize ati “Banyakubahwa badepite twatangiye imirimo y’ inteko mu gitondo igihunyira kiri mu nzu, ariko imyizerere y’ abaturage ba Dodoma ni uko iyo igihunyira kigaragaye ku myanywa ntacyo biba bitwaye”

Ikinyamakuru The Citizen cyandikirwa muri iki gihugu cyatangaje ko ibi Ndugai yabivuze kugira ahumurize abadepite n’ abayobozi bashobora kumva ko byacitse kuba igihunyira cyagaragaye ahaberaga imirimo y’ inteko.

Muri 2009 inyigo yagaragaje ko mu bihugu 6 bigize Umuryango w’ Afurika y’ Iburasirazuba Tanzania aricyo gihugu cya mbere kizera imbaraga z’ umwijima kurusha ibindi. Cyabaye icya 3 mu bihugu 19 inyuma ya Senegal na Mali. Iyi nyigo yakorewe ku baturage ba Tanzania 1 504 barimo abakirisitu 907 n’ Abayisilamu 539.

Ibihugu byinshi bya Afurika n’ u Rwanda rurimo igihunyira bagifatanya nk’ inyoni mbi mu bijyanye no gutera umwaku w’ uburwayi n’ urupfu. Iyo mu gace hari umurwayi abantu bakumva igihunyira kivugiye hafi yaho bavuga ko kiri gukungurira uwo murwayi.


INKURU ZA :
Tanga Igitekerezo
Ibitekerezo 2
B Kuya 1-02-2019

No byo kirakunguda, mfite ubuhamya

nziza Kuya 30-01-2019

kizasakurize hejuru yinzu yawe harumuntu urimo urwaye urebe ko aramara icyumweru nibintu maze kubona cysne igihunyira ,ni gisamagwe iyo byabiriye mugace karimo umurwayi urembye hehe nogukira ndabarahiye cyane cyane kubasaza nabakecuru

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...