AMAKURU

UKWEZI
cheno 2020

Udukoryo dukoranye na bimwe mu bikoresho dukoresha buri munsi ariko tutazi impamvu yatwo

Udukoryo dukoranye na bimwe mu bikoresho dukoresha buri munsi ariko tutazi impamvu yatwo
3-12-2019 saa 20:57' | By Nsanzimana Ernest | Yasomwe n'abantu 10489 | Ibitekerezo 9

Bimwe mu bikoresho byo mu kazi ka buri munsi bigiye bikoranye ubuhanga n’ udukoryo tugora benshi kumenya impamvu n’ imvano yatwo. Iyi nkuru iragaragaza tumwe muri utwo dukoryo n’ ibisobanuro ku mimaro yatwo.

1.Akenge ko kuri ravabo, ni kenshi abantu bakoresha ravabo bakaraba intoki cyangwa boza ibyombo, gusa si benshi bazi akamaro k’ akenge kayibaho. Aka kenge gafite akamaro gakomeye mu kurinda ubuzima bw’ abantu kuko icyo gashinze ni ukurinda umwuzure mu nzu igihe umuntu yafunguye ravabo akibagirwa gufunga amazi. Uko bigenda iyo amazi yuzuye muri ravabo asohokera muri kariya kenge akagera mu matiyo agenewe gusohora amazi mu nzu mu gihe katariho ravabo yakuzura amazi agatemba agana mu nzu yose akaba yateza impanuka kuko inzu iba irimo umuriro w’ amashyanyarazi.

2. Akafuka gato gashyirwa ku ikote: Mu kinyejana cya 18 nibwo agafuka gashyirwa mu gituza ku ikote rya kositumu katangiye gukoreshwa. N’ uyu munsi aka aka gafuka karacyashyirwa ku makote ariko ntabwo ari benshi bazi icyo ako gafuka kamaze. Gusa amateka agaragaza ko icyo kamaze ari ukubika tike, (tike yo mu gitaramo, ya bisi n’ izindi). Iyi tike ivugwa hano ntabwo ari amafaranga ahubwo ni agapapuro uhabwa nyuma yo kwishyura serivise.

3. Akabara kaba ku ipine: Niba ufite imodoka birashoboka ko ujya ubona akabara gato kaba ku ipine. Ako kabara hari igihe kaba ari umuhondo, umutuku cyangwa umweru. Hari abagirango ni irange ryatakayeho by’ impanuka ariko sibyo kuko buri kabara gafite impamvu ituma gashyirwaho. Akabara k’ umutuku gasobanura ko iyo pine ifite ubushobozi bwo gushyirwa ku modoka zitwara ibintu biremereye cyane, ibara ry’ umweru risobanura ko iyo pine yanyuze ahapimirwa ubuziranenge bw’ amapine mu ruganda bagasanga nta kibazo rifite. Ibara ry’ umuhondo rishyirwa ku ipine igiye kujyanwa mu isuzumiro ry’ amapinge mu ruganda ngo harebwe niba ryujuje ubuziranenge.

4.Utwenge tuba kuri ecouteurs za iPhone, utwenge tuba kuri ecouteurs za iPhone ntabwo ari umurimbo ahubwo dufite umumaro wo gusohora ingano y’ urusaku rw’ amajwi adakenewe no kugabanya umuhindo (vibration) kugira ngo amajwi yinjira mu gutwi abe ayunguruye neza. Hari abakeka ko ako kenge icyo kamaze ari ugufata amajwi(recording voices) gusa sibyo.

5. Umubare 57 uba kuri ketchup: Ntabwo ari abantu benshi bazi imvano y’ umubare 57 wanditse kuri Ketchup. Uyu mubare ufite inkomoko mu mateka y’ uruganda rukora izi Ketchup rwitwa Heinz. Mu mpera z’ ikinyejana cya 19, Henry J. Heinz washinze uru ruganda yabaze ibicuruzwa amaze gushyira ku isoko asanga Ketchup ni igicuruzwa cya 57 ashyize ku isoko. Ni uko akita izina rye Heinz yongeraho umubare 57.

6. Marije y’ iburyo ku makayi y’ imirongo: Hari abibeshya ko marije y’ iburyo icyatumye icibwa mu makayi y’ imirongo ari ukugira ngo mwarimu age abona aho yandika amanota ariko sibyo, ahubwo abakora aya makayi bafashe umwanzuro wo gushyiraho iriya marije kuko kera amakayi yaribwaga n’ imbeba, iriya marije icyo igamije ni ukugirango igihe imbeba iriye ikayi ihereye ku ruhande haze kubaho amahirwe ko itangiza ibyanditse muri iyo kayi.

7. Akenge kaba munsi y’ ingufuri: Ingufuri zikoresha mu gufunga inzugi n’ ibipangu bigatuma zizamo ingesi uko ziba zinyagirwa. Ingesi ituma ingufuri yanga gufungika cyangwa gufunguka bigatuma hari abafata icyemezo cyo kugura indi ngufuri. Abantu bake nibo bazi ko kari kenge iyo ugashyizemo amavuta ingufuri ihita ikira.

8. Agasego k’ umutwe mu modoka, Mu modoka aho abagenzi bicara, hakunze kuba hari akantu kameze nk’ umusego umuntu arambikaho umutwe, uwakoze imodoka agashyiramo aka kantu mu Cyongereza bita headrest ntabwo byamutunguye. Icyo kamaze ni ukurinda imitsi y’ ijosi ngo idacika igihe imodoka ikoze impanuka. Akenshi aka kantu gakunze kuba ari akantu gashingukamo ku buryo bworoshye, impamvu yabyo ni ukugira ngo umuntu yifashije amaguru yako mu kumena ikirahure cy’ imodoka igihe imodoka ikoze impanuka cyangwa urugi rw’ imodoka rwanze gufunguka.

9. Inyuguti ya R iri mu kaziga: Iyi nyuguti ya R iri mu kaziga isobanura ko ijambo riyibanjirije ari izina ryandikishijwe mu kigo cya Leta zunze ubumwe za Amerika gishinzwe kwandika amazina y’ ibicuruzwa iryo zina ryitwa ’trademark’. Umuntu cyangwa ikigo barandikishije izina ryabo muri Trademark office ukarikoresha bakujyana mu nkiko.

10. Akenge ko ku irati: Niba warigeze wibaza impamvu y’ akange kaba ku irati, cyangwa agacamurongo nk’ uko bamwe yayita, igisubizo ni uko hari kobo ariko ako kumanika irati ku musumari.


INKURU ZA :
Tanga Igitekerezo
Ibitekerezo 9
Kabila Kuya 11-12-2019

Mu tubwiye utuntu dufite ubwenge pe,mukomereze aho!

Akayezu Eric Kuya 7-12-2019

Abarimu bigira muri UOK mubijyanye na post graduate diploma in Education(PGDE) basibijwe na HEC NGO basubizwe muri stage kandi yarakozwe ndetse na list ya graduation yarasohotse.byabaye kuwa5/12/2019 kdi graduation yagombaga kuba6/12/2019

Donath Kuya 6-12-2019

Mukozumuti kbs

Mahoro Pharaj Kuya 6-12-2019

Waouuuu!!!!! Ibi bifite akamaro. Ubundi se habuze iki ngo mujye mwungura abantu ubumenyi? Uzi yuko mukomeje kwandika ibifite umumaro mwakundisha abantu gusoma!! Murakoze cyane.

Amahoro Kuya 4-12-2019

Nabera mbonye inkuru ifite icyo yungura abasomyi hano

Rwema Kuya 4-12-2019

wawouuu byiza cyane mutugejejeho utuntu tw’ubwenge

Dave Kuya 3-12-2019

Iyi nkuru iraryoshye cyane. Murakoze!

Bebe Kuya 3-12-2019

Murakoze rwose utu tuntu ni twiza peee mujge mudushakira nutundi dukoryo

Agnès Kuya 3-12-2019

Muzi gushakisha udukuru tw’ubwenge! Murakoze

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...