AMAKURU

UKWEZI

Umukobwa yahondaguye umugabo wari wanze kumwishyura ayo yanywereye, abantu barumirwa –Amafoto

Umukobwa  yahondaguye  umugabo wari wanze kumwishyura ayo yanywereye, abantu barumirwa –Amafoto
7-08-2018 saa 08:40' | By Vincent Nsengiyumva | Yasomwe n'abantu 13433 | Ibitekerezo 3

Umukobwa wo mu kigero cy’imyaka 20 utatangajwe amazina wo muri Kenya yafashwe amafoto n’amashusho ariguhondagura umugabo wari wasinze abantu barumirwa.Uyu mugabo yaziraga ko yari amaze kunywa inzoga abura ayo yishyura uyumukobwa usanzwe acuruza muri ako kabari yanwereyemo.

Amashuho n’amafoto agaragaza uyu mukobwa ukiri muto ari guhondagura mugabo wasaga n’uwahaze agatama,yakwirakwijwe ku mbuga nkoranyambaga abantu ntibayavugaho rumwe, aho benshi babirwanyije bavuga ko ari umuco w’urugomo ukomeje gukura.

Mu majwi yumvikanaga agaragaza umujinya ukabije uyu mukobwa yari afite, yumvikanaga amusaba amashiringi 200 yashakaga kugenda atamwishyuye kandiyari amaze kuyanywera.

Uyu mugabo wagaragaraga nk’uwo agatama kaciye intege, yakubiswe mu buryo buteye agahinda, aho uyu mukobwa yamuhataga imvange y’ingumi, inshyi n’imigeri ari nago amuvuruguta mu ivumbi abantu barebera.

Ubwo yamuhondaguraga, uyu mukobwa yumvikanaga mu ijwi ryo hejuru agira ati “Amafaranga yanjye arihe!Ndashaka amafaranga yanjye. Ugomba kunyishyura kuko ntabwo uri buve aha utanyishyuye…” Uko yavugaga ayo magambo ni nako yamukubitaga bikomeye anamuviringita mu ivumbi.

Nyuma y’uko abari aho uyu mugabo yakubitiwe bafataga amashusho y’ibyamubayeho, bahise bayakwirakwiza ku mbuga nkoranyambaga nko guhumbya abantu batangira kuyohererezanya ari nako bamwe babyamaganira kure bavuga ko ari urugomo.

Aya mashusho yanageze ku nzego z’umutekano zo muri iki gihugu, aho polisi yahise itangaza ko uyu mukobwa agiye gushakishwa maze akurikiranwe kuri iki cyaha cy’urugomo no gutesha agaciro umuntu w’umugabo.

Uyu mugabo yahondaguwe abantu barumirwa


INKURU ZA :
Tanga Igitekerezo
Ibitekerezo 3
Sarah Kuya 2-09-2018

uyu Mugabe arabikwiye

Kalisa Kuya 9-08-2018

Ariko ubundi nubwo uwo mukobwa yarengereye akajya kwihanira,uwo mugabo we ujya kunywa ibyo atari bwishyure murumva we ari shyashya?ndibaza ko yakosowe n’abandi bemeze nkawe barebereho.

john cloude Kuya 7-08-2018

Ni dajye

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...