konka coffee
KONKA

AMAKURU

UKWEZI
ubumwe

Yinjiye kaminuza afite imyaka 6 y’ amavuko

Yinjiye kaminuza afite imyaka 6 y’ amavuko
14-02-2019 saa 16:41' | By Nsanzimana Ernest | Yasomwe n'abantu 5729 | Ibitekerezo 1

Joshua Beckford ntabwo yigeze amera nk’ abandi bana, kuko ku myaka ibiri gusa yari azi gusoma no kwandika, ubu ni umushakashatsi.

Se Knox Daniel avuga ko yamenye ko umwana we afite ubwenge budasanzwe ahereye ku buryo akunda mudasobwa.

Uyu mubyeyi avuga ko ku myaka ibiri yamweretse inyuguti ziba kuri mudasobwa agahita azifata mu mutwe agatangira kwandika.

Beckford wo mu mujyi wa Totten ham niwe muntu wa mbere w’ umwana wize muri Kaminuza ya Oxford yo mu Bwongereza, imwe muri kaminuza zikomeye mu Isi.

Uyu mwana kuri ubu ugize imyaka 13 yibitseho impamyabumenyi y’ ubudashyikirwa (certificat d’excellence) yahawe nyuma yo gutsindira ku kigero cyo hejuru amasomo yose yize.

Uyu mwana w’ imyaka 13 uyu munsi ni umushakashatsi, inzozi ze n’ ukuzaba umuganga w’ inzobere mu kubaga imitsi y’ ubwoko.

Kaminuza ya Oxford isanzwe yakira abanyeshuri bakiri bato bafite ubwenge budasanzwe. Abo bana baba bafite imyaka 8-13. Se wa Beckford yamenye ko iyi gahunda ibaho ajya gusabira umwana we kwiga muri iri shuri nubwo yari atageza ku myaka umunani barabimwemerera.

Beckford yize philosophie n’ amateka atsindira ku kigero cyo hejuru. Uyu mwana akunda cyane amateka ya Misiri ndetse yanayanditseho igitabo kigenewe abana.

Uyu mwana mu kwezi gushize yagizwe ambasaderi w’ abana b’ abahungu badafite kivugira mu bihugu birimo Afrique du Sud, Nigeria, Uganda, Ghana, Kenya na Royaume-Uni.


INKURU ZA :
Tanga Igitekerezo
Ibitekerezo 1
gatare Kuya 16-02-2019

Anyibukije ukuntu Yesu afite imyaka 12 gusa yatangaje abanyamadini bo muli Israel kubera ubwenge budasanzwe yari afite.Niwe munyabwenge usumba abandi bose wabayeho.Kugeza n’ubu nta Scientist washobora gukora ibyo Yesu yakoze.Yazuye abantu,yakijije abaremaye n’abahumye,agenda hejuru y’amazi,etc...Mu myaka iri imbere,Imana niwe izaha ubutegetsi bw’isi yose nkuko Ibyahishuwe 11:15 havuga.Hanyuma ayigire paradizo.Nta muntu uzongera kurwara cyangwa gupfa nkuko Ibyahishuwe 21:4 havuga.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...