AMAKURU

UKWEZI
cheno 2020

Urutonde rw’ inyamaswa 10 ziruka cyane kurusha izindi ku isi [AMAFOTO]

Urutonde rw’ inyamaswa 10 ziruka cyane kurusha izindi ku isi [AMAFOTO]
7-12-2019 saa 13:29' | By Nsanzimana Ernest | Yasomwe n'abantu 8105 | Ibitekerezo 13

Abantu bazi kwiruka kurusha abandi ku Isi, biruka ibilometero 60 ku isaha, uyu ni umuvuduko uringaniye w’ imodoka. Uyu muvuduko abantu bakoresha biruka n’ amaguru ni muto cyane ugereranyije n’ umuvuduko w’ inyamaswa 10 za mbere zihuta kurusha izindi. Ku nyamaswa z’ agasozi umuvuduko mwinshi ni amahirwe yo kubaho kuko inyamaswa imwe ngenzi yayo y’ indyanyama iyibonamo ifunguro.

Abashakashatsi bapimye umuvuduko w’ inyamaswa z’ agasozi ku isaha, ubwo bushakashatsi nibwo bwifashishijwe hakorwa uru rutonde rw’ inyamaswa 10 za mbere ziruka cyane nk’ uko tubikesha chaîne ya televiziyo Viral be.

10. Intare:

Ni imwe mu nyamaswa zitera izindi ubwoba. Ni indyanyama zishakira hamwe umuhigo, uku guhiga mu matsinda bituma nta nyamaswa ipfa kuzikura mu nzara. Iyi nyamaswa ifite ubushobozi bwo kwiruka ibilometero 80 ku isaha, gusa yiruka ahantu hagufi kuko inanirwa vuba.

9. Wildbeest

Iyi ni inyamaswa y’ indyabyatsi, zikunze kugenda ari ikivunge iyo zerekeza ku iriba zishotse cyangwa zimutse mu gihe aho zabaga hashize ubwatsi. Ni inyamaswa ijya kumera nk’ imbogo gusa ntabwo igira ibizigira nk’ imbogo n’ubwo bifite amahembe ajya kumera kimwe. Iyi nyamaswa igira uburebure bwa metero 1,3 igira umuvuduko w’ ibilometero 80,4 ku isaha kandi yiruka ahantu harehare itarananirwa.

8. Ifarashi

Ifarashi yiruka ibirometero 88 ku isaha, kandi igenda yongera umuvuduko uko imaze umwanya yiruka. Ifarashi zakoreshejwe mu mirwano n’ ingabo z’ abami kuva mu kinyejana cya 17, n’ uyu munsi habaho amasiganwa yazo.

7.Impala

Impala ni utunyamaswa duto tujya kumera nk’ ihene, utu tunyamaswa turya ibyatsi. Impala yiruka ibilometero 88,5 ku isaha. Mu kwiruka kwayo igenda isimbuka ku buryo ishobora kusimbuka akantu haresha na metero 15 z’ ubugejuru .

6.Phrong Horn antelope

Ni nyamaswa igira umuvuduko w’ ibilometero 98 ku isaha. Iyi nyamaswa ntabwo ari ndende cyane kuko ifite santimetero 90 z’ ubuhagarike, igira amaguru akomeye cyane n’ amahembe magufi ariko afite amashami. Iyi nyamaswa ishobora kwiruka ahantu harehare itarananirwa.

5. Sailfish

Iyi fi yiruka ibilometero 118 ku isaha. Ifite umunwa umeze nk’ icumu ikagira n’ ikintu kimeze nk’ ibaba ku mugongo kiyifasha kwihuta dore ko iyo yoga inyuzamo ikanasimbuka. Sailfish irya amafi mato nka sardines na anchovies.

4. Urusamagwe

Urusamagwe rwiruka ibilometero 120,7 ku isaha, mu Rwanda imodoka zarusiga ni hafi ya ntazo. Urusamagwe ruhiga inyamaswa zirimo impala, na wildebeest kandi izi na zo zizwiho kwiruka ariko urusamagwe rurazirukankana rukazifata.

3.Spur winged goose

Iyi nyoni yiruka ibimetero 141,5 ku isaha. Ni inyoni imeze nk’ igishuhe ikunze kuba mu mazi, irabyibuha ku buryo ishobora kugira ibiro 8 by’ uburemere.

2. Golden eagle

Iyi kagoma ifite ibara rya zahabu, yiruka ibilometero 322 ku isaha. Iki gisiga gifite ubushobozi bwo kujya mu bushorishori no kumanuka gicuramye ku muvuduko mwinshi ari byo bigishyira ku mwanya wa 2 mu nyamaswa ziruka cyane.

>

1.Agaca

Agaca gafite ubushobozi bwo kwiruka ibilometero 386 ku isaha. Karya izindi nyoni n’ udukoko. Agaca na ko kongera umuvuduko cyane iyo kava mu bushorishori kerekeza ku butaka.


INKURU ZA :
Tanga Igitekerezo
Ibitekerezo 13
Uwimanafidele Kuya 8-12-2019

Murakoze gukosora

Uwimana Kuya 8-12-2019

Muraho impala ntishobora gusimbuka m 15 zubugejuru niyo zaba arizubutambike ntibishoboka

Safari janvier Kuya 8-12-2019

Murakoze muzatubwire impamvu ziruka cyane

Pedro Kuya 8-12-2019

Pelegrin falcon(pellerin) ntabwo ari agaca rwose.nkuko mwabuze izina ry’ikinyarwanda kuri wildbest ntabwo mwari kutubeshya muvuga ko agaca ariko kitwa peregrin falcon kuko niyo nyamaswa izi kwiruka kurusha izinda kubera diving style yayo.

Itangishaka Fabrice Kuya 8-12-2019

Aha urusamagwe ko mwashyizeho ifoto yingwe kandi Atari bimwe??

-xxxx- Kuya 8-12-2019

None ntizigarasgaza ko hariho umuremyi

Emmanuel Kuya 7-12-2019

Iriya nyamaswa mwise urusamagwe siyo mwashyizeho ku ifoto. Iriya ni URUTARANGWE Cg guépard mu gifaransa. Kdi ni nayo yihuta koko! Gusa mwagerageje, Murakoze!

Emmanuel Kuya 7-12-2019

Iriya nyamaswa mwise urusamagwe siyo mwashyizeho ku ifoto. Iriya ni URUTARANGWE Cg guépard mu gifaransa. Kdi ni nayo yihuta koko! Gusa mwagerageje, Murakoze!

Emmanuel Kuya 7-12-2019

Iriya nyamaswa mwise urusamagwe siyo mwashyizeho ku ifoto. Iriya ni URUTARANGWE Cg guépard mu gifaransa. Kdi ni nayo yihuta koko! Gusa mwagerageje, Murakoze!

Emmanuel Kuya 7-12-2019

Iriya nyamaswa mwise urusamagwe siyo mwashyizeho ku ifoto. Iriya ni URUTARANGWE Cg guépard mu gifaransa. Kdi ni nayo yihuta koko! Gusa mwagerageje, Murakoze!

Bebe Kuya 7-12-2019

MURAKOZE MUJYE MUDUSHAKIRA AMAKURU YINYAMANSWA.Turabikunda pee ubutaha muzatubire imyaka inyamaswa zimara ku isi

Emmanuel Kuya 7-12-2019

Murakoze! Gusa Iriya nyamaswa mwise urusamagwe siyo mwashyizeho ku ifoto, Iriya ni URUTARANGWE cg guépard mu gifaransa, kdi iyi ni nayo koko yihuta kurushya urusamagwe!

Hiii Kuya 7-12-2019

Aha kugaca muratubeshe noneseko inuma igasiga iyo kayirukaho gashaka kuyirya

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
  • Habyarimana Bosco Nyakubahwa nkiyo murebye umuyobozi wahawe kuyobora ikigo gishinzwe guteza imbere amakoperative RCA usanga imikorere ye ntaho izageza abanyarwanda bibumbiye mu makoperative bitewe nimikorere mibi igaragara muricyo kigo nkaho usanga bafata imyanzurayo ariko ntibakurikirane ishirwa mubikorwa ryayo.
    Urugero ni abakozi ayobora bakora igenzura babanje guhabwa amafaranga bakagira abantu abere kandi amakoperative yarahombye, urugero pfunda, Gakenke n’ahandi.
    Abakozi bakoranaga yirukanishije agendeye kugutonesha, Ibi byiyongera ko abakozi bashinzwe kugenzura amakoperative mu ntara bameze nk’abakomisiyoneri be nyuma yo gukora igenzura babaha igihembo nawe agafataho, urugero bazabaze uwitwa Safari Phillipe wayoboraga abamotari Rubavu.
    Muzakurikirane, umukozi Hamissi ibyo akora mu ntara y’iburengerazuba, muzagenzure uburyo koperative USPC KOPERATIVE UNITED yakorewe ubugenzuzi bukarangira 2015 ariko RCA ikaba yarahisemo kubihishira nyuma yogusanga iyo koperative abayobozi bayo baranyereje asaga miliyoni 40 000 000rwf nkuko muri raporo final bigaragara kandi nabo bayobozi ba uspc bakaba bakiyobora.
    Urugero ntanga n’ukwivuguruza kwagaragaye mu gushyiraho NGARAMBE Daniel umuyobozi FEDERATION Y’ABAMOTARI FERWACOTAMO nyamara nkuko bigaragazwa ninyandiko zigaragara yagiye yandikirwa na RCA bamuhagarika kubuyobozi bwakoperative ya GECOM bigakorwa inshuro zirenze imwe.
    NGARAMBE Daniel uyoboye FERWACOTAMO ubu yarafatiwe icyemezo cyo kwirukanwa mubayobozi b’amakoperative murwanda munama yabaye 20 Feb 2017 yari yahuriyemo inzego zitandukanye RURA ihagarariwe na Emmanuel ASABA KATABARWA, RCA yari hagarariwe na HABYARIMANA Gilbert, POLICE CSP BUTERA, NCCR ihagarariwe na KATABARWA ndetse nujyi wa KIGALI waruhagarariwe numuyobozi wungirize W’umujyi wa KIGALI BUSABIZWA Parfait .
    Muri uyu mwanzuro ufite nimero 13 uvuga ko abayobozi bose b’amakoperative y’abatwara abantu kuri moto bagaragayeho imikorere mibi batemerewe kuba mubundi buyobozi bwa koperative mu Rwanda, kandi ayo makoperative bavuze Koperative GECOM yayoborwaga na Ngarambe Daniel.
    Uyu muyobozi Ngarambe Daniel yari yahagaritswe na RCA kubuyobozi bwa Cooperative GECOM tariki 11 Gicurasi 2015, banasaba umwungirije gukoresha inama rusange umweguza ariko ntibyakorwa, tariki 29 Gicurasi 2015 RCA yirukana Komite yose itarashyize mu bikorwa ibyo yabasabye byo kwguza Ngarambe.
    ikibabaje nuko Ngarambe yakomeje gukingirwa ikibabaa n’ubuyobozi bwasimbuye Mugabo Damien bukagira ngarambe umutagatifu ndetse agakurwa kurutonde rw’abatemewe gutorwa nkuko biri mu mabaruwa yandiwe amweguza, n’imyanzuro y’umujyi wa kigari munama yabaye 2017 akongera agatorerwa kuyobora abamotari kurwego rw’igihugu.
    Ku rutonde 233 rwakozwe na RCA yayoborwaga na Habyarimana Gilbert rwakuyemo Ngarambe nyamara yari yarasabwe kwirukanwa no kutazongera kuyobora amakoperative.
    Imikorere ya Ngarambe nubu ikomeje kubera abamotari umuzigo kuko Airtel buri kwezi yishyura federation y’abamotari FERWACOTAMO miliyoni 10 ziburira mu mifuka y’abayobozi bavuga ko bishyura imyenda idashira.
    Aya mafaranga akaba ariyo akoresha mu guhonga bamwe mubayobozi bamuryamyeho barimo umuyobozi wa RCA ubu prof Halerimana Jean Bosco, nuwo yasimbuye bamuhishira Habyarimana Gilbert.
    Urugero ni uburyo Habyarimana wayoboraga RCA wari munama ifata umwnzuro wo kwirukana ku buyobozi Ngarambe yamuhishiriye akaguma kubuyobozi, ikindi Ngarambe avuga ko Prof halerimana ari inshuti ye cyane ntacyo yamusaba ngo akimwime.
    Twasoza tubabwira ko uretse aya makuru dutanze hari n’ibindi byinshi kandi abashinzwe gucukumbura ukuri bazabona.

    ">Nyakubahwa Perezida wa Repuburika mukomeze kwihanganira abo bayobozi babi bakomeje (...)
  • IZINDI NKURU WASOMA
    Loading...