konka coffee
KONKA

AMAKURU

UKWEZI
Minijust

Yagurishije impyiko ngo agure iPhone bimuviramo umwaku ukomeye

Yagurishije impyiko ngo agure iPhone bimuviramo umwaku ukomeye
15-01-2019 saa 12:50' | By Nsanzimana Ernest | Yasomwe n'abantu 3722 | Ibitekerezo 2

Umushinwa yahuye n’ akaga gakomeye ubwo yagurishaga impyiko ye ngo agure iPhone igihe barimo kumubaga agahita ahinduka palalyse akaba azabana nabyo ubuzima bwose.

Xiao Wang wagurishije impyiko ye abaganga bamubwiye ko ubuzima bwose asigaje kubaho ku isi azabumara aryamye ku buriri kuko bidashoboka ko yazongera kugenda.

Wang ni umusore w’ imyaka 17 utazi gufata icyemezo ngo akigumeho. Ku ishuri ryabo haje umunyeshuri ufite iPhone, arayishegera ariko asanga atazabona amafaranga yo kuyigura bitewe n’ uko aturuka mu muryango utifashije. Yafashe icyemezo cyo kugurisha impyiko ye ngo agure iyi telefone yabonaga irenze.
Wang yagiye ku ivuriro ryo mu mujyi wa Chenzhou, asaba ko bamubaga bakamukuramo impyiko imwe akajya kuyigurishwa ku bihumbi 3200 by’ amadorali y’ Amerika nk’ uko byatangajwe n’ ikinyamakuru Elite Readers.

Iri vuriro ryaje gukora ikosa rya kiganga ntiryamubaga neza. Aza kwisanga asigaraganye impyiko imwe, kandi tutabagwa neza byamusigiye ubwandu butuma umubiri we utazongera gukora neza nk’ uko yabibwiye n’ ivuriro rya kabiri yagiye kwivuzaho.

Ikibabaje kurenza ibindi ni uko ya iPhone yashegeye atayiguze kuko amafaranga yahawe ari kuyakoresha yivuza uburwayi yatewe no kuba yarabazwe nabi bwa mbere.


INKURU ZA :
Tanga Igitekerezo
Ibitekerezo 2
gakuba Kuya 21-01-2019

ko ntakivugwa kuli iryo vuriro, rya mubaze nabi!!

mazina Kuya 15-01-2019

IRARI (greed) rituma millions nyinshi z’abantu bakora ibintu bibi,cyane cyane abifuza gukira.Akenshi IRARI ribyara icyaha nkuko bible ivuga.Urugero,Adamu na Eva bakoze icyaha kubera kwifuza imbuto.Dawudi yasambanyije umugore wa URIYA kubera kumureba akamwifuza.Bituma yicisha umugabo we.Muli iki gihe,abagore n’abagabo benshi basambana kubera Kwifuza.Benshi bibaviramo urupfu,urugero Sida.Imana ifata IRARI rikabije nk’icyaha.Niba ushaka kuzabaho iteka muli paradizo kandi ukazazuka ku munsi wa nyuma,ntukagire irari.Yesu yigeze kubaza abantu ati byakumarira iki ukize cyane hanyuma ukabura ubuzima?Yashakaga kuvuga urupfu rwa burundu nta kuzazuka.

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...