AMAKURU

UKWEZI
ubumwe

Yarihiye kaminuza abanyeshuri 33 atarigeze abyara

Yarihiye kaminuza abanyeshuri 33 atarigeze abyara
26-07-2019 saa 11:28' | By Nsanzimana Ernest | Yasomwe n'abantu 4089 | Ibitekerezo 1

Kurera neza byubahisha umuntu kurenza kubyara. Umugabo wamaze imyaka 67 ari umubaji ukoresha imbaraga nyinshi yapfuye nta mwana n’ umwe asize ariko ubu aribukwa nk’ intwari kubera igikorwa cy’ indashyikirwa yakoze.

Dale Schroeder witabye Imana muri 2005 afite miliyoni 3 z’ amadorali yakuye mu bubaji ari kuvugwa cyane mu itangazamakuru nyuma y’ imyaka 14 apfuye kuko amafaranga yasize yagiriye umumaro abavutse mu muryango ukennye nk’ uko yavutsemo.

Inkuru y’ uyu mugabo wo muri Leta ya Iowa muri Leta zunze ubumwe za Amerika muri iki cyumweru yanditswe mu binyamakuru bitandukanye byo muri Amerika birimo USA today , CNN, CBS n’ ibindi.

Schroeder yavutse mu muryango ukennye ntiyagira amahirwe yo kwiga Kaminuza, ariko yari umubaji witeje imbere dore ko yari afite umutungo wa miliyoni 3 z’ amadorali y’ Amerika. Mbere y’ uko apfa muri 2005 yegereye umunyamategeko Steve Nielsen wari inshuti amusaba inama y’ icyo yazakoresha umutunzi bwe nyuma yo kuva ku Isi.

Me Nielsen yabajije uyu mugabo utaragize amahirwe yo gusiga umwana ku Isi icyo yifuza amubwira ko yifuza kurihira abanyeshuri kaminuza kuko atagize amahirwe yo kuyiga.

Me Nielsen avuga ko yatunguwe no gusanga uwo musaza wari umubaji yarizigamiye miliyoni 3 z’ amadorali.

Magingo aya aya amafaranga yose yarashize ariko yarihiye abanyeshuri ba kaminuza 33 batari bafite ubushobozi.

Ku wa Gatandatu w’ icyumweru gishize abana barihiwe n’ ikigega cya Dale’s Kids bateraniye hamwe bazirikana akamaro bagiriwe n’ uyu musaza utabazi.

Kira Conard, umwe mu banyeshuri barihiwe n’ ikigega Dale’s Kids.

Yagize ati “Nakuriye mu muryango turi abana bane, njye na bashiki banjye batatu. Nari mfite inzozi zo kwiga kaminuza ariko sinari kubona ubushobozi kuko twarerwaga n’ umubyeyi umwe”.

Kira Conard arangije amashuri yisumbuye yumvaga ibye birangiriyeho aho ariko muri icyo gihe nibwo yahamagawe na Neilsen kuri telefone amubwira ko amafaranga y’ ishuri azayishyurirwa na Schroeder.


INKURU ZA :
Tanga Igitekerezo
Ibitekerezo 1
FIDELE Kuya 30-07-2019

Ibintu

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...