konka coffee
KONKA

AMAKURU

UKWEZI

AMAFOTO: Diamond Platnumz uri i Kigali yakozwe ku mutima na Jordan Foundation

AMAFOTO: Diamond Platnumz uri i Kigali yakozwe ku mutima na Jordan Foundation
19-01-2018 saa 19:27' | By Akayezu Jean de Dieu | Yasomwe n'abantu 2132 | Ibitekerezo 1

Umuhanzi Diamond Platnumz uri mu Rwanda mu bikorwa bitandukanye yasuye Jordan Foundation, umuryango wita ku bana bafite ubumuga bwo kutabona, atanga inkunga y’ibiribwa n’ibikoresho nkenerwa mu buzima bwa buri munsi.

Diamond Platnumz yageze I Kigali mu gitondo cyo kuri uyu wa Gatanu tariki 19 Mutarama 2018, aho mu bimuzanye harimo no kurambagiza aho agiye kuzatura mu minsi iri imbere.

Nyuma yo kugera mu Rwanda, uyu muhanzi yasuye umuryango wa Jordan Foundation uherereye mu Kagari ka Karuruma, Umurenge wa Gatsata, Akarere ka Gasabo, ahegeranye n’ikigo nderabuzima cya Gihogwe.

Yaganirijwe ku mibereho y’abana 20 barererwa muri Jordan Foundation ndetse ahabwa umwanya wo gusabana na bo. Bamuririmbiye umuvugo batojwe ndetse umwe muri bo amuririmbira indirimbo ze zikunzwe biramunyura amupfumbatiza amafaranga.

Diamond Platnumz kandi yabageneye ibikoresho n’ibiribwa birimo imifuka y’umuceri, ifu ya kawunga, amasubune, n’ubunyobwa bwa ’Diamond Karanga’.

Umuryango Jordan Fondation washinzwe na Bahati Vanessa nyuma yo kugira igitekerezo cyo gukora igikorwa cy’urukundo, nyuma yo kubyara umwana witwa Hakiza Guy Jordan akaba yaravukanye ikibazo cyo kutabona, amuvuza mu bitaro bitandukanye mu Rwanda bigera n’aho amujyana mu Bubiligi ariko nabwo biranga, abaganga batangira kumwigisha uburyo yazita ku mwana we muri ubu buzima butoroshye, akamufasha kuzagira ahazaza heza.

Nyuma y’izi ngorane Bahati Vanessa yaje kwigira inama ashinga umuryango udaharanira inyungu yitiriye umwana we, awita "Jordan Foundation". Jordan Foundation ubu ikorera mu murenge wa Jabana mu karere ka Gasabo mu mujyi wa Kigali, ikaba irimo abana 20 barimo 16 batabona burundu ndetse n’abandi 4 babona gacye. Umuto muri aba bana afite imyaka 3 naho umukuru afite imyaka 10.

Kuri ubu uyu muryango ukomeje kugenda ugira uruhare rukomeye muri sosiyete Nyarwanda mu bikorwa byo gufasha aba bana , ndetse ukaba ukomeje gushimirwa na Leta y’u Rwanda kubw’uruhare rukomeye mu kubaka igihugu


INKURU ZA :
Tanga Igitekerezo
Ibitekerezo 1
Sisy Kuya 25-01-2018

Imana ikomeze guha uyu muryango umugisha

IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...