konka coffee
KONKA

AMAKURU

UKWEZI

Abana b’inzererezi bazwi nka mayibobo basangiye Noheli n’Itorero Victorious Life Church -Amafoto

Abana b’inzererezi bazwi nka mayibobo basangiye Noheli n’Itorero Victorious Life Church -Amafoto
26-12-2017 saa 07:09' | By Akayezu Jean de Dieu | Yasomwe n'abantu 894 | Ibitekerezo 1

Abana b’inzererezi bazwi nka mayibobo ndetse n’abandi bana batishoboye basaga 500 basangiye n’abakirisitu b’Itorero Victorious Life Church mu rwego rwo kwifuriza aba bana Noheli nziza no kubaragiza Imana

Ni igikorwa cyabereye mu karere ka Kayonza mu murenge wa Mukarange kuri uyu wa 24 Ukuboza 2017 ku ishuri rya Victorious Life Academy ryatangije iri torero muri uyu mwaka.
Ibi Ibirori byatangijwe n’amateraniro yo kuramya no guhimbaza Imana, hakurikiraho guha abana umutsima (Gateau) w’umunsi mukuru benshi bari batararyaho na rimwe.

Nyuma y’iyi mihango yose hakurikiyeho kugaburira abana bose amafunguro arimo inyama, umuceli, ifiriti n’ibindi benshi batabasha kubona mu minsi mikuru ndetse n’isanzwe.

Bishop Musisi Bob Charles uhagarariye umushinga Victorious Life Ministries avuga ko batekereje iki gikorwa kubera y’uko abana b’inzererezi batagira ubitaho.

Ngo akaba ari muri urwo rwego baberetse urukundo hamwe n’abakirisitu b’iri torero bakaba barakusanyije amafaranga angana na miliyoni eshatu n’igice bagategura iki gikorwa.

Bishop Musisi Yagize ati “Abana bo mu muhanda babaho mu buzima bubi akenshi birirwa ubusa ubundi bakaburara,twifuje kubereka urukundo bakishima nk’abandi bana dusangira nabo umunsi mukuru wa Noheli.”

Akomeza avuga ko bazakomeza kubakorera ubuvugizi ku bufatanye na Leta n’abandi bafatanyabikorwa bakazasubira mu miryango, bagasubira mu ishuri cyangwa bakiga imyuga.

Abana b’inzererezi bashimishijwe cyane no kuba babonye abagiraneza babaha noheli.
Kizito Nsanzimana yagize ati “maze imyaka 4 ndi mayibobo naje mu mujyi wa Kayonza Nturutse mu murenge wa Gahini kuko turi abana 4 tudahuje papa mama yari umusinzi cyane bigatuma twugarizwa n’ubukene”.

Benshi muri aba bana bashimye iri torero ryabahaye umunsi mukuru wa Noheli.
Bavuga ko amakimbirane aba miryango baturukamo ariyo atuma bajya kuba mayibobo aho baryama ku ikarito bakiyorosa indi,bakarwara ntibavuzwe,imyenda ikabacikiraho,rimwe na rimwe bakiba kugirango babeho.


INKURU ZA :
Tanga Igitekerezo
Ibitekerezo 1
dada Kuya 26-12-2017

Imirimo niyo Imana Ikunda.kwizera kudafite imirimo kubagupfuye ubusa.kugendera mums V8 sibyo bizaduherekeza cgwa kuragwa nogukora ibitangaza nubuhanuzi.victoria’s Imana ibahereze umugisha.

IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...