konka coffee
KONKA

AMAKURU

UKWEZI

Abategera imodoka muri gare ya Kabuga bajya Kibagabaga-Nyabugogo baratabaza

Abategera imodoka muri gare ya Kabuga bajya Kibagabaga-Nyabugogo baratabaza
11-01-2018 saa 09:14' | By Akayezu Jean de Dieu | Yasomwe n'abantu 2352 | Ibitekerezo

Abaturage bakoresha gare ya Kabuga by’umwihariko abatega imodoka ziva muri iyi gare berekeza Kibagabaga bakomeza muri gare ya Nyabugogo baratabaza ubuyobozi bubafite mu nshingano ko babangamiwe bikomeye n’ikibazo cy’uko imodoka zabavanaga I Kabuga zibajyana Nyabugogo bakishyura amafaranga 460 kuri ubu zirimo kubasiga Kimironko bakishyura 520 kandi kugira ngo bagere Nyabugogo bakongera gutegesha andi mafaranga nayo bavuga ko ari menshi.

Kuri aba bagenzi bavuga ko ibi bisa nk’impinduka zidasanzwe zibayeho mu gihe cya vuba nyamara bo ngo kugeza ubu bakaba batarigeze babisobanurirwa ahubwo bo bagiye batungurwa no kubona imodoka zibageza Kimironko, zikababwira ko bagomba kuvamo bakongera gutega izindi kandi n’amafaranga y’urugendo ntiyigere agabanyuka.

Kuri uyu wa Gatatu tariki 10 Mutarama 2018, bamwe muri aba baturage babwiye Ukwezi.com ko babangamiwe bikomeye n’izi mpinduka bakaba bifuza ko ubuyobozi burimo RURA, RFTC, ndetse na Polisi y’igihugu bafite mu nshingano iki kibazo kubafasha bakabarinda uku gusiragizwa.

Umuyobozi muri ushinzwe ubwikorezi muri Koperative yo gutwara abantu n’ibintu RFTC, Bishop Gihangire yavuze ko nabo bamaze kumva iki kibazo abagenzi bafite ariko ahamya ko nabo ari itegeko ryaturutse mu Rwego Ngenzuramikorere RURA, Gusa akavuga ko kuri ubu bamaze kongera kwandikira RURA bayigaragariza izi mbogamizi aho bategereje igisubizo.

Yagize ati “Uwo muhanda waje kugabanywamo ibice bibiri, natwe ni inyandiko twakiriye iturutse muri RURA, cyatwandikiye kidusaba ko uwo muhanda utazongera kuva Nyabugogo ngo uce Kibagabaga ugere i Kabuga, ahubwo uzajya uva Nyabugogo ukagera Kimironko izindi modoka zikava Kimironko zigera i Kabuga, ariko natwe twashyize mu bikorwa inyandiko twahawe gusa byateje ikibazo gikomeye natwe twarabibonye ko abaturage batega kabiri kandi bakishyura amafaranga menshi cyane ugereranyije n’ayo bishyuraga mbere”

Bishop Gihangire kandi yakomeje avuga ko nabo nka RFTC bamaze kugeza ikibazo cyabo muri RURA aho bayandikiye bayisaba kongera gusubizaho uyu muhanda ndetse banagaragaza imbogamizi kuri ubu bakaba bategereje igisubizo.

Ikibazo cy’abakoresha imodoka mu Rwanda cyatangiye gufata indi ntera mu ntangiro z’iki Cyumweru ubwo abafite amamodoka batangiye gucibwa amafaranga menshi y’ubwishingizi bwazo, aya mafaranga akaba yongerewe ku kigero cya 73 ku ijana bitewe n’ubwoko bw’ubwishingizi ndetse n’agaciro k’imodoka. Ibi kandi bikaba byarabayeho mbere gato y’uko ibiciro by’imikomoka kuri peteroli nabyo bizamuka Izi modoka zavaga, i Kabuga zikanyura Utexirwa,
Kibagabaga zikagera Nyabugogo ariko kuri ubu ziri kuva Kabuga zigera Kimironko ndetse n’amafaranga y’urugendo akaba yariyongereye aho bishyuraga 460Frw kugera Nyabugogo ubu bakaba bishyura 520Frw kugera Kimironko, aha kandi tubibutse ko batega kuva Kimironko ugera Nyabugogo bakishyura 230Frw


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...