konka coffee
KONKA

AMAKURU

UKWEZI

Dr Dusabe wari umuganga ukomeye muri Faisal yiciwe muri Afurika y’Epfo ateraguwe ibyuma

Dr Dusabe wari umuganga  ukomeye muri Faisal yiciwe muri Afurika y’Epfo ateraguwe ibyuma
9-01-2018 saa 10:23' | By Vincent Nsengiyumva | Yasomwe n'abantu 8181 | Ibitekerezo 2

Umuganga w’umunyarwanda wari inzobere mu kuvura indwara zifata mu myanya ndagagitsina y’abagore (Gynecologic oncology) mu bitaro byitiriwe Umwami Faisal, Dr Raymond Dusabe yiciwe mu nzu yabagamo mu mujyi wa Cape Town muri Afurika y’Epfo aho yari yaragiye mu kiruhuko.

Ambasaderi w’u Rwanda muri Afurika y’Epfo, Vincent Karega yemeje amakuru y’iyicwa rya Dr Raymond Dusabe, avuga ko urupfu rwe rwamenyekanye mu gitondo cyo kuwa Mbere tariki 8 Mutarama 2018, ubwo basanze yariciwe mu nzu yabagamo mu mujyi wa Cape Town aho yari mu biruhuko.

Amakuru avuga ko Dr Raymond Dusabe yishwe mu ijoro ryo ku wa 28 Ukuboza 2017, kuko aribwo abaturanyi be baherukaga kumuca iryera. Nyuma y’iminsi batamubona baje kumva umunuko waturukaga muri iyo nzu yabagamo bafata umwanzuro wo kuyisenya bafatanyije na Polisi yo muri iki gihugu tariki 07 Mutarama 2018 ari bwo basangaga yarishwe umurambo we waratangiye kwangirika.

Abageze ku murambo we bwa mbere batangaje ko basanze urambitse hejuru y’ameza ugaragaraho ibikomere byinshi umubiri wose, bigaragara ko yishwe ateraguwe ibyuma.

Polisi y’iki gihugu iracyakora iperereza mu rwego rwo gushakisha abari inyuma y’ubu bugizi bwa nabi naho umurambo wa nyakwigendera ukaba warajyanywe mu bitaro mu gihe hashakishwa uburyo yagezwa mu Rwanda akaba ariho azashyingurwa.


Dr Raymond Dusabe wiciwe muri Afurika y’Epfo niwe muganga wa mbere w’umunyarwanda uvura kanseri zifata mu myanya ndagagitsina y’abagore

Dr Dusabe yari afite imyaka 40, umwaka ushize nibwo yarangije amasomo ku rwego rwa ‘sub-specialisation’ kuri Cancer yibasira imyanya ndangagitsina y’abagore, muri kaminuza ya Stellenbosch muri Africa y’Epfo.

Dusabe yize mu ishami ry’ubuvuzi (medicine) muri Kaminuza y’u Rwanda aho yarangije mu 2010 maze ahita abona ‘bourse’ ya Leta yo kujya gukomeza mu bigendanye no kuvura abagore muri Kaminuza ya Stellenbosch .

Mu ntangiriro za 2017 nibwo Dr Dusabe yarangije iby’amasomo ye,maze ahita ataha mu Rwanda atangira kuvura Cancer ab’igitsina gore ndetse no gutanga ubumenyi yari avanye mu ishuri .

Dr Dusabe Raymond yakuriye mu Burundi aho we n’umuryango we bari barahungiye, agaruka mu Rwanda mu 1998 nyuma yo kurangiza amashuri yisumbuye.


Tanga Igitekerezo
Ibitekerezo 2
Bebe Kuya 10-01-2018

Imana imwakire pee ukuntu yaramaze kugera ahezA agiye gukorera ifaranga

Uwera Grace Kuya 9-01-2018

yoooo RIP

IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...