konka coffee
KONKA

AMAKURU

UKWEZI

Rulindo: Abavandimwe babiri bapfiriye rimwe, abaturage benshi bemeza ko barozwe n’umuturanyi

Rulindo: Abavandimwe babiri bapfiriye rimwe, abaturage benshi bemeza ko barozwe n’umuturanyi
16-11-2017 saa 17:45' | By Akayezu Jean de Dieu | Yasomwe n'abantu 8030 | Ibitekerezo 5

Mu gitondo cyo kuri uyu wa Kane tariki 16 Ugushyingo 2017, mu mudugudu wa Gashubi, akagari ka Bahungu ho mu murenge wa Murambi mu karere ka Rulindo, havuzwe umugabo witwaga Habimana Ntirenganya wapfiriye rimwe na murumuna we witwaga Ntawigenera bivugwa ko barozwe n’umuturanyi wabo Nyiramisago Anastasie abahaye uburozi yashyize mu gikoma nk’uko byemezwa n’abaturanyi b’uyu muryango wa nyakwigendera.

Uyu mugore ushyirwa mu majwi n’abaturage bo muri uyu mudugudu ko agiye kubamaraho abantu abaroga, bamushinja abagera ku 8 bose bamaze gupfa bikekwa ko ariw we wabaroze nk’uko bamwe muri aba baturage baganiriye n’Ikinyamakuru Ukwezi.com babishimangiye ndetse bakavuga ko bifuza ko uyu mugore yaba avanwe muri uyu mudugudu batarihorera ngo bamwivugane.

Umugore wa nyakwigendera, Akimana Emerithe yavuze ko we ubwe yari atetse igikoma hanyuma uwo Nyiramisago akaza amusaba amazi yo kunywa mu masaha ya saa saba z’amanywa hanyuma asiga aroze igikoma ubwo nyir’urugo yajyaga mu 1 nzu kumusukira ayo mazi.

Uwitwa Sindikubwaho Jean Damascene yagize ati “Icyo twifuza kuri izi mfu z’abantu bari gupfa buri munsi muri uyu mudugudub wa Gashubi, turifuza ko uyu mubyeyi yaba acumbikiwe na Sitasiyo ya Polisi hanyuma natwe tukajya gushyingura aba bantu ariko we atakiri mu rugo atakidegembya kubera ko mu kanya mushobora kuza nawe muje gutwara umurambo kubera ko naba ari mu rugo ntabwo turava gushyingura dushyize umutima hamwe. Tukaba twifuza ko baba bamujyanye mu gihe iperereza rigikomeje ibyaha byamuhama agakurikiranwa ariko ntitujye gushyingura akiri hano muri uyu mudugudu”

Umunyamabanga Nshingwabikorwa w’Akagari ka Bahungu, Bisabana Etienne, yavuze ko uyu mugore ukekwaho kuroga abaturanyi ahari muri aka kagari ariko ngo nta cyaha kiramuhama ari nayo mpamvu ubusabe bw’abaturage bw’uko uyu mugore yakurwa muri aka kagari budashobora gushingirwaho

Kuri ubu uyu mugore ushyirwa mu majwi n’abaturage yamaze gushyikirizwa inzego z’umutekano aho agiye gukurikiranwaho iby’aya marozi ashinjwa n’abaturage naho iyi mirambo y’aba bavandimwe babiri yajyanwe ku bitaro bya Kacyiru mu mujyi wa Kigali gukorerwa isuzuma ngo hamenyekane icyaba cyateye uru rupfu rwabo. Uwo hagati ni umugore wa Nyakwigendera nawe yemeza ko uyu Nyiramisago yaje akamusanga atetse igikoma agashyiramo ibintu ari nabyo bakekako ari amarozi Abaturage nabo bemeza ko uyu mugore (Nyiramisago) ari umurozi


INKURU ZA :
Tanga Igitekerezo
Ibitekerezo 5
MUGISHA Kuya 17-11-2017

hateye genocid yamarozi uwomugore bamufunge kabs

NELI Kuya 17-11-2017

Ikibazo rero cy’amarozi kiri henshi ,ariko kuko atari ibintu bifatika bifatwa nk’ibihuha , nikimenyimenyi Leta ntiyemera ayo marozi cyane ko nta n’amategeko ahana abarozi abaho mu Rwanda

emmy Kuya 16-11-2017

Iyi nkuru kbs muyikurikirane neza muduhe amakuru afatika kuko ndumva bitumvikana neza uwo murozi arihe kowe mutamugaragaje

-xxxx- Kuya 16-11-2017

Uwonaweakwiyekwincu Umuroziabaarumwincanyinkabandi

-xxxx- Kuya 16-11-2017

Uwonaweakwiyekwincu Umuroziabaarumwincanyinkabandi

IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...