konka coffee
KONKA

AMAKURU

UKWEZI

Agahinda k’umusaza umaze imyaka 4 yishyuza ingurane ya 2,758,000Frw

Agahinda k’umusaza umaze imyaka 4 yishyuza ingurane ya 2,758,000Frw
6-02-2018 saa 12:29' | By Muhizi Olivier | Yasomwe n'abantu 2031 | Ibitekerezo 3

Umusaza Twagirayezu Pascal utuye mu kagari ka Mujuga, Umurenge wa Kitabi akarere ka Nyamagabe Intara y’Amajyepfo amaze imyaka ine yishyuza inzu ye yangijwe hubakwa umuhanda Nyamasheke - Gasarenda kugeza n’ubu akaba atarishyurwa ngo asane ibye byangijwe bifite agaciro ka 2,758,000 Frw.

Iyi nzu ya Twagirayezu yangijwe muri 2014 ubwo Abashinwa bubakaga umuhanda Nyamasheke – Gasarenda ukomeza Rusizi. Igice kimwe ku nzu ye cyarasenyutse ubu asigaye aba mu nzu y’ikirangarira.

Ubwo habaga umuganda usoza ukwezi kwa Mutarama 2018, Twagirayezu yatanze ikibazo cye imbere y’abayobozi b’Akarere ka Nyamagabe bari bifatanyije n’abatuye muri uyu murenge mu muganda.Twagirayezu yagaragaje agahinda gakomeye n’isiragizwa akomeje guhura naryo yishyuza ingurane yemerewe.

Yagize ati" Muri 2014 nibwo bubakaga umuhanda uva Gasarenda ujya Rusizi, Abashinwa nibo bawubatse, ariko mu kuwubaka bangije inzu yanjye yari yubatse neza ,ibyumba 2 n’uruganiriro birasenyuka, ubu mpaba harangaye iyo imvura iguye n’ukubyuka. Ubu sinagura itungo kuko sinabona aho ndishyira. Mpora niruka iyo za Kigali njya kubaza aho bigeze bagomba kunyishyura 2,758,000 Frw ariko ayo maze gutakaza ni menshi. "

Twagirayezu avugako abakozi b’ ikigo k’igihugu gishinzwe guteza imbere ubwikorezi (RTDA) baje bagapima bakanafotora, ariko akaba yarategereje amaso akaba yaraheze mu kirere.

Twagerayezu kandi avuga ko ubuzima bwe n’abana be buri mu kaga kuko n’igice cy’inzu gisigaye nacyo gishobora gusenyuka hatagize igikorwa cyane ko iyo imvura iguye igenda yinjiramo gahoro gahoro kandi ngo ntakibasha kugira icyo akora kuko ahora abyirukaho mu myaka ine ishize akaba amaze kunanirwa.

Umunyamabanga Nshingwabikorwa w’Umurenge wa Kitabi, Nyandwi Eliezer ari nawo murenge Twagirayezu atuyemo, yabwiye Ukwezi.com ko ikibazo cy’ uyu muturage kiri gukurikiranwa ku bufatanye bw’Umurenge n’Akarere ka Nyamagabe.

Gitifu kandi yavuze ko ikibazo cya Twagirayezu yakigejeje no muri RTDA aho bamubwiye ko dosiye bamaze kuyohereza muri Minisiteri y’imari n’igenamigambi kandi ko na Twagirayezu yatanze nimero za konti ye ya banki, bakaba bizeye ko mu mezi atatu cyangwa ane ingurane y’amafaranga ye yose azaba yayibonye agatangira gusana inzuye.

Twagirayezu Pascal , avuga ko ubuzima bwe buri mu kaga nyuma yo gusenyerwa inzu


INKURU ZA :
Tanga Igitekerezo
Ibitekerezo 3
Mazina Kuya 8-02-2018

Ariko ibi bizarangira? Mbona harimo gusuzugura inzego z’ubuyobozi, nta ubuyobozi bukuru butavuga ko ahashyirwa ibikorwaremezo habanza kwishyurwa nyirubutaka ingurane y’ahakenewe. Ariko kubona ukabona abantu baraje bagatangira gucukura, kurimbura imyaka ... abanyamakuru babaza umuyobozi nawe ati, twabivuganye nabaturage, byatewe nuko byihutirwaga, ubu tugiye kubabarira.... none ubarira ahari ibikorwa hasigaye ari ikibuga.
Bikwiye gukosorwa

Mazina Kuya 8-02-2018

Ariko ibi bizarangira? Mbona harimo gusuzugura inzego z’ubuyobozi, nta ubuyobozi bukuru butavuga ko ahashyirwa ibikorwaremezo habanza kwishyurwa nyirubutaka ingurane y’ahakenewe. Ariko kubona ukabona abantu baraje bagatangira gucukura, kurimbura imyaka ... abanyamakuru babaza umuyobozi nawe ati, twabivuganye nabaturage, byatewe nuko byihutirwaga, ubu tugiye kubabarira.... none ubarira ahari ibikorwa hasigaye ari ikibuga.
Bikwiye gukosorwa

Mazina Kuya 8-02-2018

Ariko ibi bizarangira? Mbona harimo gusuzugura inzego z’ubuyobozi, nta ubuyobozi bukuru butavuga ko ahashyirwa ibikorwaremezo habanza kwishyurwa nyirubutaka ingurane y’ahakenewe. Ariko kubona ukabona abantu baraje bagatangira gucukura, kurimbura imyaka ... abanyamakuru babaza umuyobozi nawe ati, twabivuganye nabaturage, byatewe nuko byihutirwaga, ubu tugiye kubabarira.... none ubarira ahari ibikorwa hasigaye ari ikibuga.
Bikwiye gukosorwa

IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...