konka coffee
KONKA

AMAKURU

UKWEZI

Brig General Sekamana yavuye mu gisirikare cy’ingabo z’u Rwanda

Brig General Sekamana yavuye mu gisirikare cy’ingabo z’u Rwanda
9-01-2018 saa 07:23' | By Akayezu Jean de Dieu | Yasomwe n'abantu 6673 | Ibitekerezo 3

Agendeye ku bubasha ahabwa n’itegeko, Umugaba w’Ikirenga w’Ingabo z’u Rwanda akaba na Perezida wa Repubulika y’u Rwanda, Paul Kagame yahaye ikiruhuko cy’izabukuru Brig Gen Jean Damascene Sekamana w’imyaka 60 y’amavuko wari umusirikare mu ngabo z’u Rwanda (Rwanda Defence Forces, RDF).

Nk’uko bigaragara muri Sitati yihariye y’Ingabo z’U Rwanda mu ngingo ya 82 ivuga ko Ofisiye wo ku rwego rwa Jenerali yoherezwa mu kiruhuko cy’izabukuru ku myaka 55, iyi myaka ikaba ishobora kongerwaho indi myaka 5 inshuro imwe gusa bitewe n’inyungu zijyanye n’akazi k’Ingabo z’igihugu nk’ko itegeko ribiteganya, Brig General Sekamana nawe yemerewe ikiruhuko.

Itangazo ryashyizweho umukono n’Umuvugizi w’Ingabo z’u Rwanda, Lt Col Munyengango Innocent, rivuga ko uyu Brig Gen Sekamana yamaze kugeza ku myaka imwemerera kuba yahabwa ikiruhuko mu gisirikare cy’u Rwanda

Iri tangazo rigira riti "Bityo RDF iratangariza abaturage ko nyuma yo gusaba kujya mu kiruhuko cy’izabukuru Brig Gen Jean Damascene SEKAMANA yabyemerewe n’Umugaba w’Ikirenga w’Ingabo z’U Rwanda akaba n’Umukuru w’igihugu mu bubasha afite bwo kohereza ofisiye bari ku rwego rwa Jenerali mu kiruhuko cy’izabukuru."

Brig Gen (Rtd) Jean Damascene SEKAMANA, ubu wujuje imyaka 60 y’amavuko yinjiye mu Ngabo zabohoye igihugu(RPA) ari nazo RDF y’iki gihe, mu mwaka w’ 1990. Yakoze imirimo itandukanye harimo no kuba ukuriye Urwego rw’Iperereza muri Gendarmerie.

Yabaye Umugaba wa Batayo, aba Umugaba wa Brigade ndetse aba n’Umugaba w’agateganyo wa Diviziyo y’Ingabo z’igihugu. Yanabaye Umugaba wungirije ushinzwe ibikorwa by’Ingabo mu butumwa bw’amahoro bw’Umuryango w’Abibumbye muri Sudani y’Epfo.

Mbere yo kwinjira mu zabukuru yari Umuhuzabikorwa w’iby’imishinga y’Ingabo z’U Rwanda, Umutwe w’Inkeragutabara. Brig Gen (Rtd) Jean Damascene SEKAMANA


INKURU ZA :
Tanga Igitekerezo
Ibitekerezo 3
terry Kuya 29-01-2018

naze ayobore ferwafa

Mob Kuya 10-01-2018

Ferwafa

Jb Kuya 9-01-2018

Thanks afande you served your country well

IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...