AMAKURU

UKWEZI
ubumwe

Gasabo na Muhanga: Inzu ebyiri zafashwe n’ inkongi mu gihe kimwe

Gasabo na Muhanga: Inzu ebyiri zafashwe n’ inkongi mu gihe kimwe
19-06-2019 saa 08:15' | By Nsanzimana Ernest | Yasomwe n'abantu 3259 | Ibitekerezo

Mu rukerera rwo kuri uyu wa Gatatu inzu y’ agakiriro yo mu murenge wa Gisozi yafashwe n’ inkongi y’ umuriro, icyateye inkongi n’ ingano y’ ibyangiritse ntabwo biramenyekana.

Polisi y’ u Rwanda ishami rishinzwe kuzimya inkongi ryageze aho iyi nkongi iri ritangira kuzimya. iyi nkongi yongeye kwaduka mu gakiriro ka Gisozi mu gihe nta byumweru bitatu birashyira indi nkongi ihibasiye.

Taliki 03, Kamena, 2019 aka gakiriro nabwo karahiye cyane. Icyo gihe hibasiwe igice kiri haruguru hafi y’inzu yitwa Umukindo House. Ibyahiye icyo gihe harimo imbaho nyinshi, intebe n’ibitanda.

Igitera izi nkongi ntabwo kiratangazwa gusa abahakorera bakeka ko izi nkongi ziterwa n’ insinga zishaje.

Mu rukerera rwo kuri uyu wa Gatatu kandi nibwo inzu y’ ubucuruzi iherereye imbere ya gare ya Muhanga, yafashwe n’ inkongi y’ umuriro.

Silas Nsengimana ushinzwe imari n’ ubutegetsi mu murenge wa Nyamabuye mu izina ry’ umunyamabanga nshingwabikorwa w’ umurenge yabwiye Ikinyamakuru Ukwezi ko inkongi y’ umuriro yibasiye inzu y’ ubucuruzi imbere ya Gare ya Muhanga yafashe imiryango ine yarimo ibicuruzwa birimo matela, amatelefone, ibiribwa, inzoga n’ imitobe n’ amateleviziyo.

Yagize ati “Inkongi yatewe n’ umuriro w’ amashanyarazi gusa Ikigo cy’ igihugu gishinzwe ingufu kiracyabikoraho iperereza.”.

Iyi nkongi y’ I Muhanga yadutse saa munani z’ ijoro, abacuruzi bose batashye. Ibicuruzwa byari mu miryango itatu yahiye byose byangiritse.

Ubwo twavugaga n’ uyu muyobozi saa moya n’ igice za mugitondo yatubwiye ko inkongi yamaze kuzimywa kuko polisi yatabaye bwangu ikahagera inkongi itagera kuyandi mazu.

ibicurzwa byahiye ni ibya abantu batatu aribo Uwimana Louise, Muragijimana Claude, Habimana Pierre na Ruhumuriza Robert .

Aba bacuruzi nta bwishingizi bari bafite. Umuyobozi w’ Akarere ka Muhanga Uwamariya Beatrice yatangaje ko mu turere umunani tw’ intara y’ amagepfo hakora kizimyamwoto imwe iba mu karere ka Nyanza. Ahamya ko iyo kizimyamwoto iba hafi hari ibicuruzwa byari kuramurwa.

Meya Uwamariya yavuze ko akarere ka Muhanga kagiye kuganira n’ abacuruzi bakareba uko bagura kizimyamwoto y’ akarere ka Muhanga.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...