AMAKURU

UKWEZI

Karongi: Umuyobozi w’ishuri afunzwe akurikiranyweho gukubita abanyeshuri bamwe bakajya mu bitaro

Karongi: Umuyobozi w’ishuri afunzwe akurikiranyweho gukubita abanyeshuri bamwe bakajya mu bitaro
3-04-2018 saa 08:33' | By Akayezu Jean de Dieu | Yasomwe n'abantu 1862 | Ibitekerezo 1

Musirimu Moise , Umuyobozi w’ikigo cy’ishuri ryisumbuye rya Rubengera, riherereye mu kagari ka Gisanze umurenge wa Rubengera akarere ka Karongi mu Ntara y’Uburengerazuba ari mu maboko ya Polisi akurikiranyweho guhana mu buryo bukomeye abanyeshuri b’iri shuri abereye umuyobozi. Kuri ubu bamwe muri aba banyeshuri bakaba barababaye cyane aho bari mu bitaro

Ibi byabaye tariki 31 Werurwe 2018, aho bivugwa ko aba banyeshuri bari bakoze amakosa ariko uyu muyobozi yajya kubahana akabikora mu buryo buteye ubwoba aho batatu bahise bajyanwa mu bitaro

Polisi y’u Rwanda iributsa ababyeyi, abarezi (Abarimu) n’abandi bafite inshingano zo kurera, kwirinda guhana abana mu buryo bukabije kuko bibagiraho ingaruka mu mutwe ku mubiri. Irasaba kandi abanyarwanda muri rusange kudahishira umuntu wese babonye ahana umwana mu buryo bukabije cyagwa ahutaza uburenganzira bwe.

Umuvugizi wa Polisi y’u Rwanda mu Ntara y’Uburengerazuba Chief Inspector of Police (CIP) Innocent Gasasira, yavuze ko guhana abana mu buryo budasanzwe ari icyaha gihanwa n’amategeko mu Rwanda.

Yagize ati "Uburyo uyu muyobozi yahannyemo bariya banyeshuri buteye ubwoba. Ni ibihano bitahabwa ikiremwa muntu”.

CIP Gasasira yakomeje yibutsa abanyarwanda muri rusange kudahishira umuntu wese babonye afite imyitwarire nk’iyaranze Musirimu, ahubwo bakajya bihutira kubibwira ubuyobozi kugira ngo bashyikirizwe ubutabera.

Yagize ati” Turasaba ko nta muntu waceceka abonye umuntu ufite imyitarwire nk’iriya, nk’ababyeyi, abaturanyi ndetse n’abanyarwanda muri rusange, dukwiye gushyira hamwe mu kurinda no guteza imbere uburenganzira bw’abana dutangira amakuru byihuse igihetubonye uhutuza uburenganzira bwe”.

Ingingo ya 152 yo mu gitabo cy’amategeko ahana ibyaha mu Rwanda ivuga ko umuntu wese ukubita agambiriye gukomeretsa umwana cyangwa undi muntu udafite ubushobozi bwo kwirwanaho bikamugiraho ingaruka mu mutwe cyangwa ku mubiri ahanishwa igifungo kuva ku mwaka umwe (1) kugeza ku myaka itatu (3) n’ihazabu y’amafaranga y’u Rwanda kuva ku bihumbi ijana (100.000) kugeza ku bihumbi Magana atanu (500.000).


INKURU ZA :
Tanga Igitekerezo
Ibitekerezo 1
Monday Moses Kuya 10-04-2018

Nisawa

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...