AMAKURU

UKWEZI
ubumwe

Kayonza na Karongi: Impanuka 2 zabereye umunsi umwe zihitana 14 abarenga 40 barakomereka

Kayonza na Karongi: Impanuka 2 zabereye umunsi umwe zihitana 14 abarenga 40 barakomereka
17-07-2019 saa 07:28' | By Nsanzimana Ernest | Yasomwe n'abantu 3611 | Ibitekerezo 1

Kuri uyu wa 16 Nyakanga 2019 mu Rwanda habaye impanuka zikomeye zihitana ubuzima bw’ abantu 14, imwe yabereye mu burengerazuba indi ibera mu burasirazuba.

Mu karere ka Kayonza mu masaha y’ umugoroba nibwo imodoka ya Coaster yari itwaye abagenzi 33, yakoze impanuka, batatu muri bo bahita bahasiga ubuzima, mu gihe abandi 30 bakomeretse barimo babiri barembye cyane.

Iyi mpanuka yabereye ahitwa Kamarashavu mu kagari ka Rubumba mu Murenge wa Kabare mu Karere ka Kayonza, mu ikorosi riri mu buhaname bukabije.

Iyi mpanuka yatewe n’ uko umushoferi yageze mu ikorosi riri ahantu hazamuka, ikamyo iramusatira, afata feri imodoka ihita isubira inyuma yibarangura ku musozi nk’ uko byatangajwe na Mberwa Semugisha Théogène, Umunyamabanga Nshingwabikorwa w’Umurenge wa Kabare.

Abantu babiri bakomerekeye bikabije mu mpanuka yabereye I Kayonza bajyanywe mu bitaro bya Kibungo naho 28 bakomeretse byoroheje bajyanywe mu kigo Nderabuzima cya Mulindi.

Abapfiriye muri iyi mpanuka ni umugabo, umugore n’umwana uri mu kigero cy’umwaka umwe. Imirambo y aba nyakwigendera yajyanywe mu buruhukiro bw’ibitaro bya Rwinkwavu.

Indi mpanuka yabaye kuri mu gitondo cyo ku wa kabiri tariki 16 Nyakanga 2019 mu Murenge wa Bwishyura mu Karere ka Karongi aho imodoka ya Coaster yari itwaye abagenzi 27 yataye umuhanda ihitana 11 hakomereka 16.


Impanuka y’ i Karongi yahitanye 11 ikomerekeramo 16


Impanuka y’ i Kayonza yahitanye 3 ikomerekeramo abagera kuri 30


INKURU ZA :
Tanga Igitekerezo
Ibitekerezo 1
Nzabirinda Kuya 18-07-2019

Aha nugusenga cyane ndabona twugarijwe nibyago dutabare Mana

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...