konka coffee
KONKA

AMAKURU

UKWEZI

Kigali: Abana b’inzererezi batwikiwe muri ruhurura bamwe muri bo bahita bapfa

Kigali: Abana b’inzererezi batwikiwe muri ruhurura bamwe muri bo bahita bapfa
28-04-2017 saa 08:59' | By Chief Editor | Yasomwe n'abantu 14378 | Ibitekerezo 5

Mu masaha y’urukerera rwo kuri uyu wa Gatanu tariki 28 Mata 2017, mu mujyi wa Kigali rwagati iruhande rw’inyubako izwi nka CHIC, hafi y’ahahoze ari kuri ETO Muhima, hatwikiwe abana batatu b’inzererezi muri ruhurura (rigole) ihari, muri abo bana babiri bakaba bahise bahasiga ubuzima ariko abakoze ibi kugeza ubu ntibaramenyekana.

Hari abatwara abantu kuri moto muri aka gace batangarije ikinyamakuru Ukwezi.com ko aba bana b’inzererezi bashobora kuba bakongejwe n’abanyerondo babasanze aho bari bari bagashaka kubarwanya ariko ibi ntibiremezwa kuko na Polisi igikorana ipereza kugirango hamenyekane uburyo abo bana batwitswemo n’ababikoze.

Nk’uko byemejwe n’umuvugizi wa Polisi y’u Rwanda mu mujyi wa Kigali, SP Hitayezu Emmanuel, aba bana bose bari mu kigero cy’imyaka hagati ya 15 na 18. Yatangarije ikinyamakuru Ukwezi.com ko aba bana basanzwe muri rigore (mu muferege) batwitswe bagashya ariko ababatwitse bakaba bataramenyekana, hakanakekwa ko baba ari bo ubwabo babaye intandaro y’uwo muriro wahitanye babiri muri bo.

SP Hitayezu ati: "Ntitwari twamenya niba babatwitse cyangwa niba ari bo hagati yabo bagiranye ikibazo bakaba bacana, kuko hari amakuru avuga ko bari batekeye ahantu mu muferege (rigore), ntitwari twamenya rero niba ari bo bacanye noneho wenda bagashya, turimo kubikurikirana. Gusa hari babiri bapfiriyemo, amazina yabo ntabwo turayamenya."

Inzego zishinzwe umutekano ziri mu bikorwa by’iperereza kugira ngo bamenye abakoze ubu bugizi bwa nabi

Bimwe mu bisigazwa by’ibikarito aba bana baryamagaho byakuwe muri ruhurura byahiye

Abantu baracyari benshi ahabereye ubu bugizi bwa nabi

Iperereza ririmo gukorwa n’inzego z’umutekano zitandukanye

Ubu bugizi bwa nabi bwabereye imbere y’inyubako ya CHIC


INKURU ZA :
Tanga Igitekerezo
Ibitekerezo 5
gruec Kuya 29-04-2017

Rukundo Emmanuel, abashinzwe umutekano ntibabimenye kuko si ababo ariko haricyo twese abanyarwanda twirengagiza "UBUZIMA NI LOTTERY" nibibageraho bazabimenya. Urupfu ntirugira vaccin.

Rukundo Emmanuel Kuya 28-04-2017

Ndabona ibibintu arindengakamere abantu bageze naho babatwika nabashinzwe umutekano ntibabimenye

gato Kuya 28-04-2017

oh mon Dieu, abana koko? ubu ni ubugome bw’indengakamere! Imana ibakire kdi ihumurize ababyeyi babo

Neli Kuya 28-04-2017

Ariko se nkubu aba bajyambere bazize iki kweri ,ubuse ko bapfuye ubishe yungutse iki???,ubugizi bwa nabi nkubu buracyabaho kweri.!??? Imana nidutabare kabisa

akaga Kuya 28-04-2017

Hafatwe ingamba kuri bene aba bana ,birababaje! Abantu bafite imishahara irenze cyane bategekwe buri wese afate nibura abana 2 nabo bumve ku byiza twirirwa turirimba

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
  • munyemana Muli 2 Petero 3:13,Bible yigisha ko dutegereje "Ijuru rishya n’Isi Nshya".Abantu benshi beza,"bazasigara" kandi bature mu isi ya Paradizo iteka ryose.Naho ababi bose bazakurwa mu isi,bapfe burundu.Bisome muli Imigani 2:21,22 na Zaburi 37:29.Abandi beza bazajya mu Ijuru,nibo bazategeka Isi izaba Paradizo.Bisome muli Daniel 7:27 na Ibyahishuwe 5:10.Gehinomu,ni Igiheburayo "Ge Hinnom",bisobanura "Ikibaya cya Hinnom",cyabaga hafi n’i Yeruzalemu.Bahoraga batwikiramo imyanda n’intumbi z’abantu,bakaba ivu.YESU yavuze ko abanyabyaha bazajya muli Gehinomu,ashaka kuvuga ko "bazapfa burundu ntibongere kubaho".Byari ikigereranyo cy’icyo kibaya.Muli Abaroma 6:23,Bible ivuga ko igihano cy’icyaha ari "URUPFU" rwa burundu,nta kongera kubaho.Ntabwo ari Umuriro utazima.Bigenda gute iyo dupfuye?Ese tujya mu Ijuru?Nta hantu na hamwe Bible yigisha ko umuntu upfuye aba yitabye imana.Dore uko Bible yigisha ku Rupfu.Upfuye ntabwo aba yumva (Umubwiriza 9:5).None se yakitaba imana gute kandi atumva?Umwuka Imana yashyize muli Adamu,ntabwo ari Roho itekereza nkuko benshi bibeshya.Ahubwo ni “neshamah “ mu Giheburayo (breath mu Cyongereza,Souffle mu Gifaransa).Uwo mwuka imana yashyize muli Adamu,siwo utekereza.Hatekereza “ubwonko gusa†.Umwuka uba mu mubiri wacu,ni imbaraga zidukoresha.Twabigereranya n’amashanyarazi akoresha Radio.Ntabwo rero umwuka wakitaba imana kandi “udatekereza†.Iyo dupfuye,uwo mwuka uragenda,nkuko amashanyarazi nayo agenda,RADIO ntiyongere kuvuga.Dore urugero rwiza rwerekana ko iyo dupfuye tutaba twitabye imana: Igihe Yakobo bamubwiraga ko umuhungu we witwaga YOZEFU yapfuye,ntabwo yavuze ko umwana we yitabye imana.Ahubwo yavuze ko azasanga umwana we mu gitaka (Itagiriro 37:35).Bible yigisha ko upfuye yakoraga ibyo imana idusaba,azazuka “ku munsi w’imperuka†,agahembwa ubuzima bw’iteka muli paradizo (Yohana 6:40).Ni Yesu ubwe wabivuze.Abantu bapfa biberaga mu byisi gusa,biba birangiye batazazuka kuko imana ibafata nk’abanzi bayo (Yakobo 4:4 ).Barabora bikarangira (Abagalatiya 6:8).

    ">Wakoze kutubwira Ijambo ry’Imana.Ariko reka nkosore bimwe mu byo wanditse.Ndasaba abasomyi (...)
  • IZINDI NKURU WASOMA
    Loading...