konka coffee
KONKA

AMAKURU

UKWEZI

Kigali: Umugabo yashatse gutwikisha lisansi umugore n’abana be bane birangira ari we uhiye

Kigali: Umugabo yashatse gutwikisha lisansi umugore n’abana be bane birangira ari we uhiye
13-03-2018 saa 10:26' | By Akayezu Jean de Dieu | Yasomwe n'abantu 14599 | Ibitekerezo

Mu rukerera rwo kuri uyu wa Kabiri tariki 13 Werurwe 2018, umugabo witwa Tuyishimire Eugene yashatse gutwikira umugore we n’abana bane mu nzu ariko abanyerondo baratabara bahageze nawe ahita yijugunya mu muriro ashya bimwe mu bice bye by’umubiri.

Uyu muryango ugizwe n’umugore ukora akazi ko kudoda imyenda ndetse n’abana be bane yabyaranye n’uyu mugabo wari ugiye kubatwikira mu nzu, utuye mu mudugdudu wa Kokobe, akagari ka Nyakabanda ya Mbere murenge wa Nyakabanda, akarere ka Nyarugenge ho mu Mujyi wa Kigali.

Bivugwa ko uyu mugabo utari amaze iminsi aba mu rugo yatashye mu ijoro agashaka gutwika umuryango we ugizwe n’umugore n’abana bane aho yaje agasanga abo mu rugo rwe baryamye agahita atangira kunyanyagiza lisansi mu nzu ashaka gutwika umugore we.

Nyuma yo kunyanyagiza lisansi ku nzu uyu mugabo yahise ashyiramo umuriro atangira gutwika gusa abari barimo imbere bahise batangira gutabaza abanyerondo nabo bahita bahagera batangira kuzimya inzu abandi bakuramo umugore n’abana gusa ngo uyu mugabo yahise amena lisansi mu mutwe w’umugore we ariko kubw’amahirwe umuriro ntiwamugeraho, ariko umugabo we yahise yijugunya mu muriro ashya ku maguru no ku bindi bice bye by’umubiri

Umunyamabanga Nshingwabikorwa w’Umurenge wa Nyakabanda, Huss Monique yabwiye Ukwezi.com koko ko uyu mugabo yaje yagambiriye gutwikira umugore n’abana mu nzu dore ko ngo yatashye ahagana saa kumi z’igitondo agasuka lisansi ku nzu agatangira kuyitwika ariko irondo ry’umwuga babasha gutabara bakura abana n’umugore munzu.

Gitifu Monique yakomeje avuga ko uyu mugabo yahise ajyanwa kwa muganga n’umugore we akajyanwa ku kigo nderabuzima cya Muhima kugira ngo yitabweho barebe ko iyi lisansi umugabo yamusutse mu mutwe nta zindi ngaruka yamugiraho. Abaturage bazindukiye muri uru rugo kureba aya mahano yakozwe n’uyu mugabo


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...