konka coffee
KONKA

AMAKURU

UKWEZI

Kigali: Umunyerondo yatawe muri yombi ashinjwa gukomeretsa umugore wiyemerera ko ari indaya

Kigali: Umunyerondo yatawe muri yombi ashinjwa gukomeretsa umugore wiyemerera ko ari indaya
11-12-2017 saa 12:18' | By Akayezu Jean de Dieu | Yasomwe n'abantu 4547 | Ibitekerezo

Umugore wemera ko akora akazi ko kwicuruza (Uburaya) yaraye akubiswe bikomeye ndetse akomeretswa n’umwe mu bakora irondo ry’umwuga mu murenge wa Rwezamenyo, akarere ka Nyarugenge ho mu Mujyi wa Kigali. Umunyerondo wamukubise kugeza ubu yatawe muri yombi akurikiranyweho icyaha cyo gukubita no gukomeretsa.

Mu ijoro ryo ku Cyumweru tariki 10 Ukuboza 2017, ku mbuga nkoranyambaga hakwirakwijwe ifoto igaragaza umugore bivugwa ko yitwa Maman Gentil ariko abandi bemeza ko amazina ye bwite yitwa Bahati, bivugwa ko wakubiswe bikomeye ndetse arakomereka aho byavugwaga ko yakubiswe n’umunyerondo wari umusanze iwe mu rugo aho akodesha muri uyu murenge wa Rwezamenyo.

Abaturanyi b’uyu mugore wakubiswe bavuze ko uyu munyerondo wamukubise atari yabigambiriye cyane ko ngo yaje ari mu kazi ke agasaba uyu mugore kimwe n’abandi bari bari kumwe hanze bategereje abagabo baza kubagura ngo babasambanye ari nabwo uyu wakubiswe yanze kujya munzu bikamuviramo gushaka kurwanya umunyerondo ari nabwo yamukubise akamukomeretsa.

Uyu mugore bivugwa ko yari ategereje abagabo baza kumusambanya bakamuha amafaranga ngo abanyerondo bamusabye kuva aho hanze akajya mu nzu ariko ntiyemera kujya munzu ndetse umunyerondo agerageza kumusunika ariko we yanga kujya mu nzu bigera n’ubwo bafatana mu mashati ndetse biturana hasi umugore ajya hejuru y’umunyerondo ari nabwo uyu munyerondo yahise amukubita iyi nkoni (Inkoni abanyerondo bifashisha mu kazi).

Kuri ubu uyu munyerondo ushinjwa gukubita no gukomeretsa ari mu maboko ya Polisi aho arimo gukorwaho iperereza kuri ibi byaha ashinjwa byo gukubita no gukomeretsa.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...