konka coffee
KONKA

AMAKURU

UKWEZI

Menya uko abapolisi b’u Rwanda barutanwa mu mapeti no mu mishahara bahembwa

Menya uko abapolisi b’u Rwanda barutanwa mu mapeti no mu mishahara bahembwa
6-11-2016 saa 10:55' | By Chief Editor | Yasomwe n'abantu 39857 | Ibitekerezo 20

Benshi mu bakunzi b’ikinyamakuru Ukwezi.com, badusabye ko nyuma yo kubagezaho ibijyanye n’ibirango by’amapeti y’igipolisi cy’u Rwanda n’uko arutana, twabagezaho n’ibijyanue n’imishahara y’abapolisi uko irutanwa bijyanye n’amapeti bafite.

Ibijyanye n’imishahara y’abapolisi b’u Rwanda, turabishingira mu byemejwe n’Inama y’Abaminisitiri yateranye ku wa 14/10/2015, ubwo Perezida wa Repubulika yemezaga iteka rigena imishara y’abapolisi, iyi ikaba ari imishahara mishya abapolisi batangiye guhabwa guhera mu kwezi kwa Nyakanga uyu mwaka. Iyo tubagezaho, ni imishahara mbumbe, iba itarakurwamo imisoro, ubwishingizi n’ibindi bibanza gukatwa ku mishahara.

Mu kubagezaho uko amapeti y’igipolisi cy’u Rwanda akurikirana, ibirango byayo n’umushahara wa buri mupolisi, turahera ku ipeti rito tugenda tuzamuka ku ipeti risumba ayandi:

  • Ipeti rya mbere mu gipolisi rya Police Constable (PC), nta kirango rigira, bivuga ko umupolisi wese ugitangira mu ishuri ry’abapolisi bato, ahita atangirana iri peti. Umupolisi ufite iri peti, ahabwa umushahara mbumbe w’amafaranga y’u Rwanda 70,799 ku kwezi.
  • Ipeti rya kabiri mu gipolisi, ni irya Corporal (CPL) rirangwa n’ikirango cy’inyuguti za V ebyeri. Umupolisi ufite iri peti, ahabwa umushahara mbumbe w’amafaranga y’u Rwanda 83,829 ku kwezi.
  • Ipeti rya gatatu mu gipolisi cy’u Rwanda, ni irya Sergeant (SGT), rirangwa n’ikirango cy’inyuguti eshatu za V. Umupolisi ufite iri peti, ahabwa umushahara mbumbe w’amafaranga y’u Rwanda 96,877 ku kwezi.
  • Ipeti rya kane mu gipolisi cy’u Rwanda, ni irya Senior Sergeant (SSGT), rirangwa n’ikirango cy’inyuguti eshatu za "V" hakajyaho n’akamenyetso kari mu ishusho y’umwashi. Umupolisi ufite iri peti, ahabwa umushahara mbumbe w’amafaranga y’u Rwanda 164,045 ku kwezi.
  • Ipeti rya gatanu mu gipolisi, ni irya Chief Sergeant (CSGT) rirangwa n’ikirango cy’inuma izengurutswe n’uruziga rwanditsemo "Rwanda Police", iri rikaba ari naryo peti rya nyuma mu bapolisi bato. Umupolisi ufite iri peti, ahabwa umushahara mbumbe w’amafaranga y’u Rwanda 213,130 ku kwezi.
  • - Ipeti rya gatandatu ari naryo rya mbere mu cyiciro cy’abapolisi b’abofisiye (officers) ni irya Assistant Inspector (AIP) rirangwa n’ikirango cy’inyenyeri imwe, cyambarwa ku ntugu zombi. Umupolisi ufite iri peti, ahabwa umushahara mbumbe w’amafaranga y’u Rwanda 264,399 ku kwezi.
  • Ipeti rya karindwi ni irya Inspector (IP) rirangwa n’ikirango cy’inyenyeri ebyiri cyambarwa ku ntugu zombi. Umupolisi ufite iri peti, ahabwa umushahara mbumbe w’amafaranga y’u Rwanda 323,804 ku kwezi.
  • Ipeti rya munani ni irya Chief Inspector(CIP), rirangwa n’ikirango cy’inyenyeri eshatu cyambarwa ku ntugu zombi. Umupolisi ufite iri peti, ahabwa umushahara mbumbe w’amafaranga y’u Rwanda 432,469 ku kwezi.
  • Ipeti rya cyenda, ni irya Superintendent (SUPT) rirangwa n’ikirango gifite ishusho y’ikirangantego cy’igihugu, cyambarwa ku ntugu zombi. Umupolisi ufite iri peti, ahabwa umushahara mbumbe w’amafaranga y’u Rwanda 559,406 ku kwezi.
  • Ipeti rya cumi, ni irya Senior Superintendent (SSP) rirangwa n’ikirango cy’ikirangantego kiri kumwe n’inyenyeri imwe. Umupolisi ufite iri peti, ahabwa umushahara mbumbe w’amafaranga y’u Rwanda 671,288 ku kwezi.
  • Ipeti rya cumi na rimwe, ni irya Chief Superintendent (CSP) rirangwa n’ikirango kirimo ikirangantego n’inyenyeri ebyiri. Umupolisi ufite iri peti, ahabwa umushahara mbumbe w’amafaranga y’u Rwanda 806,957 ku kwezi.
  • Ipeti rya cumi na kabiri, ni irya Assistant Commissioner (ACP) rirangwa n’ikirango kigizwe n’ikirangantego cy’igihugu n’ishusho y’uruziga rufite umuzenguruko ukoze mu ihundo, hagati hakaba harimo imishyo ibiri isobekeranye. Umupolisi ufite iri peti, ahabwa umushahara mbumbe w’amafaranga y’u Rwanda 1,104,565 ku kwezi.
  • Ipeti rya cumi na gatatu, ni irya Commissioner (CP), rirangwa n’ikirango kigizwe n’ikirangantego cy’igihugu, ishusho y’uruziga rufite umuzenguruko ukozwe mu ihundo, hagati hakaba harimo imishyo ibiri isobekeranye, hanyuma hagati y’ibi birango hakaba harimo inyenyeri imwe. Umupolisi ufite iri peti, ahabwa umushahara mbumbe w’amafaranga y’u Rwanda 1,146,739 ku kwezi.
  • Ipeti rya cumi na kane, ni irya Deputy Commissioner General (DCGP), rirangwa n’ikirango kigizwe n’ikirangantego cy’igihugu, ishusho y’uruziga rufite umuzenguruko ukozwe mu ihundo, hagati hakaba harimo imishyo ibiri isobekeranye, hanyuma hagati y’ibi birango hakaba harimo inyenyeri ebyiri. Umupolisi ufite iri peti, ahabwa umushahara mbumbe w’amafaranga y’u Rwanda 1,329,839 ku kwezi.
  • Ipeti rya cumi na gatanu ari naryo rya nyuma mu gipolisi cy’u Rwanda, ni irya Commissioner General (CGP). Iri rirangwa n’ikirango kirimo ikirangantego cy’igihugu, ishusho y’uruziga rurimo inuma ndetse n’ishusho y’uruziga rufite umuzenguruko ukozwe mu ihundo, hagati harimo imishyo ibiri isobekeranye. Umupolisi ufite iri peti, ahabwa umushahara mbumbe w’amafaranga y’u Rwanda 1,735,800 ku kwezi.

Icyitonderwa: Inspector General (IGP) na Deputy Inspector General (DIGP) si amapeti, ahubwo ni imyanya w’ubuyobozi bukuru bwa Polisi y’u Rwanda. Urugero, Inspector General (IGP) Emmanuel Gasana uyobora Polisi y’u Rwanda, afite ipeti rya nyuma mu gipolisi cy’u Rwanda, rya Commissioner General.

Ufite umwanya w’ubuyobozi bwa Polisi y’u Rwanda ari we Inspector General, ahemberwa uwo mwanya, akaba ahabwa umushahara mbumbe w’amafaranga y’u Rwanda 2,395,449 buri kwezi hanyuma n’abamwungirije ku buyobozi Deputy Inspector General bagahabwa umushahara mbumbe w’amafaranga y’u Rwanda 2,177,430 buri kwezi.

Ikindi ukwiye kumenya ku bijyanye n’ibirango by’amapeti y’igipolisi cy’u Rwanda, ni uko uretse ibirango byambarwa ku rutugu, guhera ku ipeti rya Chief Superintendent hatangira kwambarwa n’ibindi birango bakunda kwita ibirokoroko, byambarwa ku ikora ry’umwambaro wa Polisi.

SOMA INKURU BIJYANYE: - Sobanukirwa ibijyanye n’ibirango by’amapeti y’igisirikare cy’u Rwanda, ibyiciro byayo n’uko arutana


INKURU ZA :
Tanga Igitekerezo
Ibitekerezo 20
Erive Kuya 30-08-2017

Mujye mug
Dushyiriraho amafaranga abagera muntoki naho see!!

Aphrodis Kuya 30-08-2017

Ipeti RYA mbere ni Recrute(RC)cg rukurutu ntabwo ari PC

Chelsea Irubengera Kuya 29-08-2017

Doso na Basirikare abacunga gereza abaganga nabashinzwe imisoro Ducyeneye kumenya umushahara wabo

nsenga Kuya 15-06-2017

Muzaduhe nuko abacungagereza barutanwa ndabizi nabo ni force y’umutekano

nine Kuya 10-02-2017

mbega we aha sawa

Kamana Kuya 22-12-2016

Twibukeko umushahara mbumbe ukubiyemo umusoro, assurances n’andi mafaranga umukozi agomba gukatwa mbere yo guhembwa.
Urugero:
Umupolisi muto wiswe ko ahembwa F 70 799, agerwa mu ntoki n’atarenga F 46 355. Akatwa umusoro wa F 8.160, RAMA cga MMI F 10,620 (15%), na CSR 5.664 (8%).
Naho uwiswe ko ahembwa F 2.395.449 we agerwa mu ntoki na F atarenga 1.141.860 kuko we atanga umusoro wa F 702.635, agatanga RAMA cga MMI ya 15% ingana na F 359.317 na CSR ya 8% ingana na F191.636.
Aba bombi hari andi F bakatwa tutanditseo nka F y"Agaciro, aya maternity leave n’ibindi.
Twibukiranye ko umusoro ku mushahara ubarwa mu buryo bukurikira:
F 30.000 ntasoreshwa, hagati ya 30.001 na 100.000 asoreshwa 20%, kuva ku F 100.001 gusubiza hejuru asoreshwa 30%.
RAMA ikata 15% by’umushahara mbumbe
CSR ikata 8% by’umushahara mbumbe
Maternity leave ikata 0.3%
......

PFUKAMUSENGE EMMANUEL Kuya 14-11-2016

NUKURI UWO MUSHAHARA BABA BAWUKWIYE

PFUKAMUSENGE EMMANUEL Kuya 14-11-2016

NUKURI UWO MUSHAHARA BABA BAWUKWIYE

DEO Kuya 12-11-2016

Mbona ari sawa batidoga.ayo masazi uyaharuye mu marundi aruta kure niyo ayo abapolice b,uburundi bahembwa

sebatware Kuya 8-11-2016

About bagabo nubwo babaepangiye imishahara minini ugereranyije nabandi bakozi, ntibibuza bamwe muri no kwirirwa banyunyuza imitsi ya rubanda. India zaragutse,,umururumba, ubusambo nibindi ntavuze. Ntawe ntunze urutoki ariko barasebya umukuru wigihugu wabazirikanye, bivuga ko bagaya umushahara yabahaye. Uwo bazajya bafata my makosa nkariya bajye bamusezerera, nagera hanze amezi abiri azasubiza ubwenge Ku gihe.

yandwi valens Kuya 7-11-2016

turabashimihe cyane kutubwira
uko barutana kumishahara.

yandwi valens Kuya 7-11-2016

turabashimihe cyane kutubwira
uko barutana kumishahara.

Xxxxx Kuya 7-11-2016

Muzatubwire no kumishahara yabaganga ,abaforomo,,,,medical carrier ,,,,

kay Kuya 6-11-2016

aha igiporisi kiraryoshye bihangane batecyereze no kubasirikare

Bernard Kuya 6-11-2016

Murakoze Cyane!!!! Nonese Mugisirikare ho Imishahara nigute

karonkano Kuya 6-11-2016

uvuga ko ari menshi se nabare ayo umuntu yakira muntoki ko ari umushahara mbumbe ayo umupolisi yakira ibindi bivuyemo

nigae Kuya 6-11-2016

Kandi bariya bapolisi ni mwarimu uba yarabigishije

fkaaa Kuya 6-11-2016

wahembwa iyi cash ukavuga ngo urimo gukorera igihugu koko ahubwo nitwe tugikorera twagatowe ni misoro naho nimenshi

juvenal Kuya 6-11-2016

igipolisi kiraryoshye burya.umupolisi warya ruswa ni ukwanduranya.leta ibitayeho.ubutahamuzatubwire nibya abasirikare.

Njoroge Kuya 6-11-2016

Ese abarimu bo Leta izabatekerezaho ryari?Ko twese badushyiraga muri class imwe bakavugako intoryi ari inyama z’abarimu n’abapolisi none bo baradusize.Tuzaba abande ko ibiciro ku masoko byadusize!

IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...