konka coffee
KONKA

AMAKURU

UKWEZI

Mu bagororwa 25 bagerageje gutoroka gereza uyu mwaka, 17 barafashwe

Mu bagororwa 25 bagerageje gutoroka gereza uyu mwaka, 17 barafashwe
6-12-2017 saa 15:39' | By Vincent Nsengiyumva | Yasomwe n'abantu 981 | Ibitekerezo

Urwego rw’Igihugu Rushinzwe Imfungwa n’Abagororwa (RCS) rwatangaje ko muri uyu mwaka wa 2017 abagororwa 25 bagerageje gutoroka amagereza yo mu Rwanda, gusa muri bo 17 bakaba barashakishijwe bagafatwa basubizwamo.

Ibi Ubuyobozi bw’ Urwego rw’Igihugu Rushinzwe Imfungwa n’Abagororwa bwabitangaje kuri uyu wa Gatatu tariki ya 06 Ukuboza 2017 mu kiganiro n’abanyamakuru, aho basobanuraga imikorere y’amagereza muri uyu mwaka ndetse n’ibyo yagezeho.

Komiseri mukuru wa RCS, Brig Gen Rwigamba George yagaragaje ko umubare w’abacungagereza ukiri hasi kuko ari 1 694, aho ari bakeya ugereranyije n’umubare w’abagororwa bashinjwe gucunga no kureberera .

Brig Gen George Rwigamba yavuze ko mu bagororwa 8 batorotse muri uyu mwaka bakaba batarafatwa ngo harimo batatu baherutse gutoroka barimo Umunyamakuru Cassien Ntamuhanga watorokanye , Sibomana Kirege na Batambirije Theogene bari bafunganywe muri gereza ya Nyanza.

Brig Gen Rwigamba yanavuze abagororwa batoroka abenshi baba bajyanye hanze nko kuvuzwa, kuburana cyangwa mu bindi bikorwa uretse Ntamuhanga na bagenzi be batorotse bakoresheje imigozi basimbuka urukuta rwa gereza bari bafungiyemo, ibintu bitari bimenyerewe mu magereza.

Yagize ati “Aho tugirira ingorane ni ubuke bwacu mu buryo bwo kujya mu nkiko, kwa muganga n’ahandi nk’aho. Kwa muganga abagororwa bashobora gutorokerayo byoroshye."

Tariki ya 31 Ugushyingo uyu mwaka nibwo Urwego rushinzwe imfungwa n’abagororwa mu Rwanda (RCS) rwatangaje ko Ntamuhanga Cassien wari ufite Dosiye imwe na Kizito Mihigo ku byaha bikomeye bareganwaga byo guhungabanya umutekano w’ igihugu yatorokanye na bagenzi be 2 bari bafunganwe muri gereza ya Mpanga i Nyanza mu ijoro ryo kuri uyu wa 30 Ugushyingo.

Ubuyobozi bw’ Urwego rw’Igihugu Rushinzwe Imfungwa n’Abagororwa bwatangaje ko kugeza magingo aya mu Rwanda hari imfungwa n’abagororwa 64,757, bacungwa n’abacungagereza 1 694 gusa , ibi bisobanuye ko nibura umucungagereza umwe aba agomba gucunga abagororwa 39.


Umuyobozi Mukuru wa RCS, Brig Gen Rwigamba George


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...