konka coffee
KONKA

AMAKURU

UKWEZI

Muri 2017 abantu 369 baguye mu mpanuka, 685 bazikomerekeramo

Muri 2017 abantu 369 baguye mu mpanuka, 685 bazikomerekeramo
14-12-2017 saa 08:57' | By Vincent Nsengiyumva | Yasomwe n'abantu 687 | Ibitekerezo

Polisi y’u Rwanda yatangaje ko muri uyu mwaka wa 2017 impanuka zo mu mihanda zahitanye ubuzima bw’abantu 369, abagera 685 barakomereka, gusa ariko ngo n’ubwo iyi miare atari mike ngo impanuka ziragenda zigabanuka ugereranyije n’imyaka yashize.

Ibi ni bimwe mu byatangajwe na polisi y’u Rwanda kuri uyu wa Gatatu tariki 13 Ugushingo 2017, mu kiganiro n’abanyamakuru mu rwego rwo kugaragaza ishusho y’umutekano muri uyu mwaka uri kugana ku musozo, ndetse no gutanga impanuro zijyanye n’imyitwarire y’Abanyarwanda mu bihe by’iminsi mikuru.

Komiseri w’ishami rishinzwe umutekano wo mu muhanda muri Polisi y’u Rwanda, George Rumanzi, yavuze ko umutekano mu muhanda wagenze nezza ugereranyije n’imyaka yashize ngo kuko abagwa mu mpanuka n’abazikomerekeramo bagabanutse ku buryo bugaragara .

Polisi ivuga ko impanuka z’ibinyabiziga bitwara abantu zabaga zaberaga mu mihanda zagabanutse mu kigereranyo cya 32% ugereranyije n’umwaka ushize wa 2016, ibi bikaba byaratewe n’ikoreshwa ry’utugabanyamuvuduko.

Abanyamaguru nibo baguye mu mpanuka ku buryo bukabije kuko muri uyu mwaka habarwa abagera kuri 34%, abakoresha moto 22% abakoresha amagare bo ni 14%.

Umuyobozi w’Ishami rya Polisi rishinzwe ubugenzacyaha, ACP Jean Marie Vianney Twagirayezu avuga ko muri uyu mwaka ibyaha byagabanutse ku kigero cya 5,4% aho babikesha ubufatanye bwa polisi n’abaturage. Yanavuze ko hari ibyaha byinshi byagiye bitahurwa bigakumirwa bitarakorwa ingamba zagiye zifatwa.

Yagize ati “Iri gabanuka ry’ibyaha bikorwa ntabwo ryizanye, byatewe n’ingamba nyinshi zihari polisi y’igihugu yagiye ishyira mu bikorwa ndetse n’ubufatanye bwa polisi n’izindi nzego z’umutekano, abikorera ndetse n’abaturage.Ibi rero bikaba byaratumye habaho uwo mutekano ndetse n’igabanuka ry’ibyaha.”

Ibyaha byagaragaye cyane uyu mwaka byiganjemo ubujura buciye icyuho bwitwaje intwaro, ubwicanyi , ibyaha by’ikoranabuhanga n’ibyaha by’icuruzwa ry’ibiyobyabwenge.

Polisi ivuga hari ibyaha byatahuwe bibuzwamo nk’aho baburijemo igitero cy’ikoranabuhanga cyari kigamije kwiba miliyoni 900 muri Access Bank, ibiyobyabwenge byinjizwaga imbere mu gihugu ndetse n’umugambi w’icuruzwa ry’abantu bagera kuri 35.

Polisi kandi yaboneyeho gusaba abaturage kwitwararika muri ibi bihe by’iminsi mikuru yo gusozza umwaka bakirinda ikintu cyose cyatuma bahungabanya nko kwinezeza bagakabya n’ibindi bitandukanye bishobora gushyira ubuzima bwabo mu kaga.

Polisi y’igihugu kandi yijeje Abanyarwanda umutekano usesuye muri izi mpera z’umwaka aho yatangaje ko yashyizeho ingamba zidasanzwe zo kubungabunga umutekano muri ibi bihe.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...