AMAKURU

UKWEZI
RPF

Ntamuhanga Cassien wareganwaga na Kizito Mihigo yatorotse gereza

Ntamuhanga Cassien wareganwaga na Kizito Mihigo yatorotse gereza
31-10-2017 saa 18:14' | By Vincent Nsengiyumva | Yasomwe n'abantu 14308 | Ibitekerezo 9

Urwego rushinzwe imfungwa n’abagororwa mu Rwanda (RCS) rwatangaje ko Ntamuhanga Cassien wari ufite Dosiye imwe na Kizito Mihigo ku byaha bikomeye bareganwaga byo guhungabanya umutekano w’ igihugu ndetse bikaba byaranabahamye, yatorotse gereza ya Mpanga i Nyanza mu ijoro ryo kuri uyu wa 30 Ugushyingo.

Umuvugizi w’Urwego rw’imfungwa n’amagereza mu Rwanda (RCS) CIP Sengabo Hillary yatangarije Ukwezi.com iby’aya makuru, yemeza ko Ntamuhanga Cassien yatorokanye na bagenzi be 2 bari bafunganye muri iyi gereza.

Yagize ati "Nibyo koko Ntamuhanga Cassien yatorotse gereza ariko siwe wenyine yatorokanye n’abandi bagabo batatu bari bafunganwe. Bakoresheje imigozi burira inkuta za gereza."

CIP Sengabo yakomeje avuga ko abacungagereza babonye imigozi bakoresheje mu rukerera maze bahita bakeka ko hari abatorotse, bakoze igenzura basanga aba bagabo uko ari batatu batakiri muri Gereza.

CIP Sengabo yavuze ko aba bagabo uko ari batatu batorotse gereza ya Mpanga ari Ntamuhanga Cassien , Sibomana Kirenge na Batambarije Theogene kandi ko bose bari barakatiwe n’inkiko.

Ntamuhanga Cassien wari umunyamakuru kuri Radio Ubuntu Butangaje (Amazing Grace) yahamijwe ibyaha bitatu birimo kugirira nabi Umukuru w’Igihugu, kurema umutwe w’abagizi ba nabi ndetse n’icyaha gucura umugambi w’ibikorwa by’iterabwoba.

Ntamuhanga Cassien yaregwaga hamwe na Kizito Mihigo , Jean Paul Dukuzumuremyi na Agnes Niyibizi maze we aza gukatirwa igifungo cy’imyaka 25 kubera icyaha cyo kugambirira kugirira nabi umukuru w’igihugu.


Sibomana Kirenge, Ntamuhanga Cassien na Batambirije Théogène batorotse gereza


Ntamuhanga Cassien ari kumwe n’abo bareganwaga mu rukiko

Aha Ntamuhanga Cassien na bagenzzi be berekwa itangazamakuru nyuma yo gutabwa muri yombi


INKURU ZA :
Tanga Igitekerezo
Ibitekerezo 9
Cyomoro Ivan Kuya 24-11-2017

Uwo twamurangije abarira barire cg biyahure. Tuzajya tubarangiza gake gake mpaka mushize. Abumva icyo nshaka kuvuga barumva. Hatahiwe Diane na Nyina, Victoire we azimanika cg yicwe n’inzara. Buri wese urwe ruramutegereje.

metalique Kuya 9-11-2017

Mwabafanyiye waza urushako ridashira

niyoyita Kuya 4-11-2017

Gusa birababaje abagizi banabi nkabo kubabacitse nugukaza umutekano wagereza,kugorango ntihagire abandi bacika.

Vuguziga Kuya 1-11-2017

Abo ibyabo byarangiye ahubwo
dutegereze. abagiye kubakurikira

Kamashu Kuya 1-11-2017

Amayeri yande wangu,twese turi Abana bu Rwanda .amayeri yande wangu

fils Kuya 31-10-2017

Biragoye gusobanukirwa uko batorotse; kuko umuntu yakwibaza byinshi: 1. ESE imigozi yageze muri gereza ITE?
2. yasohokeye he ko gereza iba ifunze nijoro?
3. ni gute buriye bakarenga urupangu nta muntu ushinzwe umutekano ubabonye?

Kamsli Kuya 31-10-2017

Mu ijoro ryakeye tariki ya 30 Ukwakira 2017,not ugushyingo as you wrote

Kamsli Kuya 31-10-2017

Mu ijoro ryakeye tariki ya 30 Ukwakira 2017,not ugushyingo as you wrote

Manzina Kuya 31-10-2017

Ubwo mwamurangije none muri kubeshya ngo yatorotse. Ese amayeri yanyu hari uyayobewe!

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...