konka coffee
KONKA

AMAKURU

UKWEZI

Nyabihu:Ubujura n’urugomo biravuza ubuhuha, ubwoba ni bwose mu baturage

Nyabihu:Ubujura n’urugomo biravuza ubuhuha, ubwoba ni bwose mu baturage
15-09-2017 saa 10:04' | By Vincent Nsengiyumva | Yasomwe n'abantu 3547 | Ibitekerezo 2

Abaturage bo mu Murenge wa Bigogwe n’uduce dutandukanye duhana imbibi nawo mu Karere ka Nyabihu bavuga ko bahangayikishijwe bikomeye n’ubujura ndetse n’urugomo rukomeye bakorerwa n’abantu biganjemo abashumba babambura bakanabakubita bakabasiga ari intere.

Abaturage bavuga ko iki kibazo cy’ubujura n’urugomo bimaze iminsi bigaragara muri uyu murenge ndetse wa Bigogwe ndetse no mu yindi bihana imbibi cyane cyane mu minsi yo kuwa Mbere no kuwa Kane ngo kuko aba bagizi ba nabi baba bateze abantu bavuye kurema isoko ry’inka rya Bigogwe kugirango babacuze utwo bavanye muri iryo soko.

Iki kibazo cy’urugomo n’ubwambuzi muri ibi bice kimaze gufata indi ntera kuburyo usanga mu mirenge yegereye ishyamba rya Gishwati nka Bigogwe, Rambura , Kanzenze ndetse na Kanama ya Rubavu na Nyange ya Ngororero hatajya habura abantu bari mu bitaro n’abandi bagendana ibipfuko ku mitwe, bose bagaragaza ko bakorewe urugomo n’abashumba baragira mu nzuri zo muri iri shyamba.

Ubuyobozi bw’ikigo nderabuzima cya Bigogwe bwabwiye Ijwi ry’Amerika ko bakira inkomere buri cyumweru cyane cyane iyo isoko rya Bigogwe ryaremye, bakomerekejwe n’abashumba baba babategeye mu nzira.

Muganga Antoine Kanyamanza uhagarariye serivisi zo kwakira inkomere no komora yavuze ko buri wa Mbere no kuwa Kane ninjoro iminsi isoko ry’inka riba ryaremye baba biteguye kwakira inkomere nyinshi z’abantu baba bazize urugomo rw’abashumba bo mu ishyamba rya Gishwati.

Umuyobozi w’umusigire w’Umurenge wa Bigogwe, Nyirakaronkano Francoise, yemeza ko uru rugomo n’ubujura biri mu murenge ayoboye ndetse no mu bindi bice bahana imbibi, gusa avuga ko hafashwe ingamba zo kubirwanya hakazwa amarondo ariko ashimangira ko bigoye kubica burundu kuko ngo ahari abantu ingeso nk’izi zitabura.

Yagize ati "Nyuma y’uko tumara kubimenya mu gitondo twakoresheje inama y’umutekano kuko twabonaga ari ibintu bigenda bigaruka. Twahamagaye ubuyobozi bw’imidugudu, ab’utugari n’abashinzwe umutekano dufata ingamba z’uko amarondo yakazwa cyane."

Zimwe mu mpamvu zikekwa ko zitera ibi bibazo by’ubujura n’urugomo harimo ko ibi bice nka Bikingi n’ahandi hatuwe n’abantu baturutse hirya no hino batagira aho bahinga cyangwa ikindi cyose bakora bikaba byabatera kwiba no kwishora mu zindi ngeso.

Ubuyobozi kandi buvuga ko kuba igice kinini cyakorerwagamo ubuhinzi muri Gishwati cyarahagaritswe kandi byaratumaga amagana y’abaturage ahabwa akazi ko guhinga, kubagara no kwikorera ibirayi ko nabyo byaba ari intandaro y’ibi byose biri kubera muri aka gace.


INKURU ZA :
Tanga Igitekerezo
Ibitekerezo 2
emmy Kuya 18-09-2017

IMPAMVU NUKO BABAJENJEKERA, BAJYE BARASA IZO NGENGERA ,UBUNDI UREBE KO BITAZACIKA BURUNDU.AMAHORO AGASAGAMBA.

ahimana Kuya 17-09-2017

arikose ubuyobozi butamenyesha inzegozumutekano INGABO na POLICE ubwokoko amarondo ntiyananiwe

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
  • munyemana Muli 2 Petero 3:13,Bible yigisha ko dutegereje "Ijuru rishya n’Isi Nshya".Abantu benshi beza,"bazasigara" kandi bature mu isi ya Paradizo iteka ryose.Naho ababi bose bazakurwa mu isi,bapfe burundu.Bisome muli Imigani 2:21,22 na Zaburi 37:29.Abandi beza bazajya mu Ijuru,nibo bazategeka Isi izaba Paradizo.Bisome muli Daniel 7:27 na Ibyahishuwe 5:10.Gehinomu,ni Igiheburayo "Ge Hinnom",bisobanura "Ikibaya cya Hinnom",cyabaga hafi n’i Yeruzalemu.Bahoraga batwikiramo imyanda n’intumbi z’abantu,bakaba ivu.YESU yavuze ko abanyabyaha bazajya muli Gehinomu,ashaka kuvuga ko "bazapfa burundu ntibongere kubaho".Byari ikigereranyo cy’icyo kibaya.Muli Abaroma 6:23,Bible ivuga ko igihano cy’icyaha ari "URUPFU" rwa burundu,nta kongera kubaho.Ntabwo ari Umuriro utazima.Bigenda gute iyo dupfuye?Ese tujya mu Ijuru?Nta hantu na hamwe Bible yigisha ko umuntu upfuye aba yitabye imana.Dore uko Bible yigisha ku Rupfu.Upfuye ntabwo aba yumva (Umubwiriza 9:5).None se yakitaba imana gute kandi atumva?Umwuka Imana yashyize muli Adamu,ntabwo ari Roho itekereza nkuko benshi bibeshya.Ahubwo ni “neshamah “ mu Giheburayo (breath mu Cyongereza,Souffle mu Gifaransa).Uwo mwuka imana yashyize muli Adamu,siwo utekereza.Hatekereza “ubwonko gusa†.Umwuka uba mu mubiri wacu,ni imbaraga zidukoresha.Twabigereranya n’amashanyarazi akoresha Radio.Ntabwo rero umwuka wakitaba imana kandi “udatekereza†.Iyo dupfuye,uwo mwuka uragenda,nkuko amashanyarazi nayo agenda,RADIO ntiyongere kuvuga.Dore urugero rwiza rwerekana ko iyo dupfuye tutaba twitabye imana: Igihe Yakobo bamubwiraga ko umuhungu we witwaga YOZEFU yapfuye,ntabwo yavuze ko umwana we yitabye imana.Ahubwo yavuze ko azasanga umwana we mu gitaka (Itagiriro 37:35).Bible yigisha ko upfuye yakoraga ibyo imana idusaba,azazuka “ku munsi w’imperuka†,agahembwa ubuzima bw’iteka muli paradizo (Yohana 6:40).Ni Yesu ubwe wabivuze.Abantu bapfa biberaga mu byisi gusa,biba birangiye batazazuka kuko imana ibafata nk’abanzi bayo (Yakobo 4:4 ).Barabora bikarangira (Abagalatiya 6:8).

    ">Wakoze kutubwira Ijambo ry’Imana.Ariko reka nkosore bimwe mu byo wanditse.Ndasaba abasomyi (...)
  • IZINDI NKURU WASOMA
    Loading...