konka coffee
KONKA

AMAKURU

UKWEZI

Nyamagabe: Meya yavuze ku modoka itwara indembe yagaragaye yambuka iteme rishaje

Nyamagabe: Meya yavuze ku modoka itwara indembe yagaragaye yambuka iteme rishaje
12-03-2018 saa 12:00' | By Akayezu Jean de Dieu | Yasomwe n'abantu 8503 | Ibitekerezo 8


Umuyobozi w’akarere ka Nyamagabe w’umusigire, Kabayiza Lambert, yasobanuye iby’imodoka itwara abarwayi barembye ‘Ambulance’ yagaragaye yambuka iteme bivugwa ko ari iry’ahazwi nka Mupfu rihuza imirenge ya Mushubi, Nkomane, Musebeya yo muri aka karere. aho yavuze koko ko nabo nk’ubuyobozi bazi iby’iri teme ndetse rinasanzwe rikoreshwa n’iyi modoka itwara abarwayi bo muri iyi mirenge ibavanye ku bigo nderabuzima bajya ku ivuriro riri ku rwego rw’akarere.

Iri teme rikunze gukoreshwa n’aba baturage bo muri iyi mirenge by’umwihariko ariko ngo bakunze kurikoresha mu gihe hari umurwayi urembye aho atwarwa n’imodoka itwara indembe giherereye ahahurira iyi mirenge yose yo mu karere ka Nyamagabe, Intara y’Amajyepfo. Iyi modoka akenshi iba ivanye abarwayi muri iyi mirenge ibajyanye ku bitaro biri ku rwego rw’akarere ka Nyamagabe biherereye i Kaduha

Umunyamabanga Nshingwabikorwa w’Umurenge wa Nkomane, Uwamahoro Philbert yabwiye Ukwezi.com ko iteme (ikiraro) ribahuza n’Umurenge wa Mushubi rikoze ariko avuga ko hari amwe mu mateme yo mu bice by’icyaro bahuriraho n’uyu murenge atameze neza ubona ko akenewe gukorwa.

Umuyobozi w’akarere ka Nyamagabe w’umusigire, Kabayiza Lambert yabwiye Ukwezi.com ko iby’iri teme rihangayikishije abaturage riri gushakirwa umuti anashimangira ko nabo nk’ubuyobozi bari basanzwe bazi iki kibazo barimo no kugishakira umuti kandi mu bihe bya vuba.

Yagize ati “Ni ikiraro gihuza Mushubi na Musebeya ariko umuhanda ugakomea ukajya Kaduha, ni umuhanda wifashishwa cyane n’imodoka itwara abarwayi ivanye muri kiriya gice n’ubundi ni mu murenge wa Mushubi, uwa Gatare, ubwo ni mu gihe habonetse wenda umurwayi ikigo nderabuzima (Centre de Sante) kitabasha kuvura ibibarenze ni ibisanzwe ko bajya ku bitaro biri ku rwego rw’akarere, hari iteme rero ryitwa Mupfu, rirashaje kandi ntabwo ryari rikozwe mu buryo bugezweho, ibiti biriho birashaje ni ibibntu tuzi ariko dufitiye igisubizon muri iyi minsi umuhanda wari urimo utunganywa mu buryo bw’imirimo y’amaboko ikorwa n’abaturage (Public work)”.

UMVA HANO IKIGANIRO MEYA ABISOBANURA

Yakomeje agira ati “Ikiraro rero cyo kugira ngo bikorwe mu buryo burambye dutegereje ibikoresho amasima azifashishwa mu kuhubaka hatanzwe isoko, isoko rero ryatanzwe urumva ibibanza by’amasezerano hanyuma abatsindiye isoko bakajya kuzana ibikoresho ni izo nzira nizo turindiriye. Ariko hagati aho twagira ngo turebe nibura bitarenze iki Cyumweru uburyo ibiti bishaje twaba tubisimbuje kugira ngo imodoka ibe ibashije gutambuka noneho na bya bikoresho birambye byaza tugakora neza kugira ngo ikibazo kibe gikemutse

Meya w’agateganyo wa Nyamagabe, Kabayiza Lambert yakomeje abwira Ukwezi.com ko muri aka karere bagifite ikibazo cy’ibikorwaremezo cyane cyane imihanda bakiri nkene aho imihanda bafite bacungiraho ari imihanda ibiri gusa bavuga ko idahagije. Yakomeje anavuga ko indi mihanda ikomeje gukorerwa ubuvugizi kugira ngo barebe niba yakorwa.


INKURU ZA :
Tanga Igitekerezo
Ibitekerezo 8
nge Kuya 19-03-2018

ariko tujye dushyira mugaciro kwer!!!! uyu muhanada ukeneye bigjet yakarere kugirango imodoka zihite kwer!!! ubuse akagari kaha .ntago bazi igikorwa cyumuganada koko. ubu gitifu wakagari acahe . ubu c akakagari ntikabona ibiti byogukora agahanda nkaka. ubu c bategereje imashine.koko. ibibigaragaza imyumvire mibi yabaturage . iwacu amateme nkaya tuyakora mumiganada iba buricyumweru

Popo Kuya 14-03-2018

Bategereje ko president azajyayo se bakabona kuwukora??????

Popo Kuya 14-03-2018

Bategereje ko president azajyayo se bakabona kuwukora??????

Uwizeyimana valentine Kuya 14-03-2018

Ubuyobozi bwakarere nibugire icyo bukora kuri iri teme rirashaje bigaragara hato uwari utabawe atazasiga ubuzima aha ahubwo kubwange ryakorwa mbere yibindi kuko iyinzira ikoreshwa cyane

Ineza fifi Kuya 12-03-2018

Abanyarwanda twatojwe umuco wokwigira no kwishakira ibisubizo uriya muhanda uwuwuzi wese ntiyabura inkunga atanga ngo ukorwe yaba amafaranga yaba igiti yaba imbaraga twiteguye gushyirahamwe tukarengera ubuzima bwumubyeyi nimpinja cyane

Uwimbabazi fortunee Kuya 12-03-2018

Twashima abanyamakuru baritanga rwose kuko buriya iyo mukoze ubuvugizi ibikorwa birihuta ibaze nawe gucisha umugore urikunda kuri kiriya kiraro nawe wibaze koko mu rwagasabo icyongeyeho numuhanda ubwawo iyo imvura yaguye ambullance iheramo ugasanga shoferi numuforomo numurwayi baraye nzira nimba ari indembe itembye cyane nawe urumva igikurikiraho banyamakuru mwabashije kuhagera muzakurikirane nimba uriya muhanda wararangiye muzaba mutanze umusanzu kubaturage bakariya gace murakoze

john Kuya 12-03-2018

Ubu se bashyizeho ibiti bishyashya,nabyo bisaba budget koko?ndabona umuhanda udaherukamo nagasuka.

john Kuya 12-03-2018

Ubu se bashyizeho ibiti bishyashya,nabyo bisaba budget koko?ndabona umuhanda udaherukamo nagasuka.

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...