konka coffee
KONKA

AMAKURU

UKWEZI

Nyanza: Umukecuru w’imyaka 71 yishwe ateraguwe icyuma

Nyanza: Umukecuru w’imyaka 71 yishwe ateraguwe icyuma
13-12-2017 saa 13:32' | By Vincent Nsengiyumva | Yasomwe n'abantu 2822 | Ibitekerezo 2

Umukecuru witwa Uzamukunda Emilienne w’imyaka 71 wari utuye mu mudugudu wa Kabeza Akagari ka Kadaho Umurenge wa Cyabakamyi mu Karere ka Nyanza yishwe ateraguwe icyuma n’abantu bataramenyekana. Umurambo w’uyu mukecuru ukaba wasanzwe mu nzu mu gitondo cyo kuri uyu wa Gatatu.

Amakuru avuga ko uyu mukecuru Uzamukunda Emilienne wishwe n’abagizi ba nabi yabaga mu nzu wenyine ngo kuko yari inshike ya Jenocide yakorewe Abatutsi muri 1994,ndetse n’umugabo we akaba yarishwe n’abagizi ba nabi muri 2007.

Umuvugizi wa Polisi y’u Rwanda mu Ntara y’Amajyepfo IP Emmanuel Kayigi yabwiye Ukwezi.com ko uyu mukecuru yishwe atewe icyuma n’abantu bataramenyekana mu ijoro ryo kuwa Kabiri tariki ya 12 Ugushyingo 2017.

Yagize ati “ Nibyo koko uwo mukecuru yishwe mu ijoro ryakeye n’abantu bataramenyekana ariko turi gushakisha kandi twizeye ko bazatahurwa. Ikigaragara cyo ni uko yishwe atewe icyuma kandi babanje kumupfuka igitambaro ku munwa.Umurambo we wasanzwe ku muryango w’inzu ye.”

IP Kayigi yakomeje avuga ko bumvise ibiri kuvugwa ko uyu mukecuru yari inshike ya Jenocide yakorewe Abatutsi, ariko avuga ko batahamya ko aribyo yaba yazize gusa ngo iperereza riracyakomeje. Kayigi yanavuzeko umugabo wa Nyakwigendera Uzamukunda nawe yishwe n’abagizi ba nabi muri 2007.

Yagize ati “ Uyu mukecuru yari inshike ya Jenocide yakorewe Abatutsi, n’umugabo we yishwe n’abagizi ba nabi muri 2007.Kuba yishwe n’abagizi ba nabi rero ntibyahita bihuzwa no kuba yaracitse ku icumu, gusa hari gukorwa iperereza ngo tumenye ikihishe inyuma y’ubu bwicanyi.”


INKURU ZA :
Tanga Igitekerezo
Ibitekerezo 2
Munezero Kuya 24-12-2017

Uwomuryangowaze Ibyo Ukomekwihangana" Ariko Ayonamahano Peeeeeeeee!Ndumiwe

Kamanayo Kuya 13-12-2017

Ariko ibi bizaba kugeza ryari koko!?
Ko BIKABIJE!
Njye mbona hakwiye ibihano by’intangarugero ku bakora ubwicanyi bugambiriwe nk’ubu, Noneho bisa no gukomeza jenoside!
Ibyo kubafunga babiciye amazi!
NIHAGIRE IGIKORWA RUBANDA ITABARWE NAHO UBUNDI UHISHIRA UMUROZI AKAKUMARA KU RUBYARO ! Birakabije!

IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...