konka coffee
KONKA

AMAKURU

UKWEZI

Nyarugenge: Abagizi ba nabi bishe umuturage bamuteraguye ibyuma bakomeretsa undi umwe

Nyarugenge: Abagizi ba nabi bishe umuturage bamuteraguye ibyuma bakomeretsa undi umwe
6-12-2017 saa 19:22' | By Vincent Nsengiyumva | Yasomwe n'abantu 1421 | Ibitekerezo 1

Umugabo witwa Nkurikiye Fabrice wo mu Kagari ka k’Akabahizi mu Murenge wa Gitega mu Karere ka Nyarugenge yateraguwe ibyuma n’abagizi ba nabi ahita apfa, mugenzi we bari kumwe arakomereka bikomeye.

Ubu bwicanyi bwabaye mu ijoro ryo Kuwa Kabiri rishyira kuwa Gatatu ya 6 Ukubozi 2017, ubwo abagizi ba nabi bari mu gatsiko bategaga nyakwigendera Nkurikiye Fabrice na mugenzi we witwa Harerimana Juvens bari kumwe maze batangira kubanigagura babambura ibyo bari bafite babateragura ibyuma umwe ahita yitaba Imana.

Umuvugizi wa Polisi y’u Rwanda mu Mujyi wa Kigali, SP Emmanuel Hitayezu, yatangarije Ukwezi.com ko amakuru y’ubu bwicanyi ariyo koko, avuga ko Nkurikiye Fabrice yishwe n’abagizi ba nabi mu ijoro ryo kuwa Kabiri rishyira kuwa Gatatu.

Yagize ati "Mu ijoro ryakeye hagati ya saa sita na saa Saba nibwo mu murenge wa Gitega abantu bataramenyekana bategeye mu nziza uwitwa Nkurikiye Fabrice ari kumwe na mugenzi we hanyuma bashaka kubambura ibyo bari bafite noneho bashatse kwirwanaho abo bagizi ba nabi bahita batera icyuma nyakwigendera Nkurikiye ahita ahasiga ubuzima mugenzi we nawe arakomereka bikomeye."

SP Hitayezu yakomeje avuga ko Harerimana Juvens nawe bamuteraguye ibyuma ariko akaba atapfuye akaba yajyanywe mu bitaro bya CHUK aho ari gukurikiranwa kuko yakomeretse bikomeye.

SP Hitayezu yavuze ko iperereza ririmo gukorwa kugira ngo hamenyekane abagize uruhare muri ubwo bugizi ba nabi, ndetse no mu gitondo cyo kuri uyu wa Gatatu muri uyu murenge hakaba hakozwe inama kugira ngo bahumurize baturage batuye mu gace ubu bwicanyi byabayemo.

SP Hitayezu kandi yaboneyeho gusaba abaturage kujya batanga amakuru ku gihe mu gihe baba babonye ibikorwa nk’ibyo n’igihe babonye umuntu batamenyereye mu gace batuyemo mu masaha y’ijoro, aho yabasabye kujya babatungira agatoki inzego z’umutekano .

Ati " Turasaba abaturage ko bajya batanga amakuru ku gihe ku muntu uwo ariwe wese babonye mu mudugudu batamuzi,hanyuma bakihutira kumenyesha inzzego z’umutekano. Bagomba kandi no gufasha inzego z’umutekano kumenya abantu bashobora kuba bihishe inyuma y’ibyo bikorwa bibi kuko hari ababa bashobora kuba bafite amakuru."


INKURU ZA :
Tanga Igitekerezo
Ibitekerezo 1
kayitare basile Kuya 11-12-2017

ubwo c ko police ivuga ngo abaturage bajye batanga amakuru kugihe ubunkuyu wishwe amakuru yarigutangwa mbere gute?

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...