AMAKURU

UKWEZI

Perezida Kagame yazirikanye umuhate n’ubwitange by’ingabo z’u Rwanda

Perezida Kagame yazirikanye umuhate n’ubwitange by’ingabo z’u Rwanda
26-12-2017 saa 09:20' | By Akayezu Jean de Dieu | Yasomwe n'abantu 4480 | Ibitekerezo 4

Perezida wa Repubulika y’u Rwanda akaba n’umugaba w’ikirenga w’ingabo z’u Rwanda, Paul Kagame yageneye ubutumwa Ingabo z’u Rwanda mu minsi mikuru isoza umwaka ndetse anabashimira uburyo bakomeje kubungabunga umutekano w’u Rwanda n’Abanyarwanda badasize no guhagararira igihugu hirya no hino ku isi mu butumwa bugamije kugarura amahoro muri ibyo bihugu.

Mu itangazo rigaragara ku rubuga rwa Minisiteri y’Ingabo ryashyizweho kuri uyu wa kabiri tariki 26 Ukuboza 2017, Perezida Kagame yongeye guhamya ko ingabo z’u Rwanda zagerageje kwitangira igihugu n’abagituye aho bishoboka.

Muri ubu butumwa Perezida Kagame yagize ati “Ba Ofisiye, abagabo n’abagore mugize Ingabo z’u Rwanda (RDF), mu izina rya Guverinoma y’u Rwanda no mu izina ryanjye muri rusange mbifurije mwe n’imiryango yanyu Nohel Nziza n’Umwaka mushya muhire wa 2018.

Yunzemo ati Mu gihe dusoza umwaka wa 2017, dufite amahirwe yo kwirebaho no gutekereza imbere tugaha agaciro umumaro ukomeye mufitiye igihugu cyacu, nk’abagore n’abagabo mu mwambaro urimo idarapo ry’u Rwanda.Muri uyu mwaka ushize, imbere no hanze y’igihugu mwakomeje gukorana umuhate n’umurava ndetse n’ubwitange mu kurinda u Rwanda n’abaturage b’u Rwanda.

Aha imbere mu gihugu, abaturage bagenzi banyu bakomeje kwishimira amahoro n’ubutajegajega byatumye igihugu cyacu gikomeza gutera imbere mu mibereho myiza n’ubukungu byadufashije guhangana n’inzitizi ziri ku rwego rw’akarere ndetse no ku isi yose muri rusange"

Perezida Kagame kandi muri ubu butumwa bwe yashimiye ingabo z’u Rwanda uburyo zitwaye neza hanze y’igihugu by’umwihariko abasirikare bagiye bahagararira u Rwanda mu butumwa bw’amahoro mu bihugu bitandukanye. Aha kandi Perezida Kagame niho yahereye avuga ko ingabo z’u Rwanda zahagarariye neza igihugu

Ati” Mwabaye aba ambasaderi bakomeye b’u Rwanda, muharanira amahame n’indagagaciro tugenderaho mu gihugu cyacu musangiza bashiki bacu, bakuru bacu na barumuna bacu mu mahanga izo ndagagaciro. Iki ni igihe ngo dufate umwanya dutekereze kuri ibyo byose n’izo mbaraga ndetse n’ibyo mwatugejejeho atari ukubiha agaciro bikwiye gusa ahubwo ari no kugira ngo duharanire ko bizakomeza gutera imbere no gutanga inyungu ku gihugu cyacu.”

Perezida Kagame muri ubu butumwa kandi yaboneyeho kubwira ingabo z’u Rwanda ko intangiriro z’umwaka mushya aba ari amahirwe meza yo kwibuka igihango bafitanye n’igihugu cyabo haba mu bitekerezo ndetse no mu masengesho kugirango bafate umwanya wo kumva ko buri umwe ku giti cye cyangwa ikipe bagomba kwitanga no kudatezuka kuri icyo gihango.

Iyi foto yafashwe tariki 4 Ugushyingo 2016, ubwo Perezida Kagame yari yitabiriye imyitozo ya gisirikare i Gabiro.


INKURU ZA :
Tanga Igitekerezo
Ibitekerezo 4
Kayitesi Kuya 30-12-2017

Turashimira nyakubahwa ko yabatekerejeho kuko gusa turizerako hari agadhimo kumwihariko babikiwe nko kuzamurwa Ku ntera kubagejeje igihe nibindi

Denise Kuya 29-12-2017

Nanjye nifurije umwaka mushya muhire abasirikare bose muri rusange

dada Kuya 26-12-2017

Nabasirikare batoya tubifurije noheri nziza.mukorakazi gakomeye cyane.amasaha kumara muhagaze kandi muhetse imbunda nimenshi.muzagire umwana muhire

Bosco Kuya 26-12-2017

Mukoreshe ururimi rw’ikinyarwanda neza kuko Perezida Kageme nta wubaho.

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...