AMAKURU

UKWEZI
ubumwe

Polisi y’ u Rwanda yarashe abagabo batatu bakekwaho gucuruza kanyanga

Polisi y’ u Rwanda yarashe abagabo batatu bakekwaho gucuruza kanyanga
11-05-2019 saa 16:21' | By Nsanzimana Ernest | Yasomwe n'abantu 5696 | Ibitekerezo 5

Polisi y’ u Rwanda ikorera mu karere ka Gicumbi yarashe abagabo batatu bakekwaho ko binjizaga Kanyanga mu Rwanda bahita bapfa. Barashwe mu gitondo cyo kuri uyu wa Gatandatu, bagerageza gucika nk’ uko byatangajwe n’ ubuyobozi bw’ akarere ka Gicumbi.

Amakuru avuga ko ejo ku wa Gatanu mu karere ka Gicumbi Mudugudu wa Muramba mu Kagari ka Nyabishambi, Umurenge wa Shangasha habereye umukwabu wo gufata abarembetsi.

Muri uyu mudugudu hari abagabo umunani bari bazwiho gukura kanyanga muri Uganda bakayikwirakwiza mu baturage.

Ubuyobozi bw’ umudugudu bufatanyije n’ abaturage bafashe bamwe muri bo banabambura kanyaga bari bafite. Abo bantu bakura kanyanga muri Uganda bazwi k’ izina ry’ ‘Abarembetsi’.

Abarembetsi nyuma bateye urugo rw’ uyu muyobozi w’ umudugudu bafite imihoro n’ ibibando bamusaba ko abasubiza kanyanga yabo cyangwa bakamwica.

Umuyobozi w’Akarere ka Gicumbi, Ndayambaje Félix, yabwiye Igihe ko aba barembetsi batemye umuyobozi w’umudugudu ku kuboko banamwambura telefoni, umukozi w’Umurenge watabaye nawe baramukomeretsa banamwambura telefoni ebyiri.

Meya Ndayambaje yakomeje avuga ko abaturage batabaje polisi yahagera abo bagabo bakajya kwihisha. Ngo kuva saa sita kugera saa moya abo bagabo bari bakomeje kurwanya polisi bakoresheje amabuye banafite imihoro itatu, ariko byarangiye batawe muri yombi ari batanu bajya gufungirwa kuri RIB sitasiyo ya Byumba.

Meya Ndayambaje yongeyeho ati “Mu rukerera ubwo bari babafunguriye hamwe n’abandi ngo bajye mu bwiherero nibwo batatu bahise birukanka, abapolisi barabahagarika baranga niko kubarasa.”

Uyu muyobozi yashimiye abaturage uburyo bakomeje gutanga amakuru ku bacuruza kanyanga, abasaba kurushaho kuyatangira ku gihe kandi bakamenya ibyo bagenzi babo bakora umunsi ku munsi.

Ikibazo cy’ ‘abarembetsi’ ni ikibazo kimaze igihe kuko muri 2015 basenye inzu y’ umuturage wari wabatanzeho amakuru. Bisanzwe bizwi ko abarembetsi binjiza kanyanga mu Rwanda bitwaje intwaro.


INKURU ZA :
Tanga Igitekerezo
Ibitekerezo 5
Murindabigwi J claude Kuya 30-05-2019

Abo barembetse bakanirwe urubakwiye Kuko bahungabanya umutekano w, igihugu. Ndumva arabagambanyi bigihugu

Tuyisenge jean BOOSCO Kuya 14-05-2019

Abobarembetsi babakanire urubakwiye n’abandibabikorabumvireho

Murindabigwi J claude Kuya 12-05-2019

Abo barembetse bakanirwe urubakwiye Kuko bahungabanya umutekano w, igihugu. Ndumva arabagambanyi bigihugu

Murindabigwi J claude Kuya 12-05-2019

Abo barembetse bakanirwe urubakwiye Kuko bahungabanya umutekano w, igihugu. Ndumva arabagambanyi bigihugu

emmy Kuya 12-05-2019

abo bantu rwose bambutsa ibiyobyabwenge bakurikiranwe

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...