konka coffee
KONKA

AMAKURU

UKWEZI

Polisi yavuze ku myigaragambyo yabereye ku mupaka wa Gatuna

Polisi yavuze ku myigaragambyo yabereye ku  mupaka wa Gatuna
22-12-2017 saa 10:00' | By Vincent Nsengiyumva | Yasomwe n'abantu 4459 | Ibitekerezo

Polisi y’u Rwanda yasobanuye icyateye imyigaragambyo yavutse ku ruhande rwa Uganda ku mupaka wa Katuna-Gatuna uhuza icyo gihugu n’u Rwanda aho Abanya-Uganda bari bakoze igisa no gufunga umuhanda biza guhoshwa n’inzego zishinzwe umutekano nyuma y’amasaha agera kuri atatu.

Iyi myigaragambyo yakorwaga n’ abanya-Uganda yabaye kuwa Kane tariki 21 Ugushyingo ahagana saa mbiri za mu gitondo aho aba baturage basabaga ko umuvunjayi ukomoka muri iki gihugu ufungiye mu Rwanda yarekurwa agasubira iwabo.

Polisi y’u Rwanda yabwiye The new Times dukesha iyi nkuru ko iyi myigaragambyo yatangiye mu masaha ya saa mbili za mugitondo ku munsi w’ejo kuwa Kane maze iza guhoshwa n’inzego z’umutekano nyuma y’amasaha make.

Polisi yavuze ko abigaragambyaga barimo bakoresha amabuye n’ibindi birimo ingeri z’ibiti mu gufunga umuhanda ku mupaka mupaka wa Gatuna ku buryo byanabangamiye urujya n’uruza rw’abakoresha uyu mupaka muri gahunda zinyuranye ziganjemo iz’ubucuruzi.

Umuvunjayi wo muri Uganda watumye bigaragambya yitwa Justus Tweyogyere, akaba yafashwe kuwa 16 Ukuboza akurikiranyweho inyandiko mpimbano n’ubucuruzi bw’amafaranga butemewe akaba arimo gukurikiranwa kuri ibi byaha.

Umuvugizi wa Polisi y’u Rwanda ACP, Theos Badege, yabwiye The New Times ko Tweyogyere yafatiwe mu Rwanda aho akurikiranweho ibyaha birimo gukoresha inyandiko mpimbano n’ubucuruzi bw’amafaranga butemewe, yongeraho ko byahise bimenyeshwa Ambasade ya Uganda mu Rwanda, ku buryo kugeza ubu abo mu muryango we baza kumusura aho afungiye.

Yakomeje avuga ko ubutabera buri kumukurikirana ku byaha akekwaho ndetse akaba ameze neza aho yanemerewe kubonanan’umunyamategeko uzamwunganira mu rubanza ku byaha akurikiranyweho.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...