konka coffee
KONKA

AMAKURU

UKWEZI
ubumwe

Ruhango: Habaye impanuka ikomeye y’imodoka yaguye mu mugezi abari bayirimo bose barapfa

Ruhango: Habaye impanuka ikomeye y’imodoka yaguye mu mugezi abari bayirimo bose barapfa
2-06-2019 saa 16:42' | By Chief Editor | Yasomwe n'abantu 12913 | Ibitekerezo 2

Mu masaha ya mugitondo cyo kuri iki Cyumweru tariki 2 Kamena 2019, impanuka ikomeye y’imodoka yahitanye ubuzima bw’abantu batandatu bari bayirimo, bikekwa ko baba barimo n’abo mu muryango umwe. Ni impanuka y’imodoka yaguhe mu mugezi.

Iyi mpanuka yabereye mu karere ka Ruhango, mu murenge wa Mwendo mu kagari ka Gafunzo mu mudugudu wa Kagarama mu masaha ya saa tatu za mugitondo. Ni mu muhanda Kirengeri -Gafunzo aho imodoka y’ivatiri yo mu bwoko bwa Benz yavaga mu Byimana yerekeza i Gafunzo yaguye mu mugezi wa Ruhondo ikarengerwa. Ni hafi y’uruganda rw’umuceri rwa Gafunzo muri metero 300 mbere y’uko ugera ku iteme rya Kiryango. Bikekwa ko umushoferi yihutaga akajya ahahoze ikiraro nyamara baherutse kukimurira ku ruhande bityo agahita agwa mu mugezi.

Muri iyi mpanuka hapfiriyemo abantu bose bari bayirimo, barimo abagabo 3 n’abagore 3, imirambo ikaba yatwawe ku bitaro bya Gitwe biri muri aka karere ka Ruhango. Mu bayiguyemo hari abamaze kumenyekana imyirondoro yabo hangendewe ku ndangamuntu babasanganye n’aho zatangiwe.

Abo barimo Habumugisha Joseph ufite indangamuntu yatangiwe Kicukiro/Kagarama, hakabamo Niyomwungeri Theogene ufite indangamuntu yatangiwe i Nyarugenge/Kigali, Kanyandekwe Michel (wari utwaye imodoka) nawe ufite iyatangiwe i Nyarugenge/Kigali, Mukarubuga Ereda ufite iyatangiwe i Kinazi/Huye na Dushimimana Thereza ufite iyatangiwe i Bweramama muri Ruhango. Uwa gatandatu we umwirondoro nturamenyekana.

Abashinzwe umutekano barimo ingabo na Polisi bageze ahabereye impanuka, bafatanya n’abaturage ndetse na kompanyi y’ubwubatsi ya Fair Construction yazanye imashini, bafatanya umuganda wo gushaka uko imodoka yavanwa mu mazi.


INKURU ZA :
Tanga Igitekerezo
Ibitekerezo 2
Firimini Kuya 2-06-2019

Nukuri banyakwigendera bahitanwe nimpanuka yimodoka,abashofri,kariro game naferi,kuko amagara araseseka ntayorwa,banyakwigendera imana ibakire mubayo

Firimini Kuya 2-06-2019

Nukuri banyakwigendera bahitanwe nimpanuka yimodoka,abashofri,kariro game naferi,kuko amagara araseseka ntayorwa

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...