AMAKURU

UKWEZI
ubumwe

YAVUGURUWE: Abagororwa batanu bo muri gereza ya Huye nibo barashwe barapfa

YAVUGURUWE: Abagororwa batanu bo muri gereza ya Huye nibo barashwe barapfa
24-01-2019 saa 08:57' | By Chief Editor | Yasomwe n'abantu 13793 | Ibitekerezo 5

Mu masaha y’ijoro ryo kuri uyu wa Gatatu tariki 23 Mutarama 2019, muri gereza ya Huye iri mu murenge wa Ngoma ahazwi nka Karubanda, humvikanye urufaya rw’amasasu rwamaze akanya kanini abaturiye gereza bagira ubwoba, amakuru yabanje kwemezwa ni ay’uko abagororwa batatu barashwe bagahita bahasiga ubuzima ariko amakuru agera ku kinyamakuru Ukwezi avuga ko hari abandi babiri barashwe mu rukerera.

Abaturage baturiye gereza ya Huye babwiye ikinyamakuru Ukwezi ko bumvise amasasu menshi muri iyi gereza kandi akaba yamaze akanya, ariko kuko bwari bwije ntibabashe kumenya ibyo ari byo, gusa ngo byabateye ubwoba kuko ari ibintu bitari bisanzwe. Umwe muri aba yatangarije ikinyamakuru Ukwezi ko baketse ko ari abagizi ba nabi baba bateye iyi gereza.

SSP Sengabo Hillary, Umuvugizi w’Urwego rw’amagereza mu Rwanda, mu kiganiro n’ikinyamakuru Ukwezi yaduhamirije iby’uko ayo masasu yabayeho ndetse ashimangira ko abagororwa batatu ari bo barashwe bagapfa ubwo bageragezaga gutoroka.

JPEG - 48.1 kb

SSP Sengabo Hillary, Umuvugizi w’Urwego rw’amagereza mu Rwanda

SSP Sengabo ati: "Ubu ndi mu nzira njyayo, nibyo koko byabaye ariko amakuru yuzuye ndaza kuyabaha ngezeyo, gusa abagororwa batatu bo bapfuye, barashwe barimo gushaka gutoroka, byabaye nko mu masaha ya saa tatu z’ijoro"

Andi makuru yizewe ariko ni ay’uko mu masaha ya saa kumi za mugitondo, hari abandi bagororwa babiri babonye mu bihuru byo hafi ya gereza nabo bagahita baraswa bakahasiga ubuzima, muri rusange abarashwe bakaba ari batanu.

Abarashwe ni Nteziryayo Patrick wari ufungiye icya cy’ubujura bwitwaje intwaro aho yari yarakatiwe imyaka 12 y’igifungo, Uwiringiyimana Jeremie nawe wari ufungiye ubujura aho yari yarakatiwe umwaka umwe n’amezi atatu, Uwitonze Claude wari warakatiwe imyaka 5 nawe azira ubujura, Byiringiro Gedeon wari ufungiye icyaha cy’ubujura buciye icyuho akaba yari yarakatiwe igifungo cy’imyaka ibiri n’amezi atandatu, hamwe na Karangwa Gilbert wari warahawe igihano cy’igifungo cy’imyaka itatu nawe azira icyaha cy’ubujura. Imirambo y’aba bose uko ari batanu yajyanywe ku bitaro bya CHUB.


INKURU ZA :
Tanga Igitekerezo
Ibitekerezo 5
Eddie Kuya 2-02-2019

Oh la la.
Abo bashenzi baramvabaje cyane.
Ntawarufite igifungo kirengeje imyaka itanu none bihaye igihano cyo gupfa.
Je n’en suis pas content mes. amis.
Mais c’est comme ça !

IRADUKUNDA FILS RODRIGUE Kuya 24-01-2019

Urambeshya kuko ntakibaho kidafite impamvu, nuwaguhaye iyo mirongo yar’afite impamvu, kd nibi byose tubona kw’isi biba bifit’impanvu.

IRADUKUNDA FILS RODRIGUE Kuya 24-01-2019

Urambeshya kuko ntakibaho kidafite impamvu, nuwaguhaye iyo mirongo yar’afite impamvu, kd nibi byose tubona kw’isi biba bifit’impanvu.

laurent Kuya 24-01-2019

Mbabajwe nuko bapfuye batihannye naho uubundi abacungagereza bo ntakindi bari gukora uretse kwirwanaho.

mazina Kuya 24-01-2019

Gufungwa ni bibi.Ushobora gupfa "bule"Wenda ukicwa n’isasu,inzara,indwara kubera kutavurwa,etc...Gusa abantu benshi bigeze gufungwa.Ndetse na Yesu yigeze gufungwa,baramwica.
Mu isi nshya dusoma muli 2 petero 3:13,gereza zizavaho kuko abantu babi bose bazakurwa mu isi ku munsi wa nyuma.Soma imigani 2:21,22.Ibibi byose bizavaho:Ubukene,ubusaza,akarengane,indwara,urupfu,etc...Soma ibyahishuwe 21:4.Kugirango tuzabe muli iyo paradizo,Yesu yadusabye "gushaka mbere na mbere ubwami bw’Imana",aho kwibera mu byisi gusa.Bisome muli Matayo 6:33.

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...