konka coffee
KONKA

AMAKURU

UKWEZI

Lt. Gen. Frank Mushyo Kamanzi yagizwe umugaba w’Ingabo za LONI muri Sudani y’Epfo

Lt. Gen. Frank Mushyo Kamanzi yagizwe umugaba w’Ingabo za LONI muri Sudani y’Epfo
7-04-2017 saa 22:35' | By Chief Editor | Yasomwe n'abantu 5472 | Ibitekerezo

Umusirikare mukuru mu ngabo z’u Rwanda, Lt. Gen. Frank Mushyo Kamanzi, yagiriwe icyizere n’Umunyamabanga Mukuru w’Umuryango w’Abibumbye, amugira umugaba mukuru w’ingabo z’Umuryango w’Abibumbye ziri mu butumwa bwo kubungabunga amahoro muri Sudani y’Epfo, UNMISS (United Nations Mission in South Sudan).

Umunyamabanga mukuru w’Umuryango w’Abibumbye, António Guterres, kuri uyu wa Kane tariki 6 Mata 2017, yatangaje ko Lieutenant General Frank Mushyo Kamanzi wo mu ngabo z’u Rwanda, ari we mugaba mukuru w’Ingabo z’Umuryango w’Abibumbye zibungabunga amahoro muri Sudani y’Amajyepfo, UNMISS (United Nations Mission in South Sudan).

JPEG - 139.6 kb

Lt General Frank Mushyo Kamanzi, amaze imyaka irenga 28 akora ibikorwa bitandukanye bya gisirikare mu gihugu no hanze yacyo. Guhera muri 2016, yari asanzwe ari umugaba w’Ingabo z’Umuryango w’Abibumbye zibungabunga amahoro i Darfur muri Sudan.

JPEG - 169.3 kb

Mbere yaho nabwo yakoze imirimo y’ubuyobozi mu Ngabo z’u Rwanda, dore ko kuva muri 2012 kugeza muri 2015 yari Umugaba Mukuru w’Ingabo zirwanira ku butaka, naho kuva muri 2010 kugeza muri 2012 yari umuyobozi w’Ikigo cya Gisirikare (Rwanda Military Academy). Kuva muri 2007 kugeza muri 2010 bwo yayoboraga burigade.

JPEG - 199.3 kb

Lt General Frank Mushyo Kamanzi yanabaye umugaba wungirije w’Ingabo z’Umuryango w’Abibumbye zibungabunga amahoro muri Sudani kuva muri 2006 kugeza muri 2007, akaba yari n’umwe mu basirikare bagiye mu butumwa bw’amahoro i Lusaka muri Zambia kuva mu 1999 kugeza muri 2000.

JPEG - 293.2 kb

Lt General Frank Mushyo Kamanzi afite impamyabumenyi y’icyiciro cya gatatu cya Kaminuza mu bijyanye n’uburyo bwo gucunga umutekano w’igihugu (Master’s degree in national security strategy), yakuye muri Kaminuza yigisha ibya gisirikare y’i Washington muri Leta Zunze Ubumwe za Amerika. Afite kandi impamyabumenyi y’icyiciro cya kabiri cya Kaminuza (A0) mu by’ubuhinzi yakuye i Kampala muri Kaminuza ya Makerere. Anafite impamyabumenyi z’ibya gisirikare yakuye muri Nigeria no mu Bushinwa. Ni umugabo w’imyaka 53 y’amavuko, akaba afite umugore babyaranye abana batanu


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...