konka coffee
KONKA

AMAKURU

UKWEZI

Kimironko: Abakora irondo ry’umwuga batuwe umutwaro wari ubaremereye ubu barabyinira ku rukoma

 Kimironko: Abakora irondo ry’umwuga batuwe umutwaro wari ubaremereye ubu barabyinira ku rukoma
26-12-2017 saa 11:46' | By Akayezu Jean de Dieu | Yasomwe n'abantu 3114 | Ibitekerezo 1

Abakora irondo ry’umwuga mu murenge wa Kimironko wo mu karere ka Gasabo mu mujyi wa Kigali, ubu barabyinira ku rukoma nyuma y’uko bahawe n’ubuyobozi bw’uyu murenge ubwishingizi bw’ubuzima ku bufatanye na kompanyi y’Ubwishingizi ya Radiant, kuri ubu aba banyerondo bakaba bavuga ko batuwe umutwaro wari ubaremereye dore ko ntawe uzongera gukomerekera mu kazi ngo abure uko yivuza.

Ku wa Gatandatu tariki 23 Ukuboza 2017, nibwo ubuyozi bw’umurenge wa Kimironko mu karere ka Gasabo ho mu mujyi wa Kigali, bwashyikirije abakora irondo ry’umwuga muri uyu murenge mu tugari twawo dutandukanye, ubwisungane mu kwivuza bwatanzwe na Radiant Insurance Company.

Nyuma yo gushyikirizwa ubwisungane mu kwivuza , aba bakora irondo bahawe n’amasezerano y’akazi, ibi bikaba bitari bimenyerewe ari naho aba banyerondo bahereye bavuga ko bashyizwe igorora ndetse batuwe umutwaro wabavunaga ukababuza gukora akazi kabo bashyize umutima hamwe kubwo guhora bikanga impanuka bashobora kugirira mu kazi bakabura ubushobozi bwo kwivuza.

Bamaze guhabwa ubwishingizi bashyize ka morali barabyina biratinda

Umwe muri aba bakora irondo ry’umwuga nawe wahawe ubwishingizi bwo kwivuza ndetse agahabwa n’amasezerano y’akazi yavuze ko kugeza ubu babohotse kandi bagiye kujya bakora akazi k’irondo nta nkomyi mu rwego rwo gukomeza gufatanya n’izindi nzego kurinda umutekano w’abanyarwanda.

Umunyamabanga Nshingwabikorwa w’Umurenge wa Kimironko, Mapambano Nyiridandi yavuze ko impamvu nyamukuru yatumye habaho gutekereza ubwishingizi n’amasezerano kuri aba bakora irondo ry’umwuga yari ukugira ngo bakemure zimwe mu mbogamizi bahura nazo zikabazitira mu kazi kabo, nko gukomereka bakabura uburyo bwo kwivuza.

Agaruka ku mpamvu yatumye habaho gutinda guha ubu bwishingizi n’amasezerano y’akazi aba bakora irondo ry’umwuga, Gitifu Mapambano yavuze ko byose bijyana n’ubushobozi bw’igihugu ari nayo mpamvu umunsi ku munsi hazakomeza kubaho uburyo bwo kureba icyakorwa kugira ngo abakora irondo ry’umwuga babashe kubaho neza haba mu kazi ndetse no mu miryango yabo.

Bimwe mu bikubiye muri ubu bwishingizi aba bakora irondo ry’umwuga mu murenge wa Kimironko bahawe, harimo kuba uzajya agira ikibazo akaba yakwitaba Imana ari mukazi umuryango we uzajya uhabwa miliyoni imwe naho uwagize ikibazo gishobora kumutera ubumuga bwa burundu mu gihe kwivuza byananiranye azajya ahabwa indishyi ya miliyoni imwe naho uwakomeretse byoroheje we azajya avuzwa nk’uko bisanzwe ariko yivurize ku bwishingizi.

Umunyamabanga Nshingwabikorwa w’Umurenge wa Kimironko, Mapambano Nyiridandi


Uyu mudamu niwe uhagarariye Radiant yatanze ubwishingizi kuri aba bakora irondo ry’umwuga

Abakora irondo ry’uwmuga bahawe n’ibikoresho bizajya bibafasha mu kazi birimo imyenda n’inkweto

Inzego za Polisi na Dasso zari zihagarariwe muri uyu muhango wo gutanga ubwishingizi ku bakora irondo ry’umwuga


INKURU ZA :
Tanga Igitekerezo
Ibitekerezo 1
Niyondagije david Kuya 29-01-2018

Twishimiye icyo gikorwa radiant yakoze itanga ubwobwishingizi kubanyerendo babigize umwuga natwe gatsibo bitugereho murakoze

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
  • munyemana Muli 2 Petero 3:13,Bible yigisha ko dutegereje "Ijuru rishya n’Isi Nshya".Abantu benshi beza,"bazasigara" kandi bature mu isi ya Paradizo iteka ryose.Naho ababi bose bazakurwa mu isi,bapfe burundu.Bisome muli Imigani 2:21,22 na Zaburi 37:29.Abandi beza bazajya mu Ijuru,nibo bazategeka Isi izaba Paradizo.Bisome muli Daniel 7:27 na Ibyahishuwe 5:10.Gehinomu,ni Igiheburayo "Ge Hinnom",bisobanura "Ikibaya cya Hinnom",cyabaga hafi n’i Yeruzalemu.Bahoraga batwikiramo imyanda n’intumbi z’abantu,bakaba ivu.YESU yavuze ko abanyabyaha bazajya muli Gehinomu,ashaka kuvuga ko "bazapfa burundu ntibongere kubaho".Byari ikigereranyo cy’icyo kibaya.Muli Abaroma 6:23,Bible ivuga ko igihano cy’icyaha ari "URUPFU" rwa burundu,nta kongera kubaho.Ntabwo ari Umuriro utazima.Bigenda gute iyo dupfuye?Ese tujya mu Ijuru?Nta hantu na hamwe Bible yigisha ko umuntu upfuye aba yitabye imana.Dore uko Bible yigisha ku Rupfu.Upfuye ntabwo aba yumva (Umubwiriza 9:5).None se yakitaba imana gute kandi atumva?Umwuka Imana yashyize muli Adamu,ntabwo ari Roho itekereza nkuko benshi bibeshya.Ahubwo ni “neshamah “ mu Giheburayo (breath mu Cyongereza,Souffle mu Gifaransa).Uwo mwuka imana yashyize muli Adamu,siwo utekereza.Hatekereza “ubwonko gusa†.Umwuka uba mu mubiri wacu,ni imbaraga zidukoresha.Twabigereranya n’amashanyarazi akoresha Radio.Ntabwo rero umwuka wakitaba imana kandi “udatekereza†.Iyo dupfuye,uwo mwuka uragenda,nkuko amashanyarazi nayo agenda,RADIO ntiyongere kuvuga.Dore urugero rwiza rwerekana ko iyo dupfuye tutaba twitabye imana: Igihe Yakobo bamubwiraga ko umuhungu we witwaga YOZEFU yapfuye,ntabwo yavuze ko umwana we yitabye imana.Ahubwo yavuze ko azasanga umwana we mu gitaka (Itagiriro 37:35).Bible yigisha ko upfuye yakoraga ibyo imana idusaba,azazuka “ku munsi w’imperuka†,agahembwa ubuzima bw’iteka muli paradizo (Yohana 6:40).Ni Yesu ubwe wabivuze.Abantu bapfa biberaga mu byisi gusa,biba birangiye batazazuka kuko imana ibafata nk’abanzi bayo (Yakobo 4:4 ).Barabora bikarangira (Abagalatiya 6:8).

    ">Wakoze kutubwira Ijambo ry’Imana.Ariko reka nkosore bimwe mu byo wanditse.Ndasaba abasomyi (...)
  • IZINDI NKURU WASOMA
    Loading...